نیو کراچی لیدر فیکٹری میں ملزمان تالے کاٹ کر لاکھوں مالیت کا قیمتی سامان لے گئے
اشاعت کی تاریخ: 7th, January 2026 GMT
کراچی:
نیو کراچی صنعتی ایریا میں لیدر فیکٹری سے ملزمان 10 لیپ ٹاپ، مشینوں کے کارڈز اور جیکٹس چوری کرکے فرار ہوگئے۔
تفصیلات کے مطابق گبول ٹاؤن تھانے کے علاقے نیو کراچی صنعتی ایریا سیکٹر 16 میں قائم قائد لیدر فیکٹری میں تین ملزمان دروازے کی جالی اور کنڈا کاٹ کر اندر داخل ہوئے۔
ملزمان نے فیکٹری کے ایک کمرے میں رکھے اسٹاف کے10 لیں ٹاپ، مشینوں کے کارڈزاور دوسرے کمرے میں رکھی امپورٹڈ جیکٹس چوری کرلیں۔
ملزمان نے تمام سامان بوروں میں بھرا اور پیدل ہی فرار ہوگئے، واردات کی اطلاع ملنے پر پولیس موقع پر پہنچ گئی اور پولیس نے جائے واردات سے شواہد اکٹھا کرنے کے لیے کرائم سین یونٹ کو بھی موقع پر طلب کیا۔
پولیس نے چوری کی واردات کے بعد ملزمان کے فرار ہونے کی سی سی ٹی وی فوٹیج بھی حاصل کرلی، پولیس حکام کا کہنا ہے کہ سی سی ٹی وی فوٹیج کی مدد سے ملزمان کی تلاش کا عمل جاری ہے، پولیس جلد اصل ملزمان کو گرفتارکرنے میں کامیاب ہوجائے گی۔
.
ذریعہ
ذریعہ: Express News
پڑھیں:
کراچی، فیڈرل بی انڈسٹریل ایریا میں پولیس مقابلہ، 2 زخمی ڈاکو گرفتار، چھینی گئی موٹر سائیکل برآمد
کراچی:شہر قائد میں فیڈرل بی انڈسٹریل ایریا پولیس نے مبینہ مقابلے کے بعد زخمی سمیت 2 ڈاکوؤں کو گرفتار کر کے اسلحہ ، شہری سے اسلحہ کے زور پر چھینی گئی موٹرسائیکل اور دیگر سامان برآمد کر لیا ۔
تفصیلات کے مطابق فیڈرل بی انڈسٹریل ایریا پولیس نے راشد منہاس روڈ سہراب گوٹھ پل کے قریب سے مبینہ مقابلے کے بعد زخمی سمیت 2 ڈاکوؤں کو گرفتار کر لیا۔
زخمی حالت میں گرفتار ڈاکو کو طبی امداد کے لیے عباسی شہید اسپتال منتقل کیا گیا۔
ترجمان ایس یس پی ڈسٹرکٹ سینٹرل عمران خان کے مطابق زخمی حالت میں گرفتار ڈاکو کی شناخت شعیب ولد احسان کے نام سے کی گئی جبکہ دوسرے گرفتار ملزم نے اپنا نام رضی الدین ولد سمیع الدین بتایا۔
گرفتار ملزمان سے ایک پستول بمعہ گولیاں ، موبائل فون ، کیش رقم اور موٹرسائیکل برآمد کی گئی۔
ملزمان سے ملنے والی موٹرسائیکل 21 جولائی 2026 کو شاہراہ پاکستان سے شہری سے اسلحہ کے زور پر چھینی گئی تھی ۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار