پاک فضائیہ اور بنگلہ دیش ایئر فورس کے درمیان دفاعی تعاون مزید مضبوط بنانے پر اتفاق
اشاعت کی تاریخ: 6th, January 2026 GMT
ایئر چیف مارشل ظہیر احمد بابر سدھو سے بنگلہ دیشی فضائیہ کے سربراہ ایئر چیف مارشل حسن محمود خان کی قیادت میں اعلیٰ سطح کے دفاعی وفد نے ملاقات کی، جس میں دونوں ممالک کی فضائی افواج کے درمیان آپریشنل تعاون، ادارہ جاتی ہم آہنگی اور دفاعی تعلقات کو مزید مستحکم بنانے پر تفصیلی تبادلہ خیال کیا گیا۔
مزید پڑھیں: بھارت اور بنگلہ دیش کے درمیان تنازع بڑھ گیا، ڈھاکہ میں آئی پی ایل کی نشریات پر پابندی عائد
آئی ایس پی آر کے مطابق ملاقات میں بالخصوص تربیت، صلاحیت سازی اور ایرو اسپیس شعبے میں تعاون پر زور دیا گیا۔ ایئر چیف مارشل ظہیر احمد بابر سدھو نے بنگلہ دیشی وفد کو پاک فضائیہ کی حالیہ پیشرفت، جدید صلاحیتوں اور مستقبل کے منصوبوں سے آگاہ کیا اور بنگلہ دیش ایئر فورس کی مکمل معاونت کے عزم کا اعادہ کیا۔
A high-level defence delegation led by Air Chief Marshal Hasan Mahmood Khan, Chief of the Air Staff, Bangladesh Air Force called on Air Chief Marshal Zaheer Ahmed Baber Sidhu, NI (M), HJ, Chief of Air Staff, Pakistan Air Force at Air Headquarters, Islamabad.
— Media Talk (@mediatalk922) January 6, 2026
ملاقات کے دوران جے ایف-17 تھنڈر طیاروں کی ممکنہ خریداری پر بھی تفصیلی بات چیت کی گئی۔ ایئر چیف نے کہا کہ پاک فضائیہ کے ادارے بنگلہ دیشی اہلکاروں کو بنیادی سے لے کر اعلیٰ سطح کی پرواز اور خصوصی کورسز تک جامع تربیتی سہولیات فراہم کرنے کے لیے تیار ہیں۔
مزید پڑھیں: ٹی20 ورلڈ کپ، بھارت میں محفوظ نہیں، بنگلہ دیش کرکٹ بورڈ نے ٹیم بھیجنے سے انکار کردیا
آئی ایس پی آر کے مطابق بنگلہ دیشی ایئر چیف کو ایئر ہیڈکوارٹرز اسلام آباد پہنچنے پر گارڈ آف آنر پیش کیا گیا۔ دورے کے دوران وفد نے پاک فضائیہ کی اہم تنصیبات کا دورہ بھی کیا، جن میں نیشنل آئی ایس آر اینڈ انٹیگریٹڈ ایئر آپریشنز سینٹر، پاک فضائیہ سائبر کمانڈ اور نیشنل ایرو اسپیس سائنس اینڈ ٹیکنالوجی پارک شامل ہیں۔
آئی ایس پی آر کا کہنا ہے کہ یہ دورہ پاکستان اور بنگلہ دیش کے درمیان مضبوط تاریخی تعلقات اور باہمی اعتماد کی عکاسی کرتا ہے اور دونوں فضائی افواج کے درمیان تعاون کے نئے مواقع پیدا کرے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایئر چیف مارشل حسن محمود خان ایئر چیف مارشل ظہیر احمد بابر سدھو بنگلہ دیشی فضائیہ کے سربراہ
ذریعہ
ذریعہ: WE News
کلیدی لفظ: ایئر چیف مارشل حسن محمود خان ایئر چیف مارشل ظہیر احمد بابر سدھو بنگلہ دیشی فضائیہ کے سربراہ ایئر چیف مارشل اور بنگلہ دیش بنگلہ دیشی پاک فضائیہ کے درمیان آئی ایس
پڑھیں:
اسلام آباد، بلاول بھٹو سے وزیر اعلیٰ گلگت بلتستان امجد حسین کی ملاقات
وزیر اعلیٰ نے انہیں وزیراعظم پاکستان میاں محمد شہباز شریف سے ہونے والی ملاقات اور گلگت بلتستان کو عبوری صوبہ بنانے کے حوالے سے اسمبلی قرارداد سے متعلق تفصیلات سے آگاہ کیا۔ اسلام ٹائمز۔ پاکستان پیپلزپارٹی کے چیئرمین بلاول بھٹو زرداری سے گلگت بلتستان کے وزیر اعلیٰ امجد حسین ایڈووکیٹ نے زرداری ہاؤس اسلام آباد میں ملاقات کی اور انہیں وزیراعظم پاکستان میاں محمد شہباز شریف سے ہونے والی ملاقات اور گلگت بلتستان کو عبوری صوبہ بنانے کے حوالے سے اسمبلی قرارداد سے متعلق تفصیلات سے آگاہ کیا۔ پارٹی ذرائع کے مطابق ملاقات میں جی بی میں حکومت سازی، خطے کے مسائل اور پارٹی امور پر تبادلہ خیال کیا گیا۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا