سندھ ہائیکورٹ نے حضرت داؤدؑ پر بنی فلم پر پابندی کی درخواست مسترد کردی
اشاعت کی تاریخ: 7th, January 2026 GMT
data-id="863a0a8" data-element_type="widget" data-widget_type="theme-post-content.default">
کراچی: سندھ ہائیکورٹ کے آئینی بینچ نے حضرت داؤد علیہ السلام پر بنی فلم کی نمائش پر پابندی عائد کرنے سے متعلق دائر درخواست کو ابتدائی مرحلے پر ہی مسترد کر دیا۔
نجی ٹی وی کے مطابق کراچی میں آئینی بینچ کے روبرو اس حساس نوعیت کے معاملے کی سماعت ہوئی، جس میں درخواست گزار کی جانب سے مؤقف اختیار کیا گیا تھا کہ مذکورہ فلم اسلامی تعلیمات اور مسلمانوں کے مذہبی جذبات کے منافی ہے، اس لیے اس پر فوری پابندی عائد کی جائے۔
سماعت کے دوران درخواست گزار کے وکیل نے عدالت کو آگاہ کیا کہ حضرت داؤد علیہ السلام کے حوالے سے ایک کارٹون فلم تیار کی گئی ہے، جس کی نمائش مختلف پلیٹ فارمز پر کی جا رہی ہے۔ وکیل کے مطابق مسلمانوں کے لیے تمام انبیا کرام کا احترام ایمان کا بنیادی جزو ہے اور اس نوعیت کی فلمیں اسلامی اقدار کے خلاف سمجھی جاتی ہیں۔ انہوں نے عدالت سے استدعا کی کہ مذہبی جذبات کے تحفظ کے پیش نظر اس فلم کی نمائش روکی جائے۔
عدالت نے درخواست گزار کے مؤقف کا بغور جائزہ لیتے ہوئے وکیل سے استفسار کیا کہ فلم میں کون سا ایسا قابل اعتراض مواد موجود ہے جسے اسلامی تعلیمات کے منافی قرار دیا جا سکتا ہے۔ جسٹس یوسف سعید نے وکیل سے براہ راست سوال کیا کہ آیا انہوں نے خود یہ فلم دیکھی ہے یا نہیں۔ وکیل کے جواب پر عدالت نے ریمارکس دیے کہ جب درخواست گزار نے خود فلم دیکھی ہے تو دوسروں کو اسے دیکھنے سے روکنے کی درخواست کیسے کی جا سکتی ہے۔
آئینی بینچ نے مزید ریمارکس دیتے ہوئے کہا کہ موجودہ دور میں فلمیں صرف سنیما گھروں تک محدود نہیں رہیں بلکہ مختلف ڈیجیٹل اور آن لائن پلیٹ فارمز پر بھی ریلیز کی جاتی ہیں، اس لیے محض عمومی اعتراضات کی بنیاد پر مکمل پابندی عائد کرنا ممکن نہیں۔
.
ذریعہ
ذریعہ: Jasarat News
کلیدی لفظ: درخواست گزار
پڑھیں:
یو اے ای ویزا آن ارائیول کی نئی شرائط اور فیس جاری
دبئی: یو اے ای ویزا آن ارائیول سے متعلق متحدہ عرب امارات نے نئی شرائط، فیس اور درخواست کے طریقہ کار کی تفصیلات جاری کر دی ہیں۔ نئی ہدایات کے تحت مخصوص ممالک کے اہل شہری امارات پہنچنے پر 14 یا 60 روزہ ویزا حاصل کر سکیں گے، تاہم اس کے لیے مقررہ شرائط پر پورا اترنا لازمی ہوگا۔
دبئی کی جنرل ڈائریکٹوریٹ آف آئیڈینٹیٹی اینڈ فارنرز افیئرز (GDRFA) کے مطابق بھارت، انڈونیشیا، ویتنام، تھائی لینڈ، فلپائن، کینیا اور جنوبی افریقہ کے شہری، اور ان کے ہمراہ سفر کرنے والے اہل خانہ، اس سہولت سے فائدہ اٹھا سکتے ہیں۔
حکام کے مطابق درخواست گزار کے پاس کم از کم چھ ماہ کے لیے کارآمد پاسپورٹ، سفید پس منظر والی حالیہ رنگین تصویر اور امریکا، برطانیہ، یورپی یونین، کینیڈا، آسٹریلیا، نیوزی لینڈ، جاپان، جنوبی کوریا یا سنگاپور کی جانب سے جاری کردہ قابل قبول رہائشی پرمٹ یا ویزا ہونا ضروری ہے۔
اعلامیے کے مطابق 14 روزہ ویزا آن ارائیول کو صرف ایک مرتبہ مزید 14 دن کے لیے توسیع دی جا سکتی ہے، جبکہ 60 روزہ ویزا میں توسیع کی سہولت دستیاب نہیں ہوگی۔
جی ڈی آر ایف اے نے بتایا کہ ویزا کے لیے درخواست اس کی سرکاری ویب سائٹ یا اسمارٹ ایپ کے ذریعے جمع کرائی جا سکتی ہے۔ درخواست کی منظوری کے بعد ویزا رجسٹرڈ ای میل پر ارسال کیا جائے گا، جبکہ عام طور پر درخواستوں پر 48 گھنٹوں کے اندر کارروائی مکمل کر لی جاتی ہے۔
فیس کے حوالے سے جاری تفصیلات کے مطابق 14 روزہ ویزا آن ارائیول کی فیس 172.50 درہم جبکہ 60 روزہ ویزا کی فیس 422.50 درہم مقرر کی گئی ہے۔
جی ڈی آر ایف اے کا کہنا ہے کہ اس سہولت کا مقصد بین الاقوامی مسافروں کے لیے سفری عمل کو مزید آسان بنانا، سیاحت کو فروغ دینا اور زیادہ سے زیادہ سیاحوں کو متحدہ عرب امارات کی جانب راغب کرنا ہے۔
ادارے کے اعداد و شمار کے مطابق سال 2026 کے پہلے چھ ماہ کے دوران اس پروگرام کے تحت 73 ہزار 551 ویزے جاری کیے جا چکے ہیں، جو اس سہولت کی بڑھتی ہوئی مقبولیت کی نشاندہی کرتے ہیں۔
اہم وضاحت: جاری کردہ شرائط میں پاکستانی پاسپورٹ ہولڈرز شامل نہیں ہیں۔ یہ سہولت صرف ان مخصوص ممالک کے شہریوں کے لیے ہے جن کا جی ڈی آر ایف اے نے اعلان کیا ہے۔
رمضان میں سحر و افطار کے دوران لوڈشیڈنگ نہ کرنے کا حکم، گیس فراہمی کا بھی اعلان