تائیوان کا ایف 16 لڑاکا طیارہ مشرقی ساحل کے قریب حادثے کا شکار
اشاعت کی تاریخ: 6th, January 2026 GMT
data-id="863a0a8" data-element_type="widget" data-widget_type="theme-post-content.default">
تائی پے : تائیوان کی فضائیہ کا ایک ایف 16 لڑاکا طیارہ مشرقی ساحلی علاقے میں حادثے کا شکار ہو گیا، جس کے بعد پائلٹ کی تلاش کے لیے بڑے پیمانے پر ریسکیو کارروائی شروع کر دی گئی ہے۔ سرکاری خبر رساں ادارے کے مطابق طیارہ معمول کی تربیتی مشق انجام دے رہا تھا کہ اچانک حادثہ پیش آ گیا۔
فضائیہ حکام کا کہنا ہے کہ ابتدائی شواہد سے عندیہ ملتا ہے کہ پائلٹ نے طیارے سے بروقت ایجیکٹ کر لیا تھا اور ممکنہ طور پر ہولین کاؤنٹی کے قریب سمندر میں اتر گیا ہے۔ ریسکیو ٹیمیں فضائی اور بحری ذرائع سے علاقے کی مسلسل نگرانی کر رہی ہیں۔
دوسری جانب تائیوان کے صدر ولیم لائی چنگ تے نے واقعے کا فوری نوٹس لیتے ہوئے متعلقہ اداروں کو ہدایت جاری کی ہے کہ پائلٹ کی بازیابی کو اولین ترجیح دی جائے اور حادثے کی اصل وجوہات جاننے کے لیے جامع تحقیقات کی جائیں۔
حکام کے مطابق تحقیقات مکمل ہونے تک اس طرز کی تربیتی پروازوں کے حفاظتی پہلوؤں کا بھی ازسرِنو جائزہ لیا جائے گا۔
ذریعہ
ذریعہ: Jasarat News
پڑھیں:
کراچی: زیادتی کی شکار غیرملکی خاتون نے ملزم کو معاف کردیا
کراچی کے علاقے ڈیفنس میں زیادتی کا شکار غیر ملکی خاتون نے ملزم کو معاف کردیا۔ جوڈیشل مجسٹریٹ جنوبی ملزم کے جسمانی ریمانڈ میں چار روز کی توسیع کردی۔
کراچی میں درخشاں تھانے کی حدود میں امریکی خاتون سے زیادتی کے مقدمے کی سماعت جوڈیشل مجسٹریٹ جنوبی کی عدالت میں ہوئی پولیس نے گرفتار ملزم جیسپر عرف آدی محمود کو عدالت میں پیش کیا۔
متاثرہ خاتون نے عدالت میں زیر دفعہ 164 کا بیان ریکارڈ کروایا، متاثرہ خاتون نے ملزم کو معاف کرنے کا بیان دیا۔
پولیس کا کہنا ہے کہ مقدمہ میں ملوث ملزم آدی محمود کو گرفتار کرلیا ہے، ملزم تھانا درخشاں میں گزشتہ ڈیڑھ ماہ سے صفائی کا کام کر رہا تھا۔
خاتون نے بیان میں کہا کہ پولیس افسر نے اس کا دستخط شدہ بیان جلادیا، پولیس افسر نے کہا کہ مقدمہ درج کروائیں ورنہ ہمارے لیے مشکل ہوجائے گی۔
متاثرہ خاتون نے کہا کہ ملزم کی زندگی خراب نہیں کرنا چاہتی۔
عدالت نے متاثرہ خاتون کا بیان کیس کا حصہ بنادیا جبکہ عدالت نے ملزم جیسپر کے جسمانی ریمانڈ میں چار روز کی توسیع کردی۔
عدالت نے تفتیشی افسر کو ملزم کی عمر کے تعین سے متعلق رپورٹ پیش کرنے کی ہدایت کی۔
بھارت سے جنگ اور افغانستان میں کارروائی خارج ازامکان نہیں، وزیردفاع