کراچی: فیکٹری میں چوری کی بڑی واردات، چور لیپ ٹاپ اور دیگر قیمتی سامان لے اُڑے
اشاعت کی تاریخ: 7th, January 2026 GMT
data-id="863a0a8" data-element_type="widget" data-widget_type="theme-post-content.default">
کراچی کے علاقے نیو کراچی صنعتی ایریا میں واقع قائد لیدر فیکٹری میں چوری کی بڑی واردات ہوئی ہے۔
پولیس کے مطابق نامعلوم ملزمان قیمتی سامان چوری کر کے فرار ہو گئے۔ اس حوالے سے تفصیلات میں بتایا گیا ہے کہ واردات کے دوران ملزمان نے فیکٹری سے 10 لیپ ٹاپ، مشینوں کے کارڈز اور امپورٹڈ جیکٹس چرا لیں۔
گبول ٹاؤن تھانے کی حدود میں نیو کراچی صنعتی ایریا سیکٹر 16 میں واقع قائد لیدر فیکٹری کو رات کے وقت نشانہ بنایا گیا۔ پولیس کا کہنا ہے کہ 3 ملزمان نے فیکٹری کے بیرونی دروازے کی جالی کاٹ کر اندر داخل ہونے کے بعد مرکزی دروازے کا کنڈا توڑا۔ اندر داخل ہو کر ملزمان نے پہلے ایک کمرے میں موجود اسٹاف کے لیپ ٹاپ اور مشینوں کے کارڈز سمیٹے جب کہ دوسرے کمرے سے امپورٹڈ جیکٹس چوری کیں۔
پولیس کے مطابق ملزمان نے تمام سامان بوریوں میں بھرا اور پیدل ہی موقع سے فرار ہو گئے۔ فیکٹری انتظامیہ کو جب واردات کا علم ہوا تو فوری طور پر پولیس کو اطلاع دی گئی، جس کے بعد پولیس نفری موقع پر پہنچ گئی۔ جائے واردات سے شواہد اکٹھے کرنے کے لیے کرائم سین یونٹ کو بھی طلب کیا گیا، جس نے فنگر پرنٹس اور دیگر اہم شواہد محفوظ کیے۔
پولیس حکام کا کہنا ہے کہ سی سی ٹی وی فوٹیج حاصل کر لی گئی ہے، جس میں ملزمان کی نقل و حرکت واضح طور پر دیکھی جا سکتی ہے۔ اسی فوٹیج کی مدد سے ملزمان کی شناخت اور گرفتاری کے لیے مختلف پہلوؤں سے تفتیش کی جا رہی ہے۔ ابتدائی تحقیقات میں واردات منظم دکھائی دیتی ہے، جس سے شبہ ہے کہ ملزمان کو فیکٹری کے اندر موجود سامان اور ترتیب کا پہلے سے علم تھا۔
.
ذریعہ
ذریعہ: Jasarat News
پڑھیں:
اٹلی میں4 پاکستانیوں کے قتل کے الزام میں 2 پاکستانی گرفتار
روم(ڈیلی پاکستان آن لائن)اٹلی میں 4 پاکستانیوں کے قتل کے الزام میں 2 پاکستانیوں کو گرفتار کرلیا گیا۔اطالوی میڈیا کے مطابق یہ واقعہ جنوبی اٹلی کے علاقے کیلابریا میں پیش آیا۔
رپورٹ کے مطابق مرنے والے چاروں افراد کا تعلق پاکستان سے تھا اور وہ ایک زرعی فارم میں کام کرتے تھے۔ چاروں افراد کی لاشیں ایک جلی ہوئی وین کے اندر سے برآمد کی گئیں۔فرانسیسی خبر ایجنسی کے مطابق واقعےکے بعد پولیس نے تحقیقات کیں اور سی سی ٹی وی فوٹیج کی مدد سے 2 ملزمان کو گرفتار کرلیا، دونوں ملزمان بھی پاکستان سے تعلق رکھتے ہیں۔دوسری جناب ترجمان دفترخارجہ نے جنوبی اٹلی میں 4 پاکستانیوں کے مبینہ قتل پر ردعمل میں کہا ہےکہ اطلاع ہےکہ اٹلی میں جاں بحق افرادکا تعلق پاکستانی نژاد خاندانوں سے ہے، جاں بحق ہونے والوں کی درست شہریت کی ابھی تک تصدیق نہیں ہوئی۔ترجمان کے مطابق مقامی پولیس معاملے کی تحقیقات کر رہی ہے، ان میں فرانزک شواہد کا جائزہ بھی شامل ہے، اٹلی میں پاکستانی سفارتخانہ اس معاملے کی پیروی کر رہا ہے، اٹلی میں پاکستانی سفارتخانہ مزید پیشرفت کے لیے مقامی حکام کے ساتھ رابطے میں ہے۔
بجٹ 2026-27 ، پاکستان انسٹیٹیوٹ آف ڈیویلپمنٹ اکنامکس نے کم از کم ماہانہ اجرت 45 ہزار روپے مقرر کرنے کی سفارش کردی
مزید :
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ