فلم ‘میلہ’ صرف اپنے بھائی فیصل کو لانچ کرنے کے لیے کی، 25 سال بعد عامر خان کا اعتراف
اشاعت کی تاریخ: 7th, January 2026 GMT
بالی ووڈ کے مسٹر پرفیکشنسٹ عامر خان نے اپنی فلم ’میلہ‘ کے 25 سال مکمل ہونے پر ایک اہم انکشاف کیا ہے۔
عامر خان، جو فلموں کے انتخاب میں بے حد محتاط سمجھے جاتے ہیں، نے اعتراف کیا کہ انہوں نے 2001 میں ریلیز ہونے والی فلم میلہ صرف اپنے بھائی فیصل خان کو فلم انڈسٹری میں متعارف کرانے کے لیے کی تھی۔
یہ بھی پڑھیے: عامر خان اپنی گرل فرینڈ گوری اسپرٹ کے ہمراہ نئے سال کی خوشیاں منانے چھٹیوں پر روانہ
عامر خان کے مطابق میلہ کو اگرچہ ناقدین اور ناظرین کی جانب سے شدید تنقید کا سامنا کرنا پڑا اور یہ فلم باکس آفس پر ناکام رہی، تاہم اس کے باوجود انہیں اس فیصلے پر کوئی پچھتاوا نہیں۔ ان کا کہنا تھا کہ یہ فلم انہوں نے خالصتاً خاندانی ذمہ داری کے تحت کی۔
دلچسپ امر یہ ہے کہ بعد ازاں فیصل خان نے عامر خان پر سنگین الزامات بھی عائد کیے، جن میں غیر قانونی نظر بندی اور کیریئر کو نقصان پہنچانے جیسے دعوے شامل ہیں۔ اس پر ردِعمل دیتے ہوئے عامر خان نے کہاکہ ‘کیا کریں؟ یہ میری تقدیر ہے۔ دنیا سے لڑا جا سکتا ہے، مگر اپنے ہی خاندان سے کیسے لڑا جائے؟’
فلم میلہ کے بارے میں بات کرتے ہوئے عامر خان نے کھل کر تسلیم کیا کہ یہ فلم ان کے لیے ایک مشکل تجربہ ثابت ہوئی۔ ان کے بقول، ‘مجھے فلم کی ناکامی پر شدید مایوسی ہوئی۔ یہ صرف فیصل کے لیے ہی نہیں بلکہ میرے لیے بھی مشکل وقت تھا۔ میری ہر فلم میرے لیے بہت معنی رکھتی ہے، اور میلہ کی ناکامی نے مجھے بھی متاثر کیا۔ پوری ٹیم نے بہت محنت کی تھی، سب ہی مایوس ہوئے تھے۔’
یہ بھی پڑھیے: سلمان خان کی دوستوں کے لیے بھیل پوری بنانے کی ویڈیو وائرل
واضح رہے کہ میلہ کو فلم شعلے سے متاثر ایک فلم قرار دیا جاتا ہے، جس میں عامر خان نے دھرمیندر کے کردار سے متاثر کردار ادا کیا، جبکہ فیصل خان کو امیتابھ بچن کے مشہور کردار سے مماثلت دی گئی۔
اگرچہ میلہ تجارتی طور پر کامیاب نہ ہو سکی، مگر 25 برس بعد بھی یہ فلم عامر خان کے کیریئر میں ایک اہم اور جذباتی موڑ کے طور پر یاد کی جاتی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بالی ووڈ عامر خان فلم میلہ فیصل خان.
ذریعہ
ذریعہ: WE News
کلیدی لفظ: بالی ووڈ فلم میلہ فیصل خان فیصل خان کے لیے یہ فلم
پڑھیں:
ایلون مسک نے ’اوڈیسی‘ کا اے آئی ورژن اسی سال پیش کرنے کا اعلان کردیا
ارب پتی ٹیکنالوجی کاروباری شخصیت ایلون مسک نے اعلان کیا ہے کہ ان کا مصنوعی ذہانت پر مبنی پلیٹ فارم گروک امیجن (Grok Imagine) رواں سال کے اختتام سے پہلے قدیم یونانی رزمیہ شاہکار اوڈیسی پر مبنی ایک مکمل فلم تیار کرے گا۔ مسک کا کہنا ہے کہ یہ فلم شاعر ہومر کی اصل تخلیق کے مطابق ہوگی اور تاریخی اعتبار سے بھی زیادہ درست انداز میں پیش کی جائے گی۔
ایلون مسک نے سماجی رابطے کی ویب سائٹ ایکس پر اپنی پوسٹ میں دعویٰ کیا کہ اے آئی کے ذریعے بنائی جانے والی یہ فلم ہومر کے اصل فن اور کہانی کی حقیقی روح کی عکاسی کرے گی۔ انہوں نے اس اعلان کے ساتھ تقریباً تین منٹ طویل ایک اے آئی ویڈیو بھی شیئر کی، جس میں اوڈیسیئس اور کلیپسو کے درمیان ایک منظر دکھایا گیا ہے۔
Before this year ends, Grok Imagine will make a full-length movie of The Odyssey that is historically accurate and true to the art of Homer https://t.co/bVHzUmY9WN
— Elon Musk (@elonmusk) July 22, 2026اس سے قبل بھی ایلون مسک نے ایک صارف کی اس تجویز کی حمایت کی تھی کہ ہدایت کار میل گبسن تقریباً 100 ملین ڈالر کی لاگت سے اوڈیسی پر ایسی فلم بنائیں جس میں تاریخی طور پر درست جہاز، ہتھیار، زرہیں، کردار اور ہومر کی اصل نظم کے مکالمے شامل ہوں۔ اس تجویز پر مسک نے مختصر جواب دیتے ہوئے کہا تھا، ’میں تیار ہوں۔‘
دوسری جانب ایلون مسک حالیہ دنوں میں برطانوی نژاد امریکی فلم ساز کرسٹوفر نولن کی فلم اوڈیسی پر بھی سخت تنقید کرتے رہے ہیں۔ ان کا الزام ہے کہ نولن نے ایوارڈز حاصل کرنے کی غرض سے اصل داستان میں تبدیلیاں کیں۔ انہوں نے فلم کی کاسٹنگ پر بھی اعتراض اٹھایا، خاص طور پر اداکارہ لوپیٹا نیونگو کو ہیلن آف ٹرائے کے کردار میں لینے کے فیصلے کو تنقید کا نشانہ بنایا، جبکہ ایک موقع پر نولن کو ’نسل پرستانہ رویہ رکھنے والا‘ فلم ساز بھی قرار دیا۔
تاہم ایلون مسک کی تنقید کے باوجود کرسٹوفر نولن کی اوڈیسی نے باکس آفس پر شاندار آغاز کیا ہے۔ باکس آفس رپورٹس کے مطابق فلم نے ریلیز کے پہلے ہفتے میں دنیا بھر سے 264.06 ملین ڈالر سے زائد کا بزنس کیا، جس کے بعد اسے رواں برس کی نمایاں کامیاب فلموں میں شمار کیا جا رہا ہے۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی