کراچی: فشری ساحل سے 7 سالہ بچی کی ڈوبنے کے بعد لاش برآمد
اشاعت کی تاریخ: 7th, January 2026 GMT
data-id="863a0a8" data-element_type="widget" data-widget_type="theme-post-content.default">
کراچی کے علاقے ڈاکس کے فشری مقام سے ایک 7 سالہ بچی کی ڈوبی ہوئی لاش برآمد ہوئی، جس نے مقامی کمیونٹی میں غم و صدمے کی لہر دوڑا دی۔
نجی ٹی وی کی رپورٹ کے مطابق پولیس اور امدادی اداروں نے بتایا کہ ڈاکس کے فشری مقام سے برآمد ہونے والی بچی کی لاش کی شناخت انیسہ دختر محمد علی کے نام سے ہوئی ہے۔
ایس ایچ او ڈاکس نند لال کے مطابق بچی منگل کی شام تقریباً 6 بجے گھر سے نکلی تھی اور اس کے بعد لاپتہ ہو گئی، وہ مچھر کالونی کے جنگل کے قریب رہائش پذیر تھی اور ذہنی توازن میں کچھ مشکلات کا شکار تھی۔
بدھ کی صبح اسے سمندر کے کنارے ڈوبی ہوئی حالت میں پایا گیا، پولیس نے موقع پر ابتدائی تحقیقات کیں اور ابتدائی رپورٹ میں یہ واضح کیا گیا کہ بچی کے ساتھ کسی قسم کی زیادتی یا تشدد کے آثار نہیں ملے۔
متوفیہ کی لاش کو قانونی کارروائی کے لیے ایدھی ایمبولینس کے ذریعے ڈاکس تھانے منتقل کیا گیا، جہاں پولیس نے قانونی چارہ جوئی مکمل کرنے کے بعد اسے والد کے حوالے کر دیا۔
ایس ایچ او نند لال نے والدین اور مقامی کمیونٹی سے اپیل کی ہے کہ بچے کی حفاظت کے لیے خصوصی احتیاط کریں اور بچوں پر نظر رکھیں، تاکہ ایسے افسوسناک واقعات دوبارہ نہ ہوں۔
یہ واقعہ ایک بار پھر بچوں کی حفاظت اور ذہنی طور پر کمزور افراد کی نگرانی کی اہمیت کو اجاگر کرتا ہے اور معاشرے میں والدین و حکومتی اداروں کی ذمہ داریوں کی یاد دہانی کراتا ہے۔
ذریعہ
ذریعہ: Jasarat News
پڑھیں:
کراچی، فیڈرل بی انڈسٹریل ایریا میں پولیس مقابلہ، 2 زخمی ڈاکو گرفتار، چھینی گئی موٹر سائیکل برآمد
کراچی:شہر قائد میں فیڈرل بی انڈسٹریل ایریا پولیس نے مبینہ مقابلے کے بعد زخمی سمیت 2 ڈاکوؤں کو گرفتار کر کے اسلحہ ، شہری سے اسلحہ کے زور پر چھینی گئی موٹرسائیکل اور دیگر سامان برآمد کر لیا ۔
تفصیلات کے مطابق فیڈرل بی انڈسٹریل ایریا پولیس نے راشد منہاس روڈ سہراب گوٹھ پل کے قریب سے مبینہ مقابلے کے بعد زخمی سمیت 2 ڈاکوؤں کو گرفتار کر لیا۔
زخمی حالت میں گرفتار ڈاکو کو طبی امداد کے لیے عباسی شہید اسپتال منتقل کیا گیا۔
ترجمان ایس یس پی ڈسٹرکٹ سینٹرل عمران خان کے مطابق زخمی حالت میں گرفتار ڈاکو کی شناخت شعیب ولد احسان کے نام سے کی گئی جبکہ دوسرے گرفتار ملزم نے اپنا نام رضی الدین ولد سمیع الدین بتایا۔
گرفتار ملزمان سے ایک پستول بمعہ گولیاں ، موبائل فون ، کیش رقم اور موٹرسائیکل برآمد کی گئی۔
ملزمان سے ملنے والی موٹرسائیکل 21 جولائی 2026 کو شاہراہ پاکستان سے شہری سے اسلحہ کے زور پر چھینی گئی تھی ۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی