زیلنسکی کا امریکا سے چیچن رہنما رمضان قادروف کو اغوا کرنے کا مطالبہ، قادروف کا سخت ردِعمل
اشاعت کی تاریخ: 8th, January 2026 GMT
یوکرین کے صدر ولادی میر زیلنسکی نے امریکا سے مطالبہ کیا ہے کہ وہ روس کے چیچن جمہوریہ کے سربراہ رمضان قادروف کو اغوا کرے، جسے انہوں نے روس پر دباؤ بڑھانے کا ایک مؤثر طریقہ قرار دیا۔ زیلنسکی کے اس بیان پر رمضان قادروف نے فوری اور سخت ردِعمل دیتے ہوئے اسے اشتعال انگیزی اور بزدلی سے تعبیر کیا ہے۔
یہ بھی پڑھیں:یوکرین میں بڑی سیاسی تبدیلی، زیلنسکی نے انٹیلیجنس چیف کو صدارتی انتظامیہ کا سربراہ مقرر کر دیا
یوکرین کے صدر ولادی میر زیلنسکی نے بدھ کے روز امریکا پر زور دیا کہ وہ روس کے چیچن جمہوریہ کے سربراہ رمضان قادروف کو اغوا کرے۔ زیلنسکی کا کہنا تھا کہ ایسا اقدام روسی صدر ولادی میر پیوٹن کے لیے ایک سخت پیغام ہوگا اور اس سے یوکرین تنازع کے خاتمے کے لیے مذاکراتی عمل تیز ہو سکتا ہے۔
زیلنسکی نے اپنے مغربی اتحادیوں سے روس پر مزید دباؤ ڈالنے کا مطالبہ کرتے ہوئے کہا کہ امریکا کی جانب سے وینزویلا میں کی گئی کارروائی اور صدر نیکولس مڈورو کے اغوا سے پوری دنیا نے نتائج دیکھ لیے ہیں۔
"Zelensky, at least try to be a man!"
Kadyrov commented on Zelenskys calls for the USA to kidnap him.
— Chay Bowes (@BowesChay) January 8, 2026
ان کے مطابق اگر امریکا قادروف کے خلاف بھی اسی نوعیت کی کوئی کارروائی کرے تو ممکن ہے کہ پیوٹن اس پر سنجیدگی سے غور کریں۔
چیچن رہنما رمضان قادروف نے زیلنسکی کے بیان پر شدید ردِعمل دیتے ہوئے کہا کہ یوکرینی صدر مذاکراتی عمل کو آگے بڑھانے کے بجائے اسے سبوتاژ کرنے کی کوشش کر رہے ہیں۔ قادروف نے زیلنسکی کو مخاطب کرتے ہوئے کہا کہ اگر وہ واقعی ایسا کرنا چاہتے ہیں تو مرد بن کر خود کریں اور امریکیوں کے پیچھے چھپنے کے بجائے براہِ راست اقدام کریں۔
یہ بھی پڑھیں:زیلنسکی ٹرمپ ملاقات سے ایک روز قبل یوکرینی دارالحکومت پر میزائل حملے
قادروف نے اپنے ٹیلی گرام چینل پر لکھا کہ زیلنسکی نے خود انہیں اغوا کرنے کی دھمکی دینے کی ہمت تک نہیں کی بلکہ بزدلانہ انداز میں اشارہ دیا کہ وہ محفوظ فاصلے سے یہ سب ہوتا دیکھنا چاہتے ہیں۔
خبر کے مطابق زیلنسکی نے امریکا کی جانب سے وینزویلا میں حالیہ کارروائی کی بھی تعریف کی، جس میں امریکی افواج نے دارالحکومت کیراکاس پر حملہ کر کے صدر نیکولس مڈورو اور ان کی اہلیہ کو حراست میں لے کر نیویارک منتقل کیا۔ مڈورو نے اپنے خلاف عائد الزامات کو مسترد کرتے ہوئے خود کو جنگی قیدی قرار دیا ہے۔
دوسری جانب امریکی صدر ڈونلڈ ٹرمپ نے کھلے عام کہا ہے کہ امریکا وینزویلا میں اقتدار کی منظم منتقلی تک کردار ادا کرے گا اور عبوری قیادت کو خبردار کیا ہے کہ مزاحمت کی صورت میں اسے بھاری قیمت چکانا پڑے گی۔ اس تمام صورتحال نے عالمی سطح پر شدید ردِعمل اور بحث کو جنم دیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امریکا پیوٹن ٹرمپ چیچن سربراہ رمضان قادروف زیلنسکی
ذریعہ
ذریعہ: WE News
کلیدی لفظ: امریکا پیوٹن چیچن سربراہ رمضان قادروف زیلنسکی رمضان قادروف زیلنسکی نے قادروف نے
پڑھیں:
دوسرا ون ڈے: آسٹریلیا کا پاکستان کو جیت کیلئے 232 رنز کا ہدف
ایک روزہ سیریز کے دوسرے میچ میں آسٹریلیا نے پاکستان کو جیت کے لیے 232 رنز کا ہدف دے دیا۔
لاہور میں جاری میچ میں پاکستان کی دعوت پر پہلے بیٹنگ کرتے ہوئے آسٹریلیا کی ٹیم مقررہ 50 اوورز میں 9 وکٹوں کے نقصان پر 231 رنز بنا سکی۔
آسٹریلیا کی جانب سے کیمرون گرین اور کپتان جوش انگلس 51 رنز بنا کر آؤٹ ہوئے۔ میٹ رینشا 43، اولیور پیک 31، میتھیو شارٹ 15، مارنس لبوشین 5، میتھیو کوہنمن 5 اور ایلکس کیرے 0 کے انفرادی اسکور پر آؤٹ ہوئے۔
پاکستان کی جانب سے کپتان شاہین شاہ آفریدی نے 3 جبکہ عرفات منہاس، ابرار احمد اور حارث رؤف نے 2، 2 کھلاڑیوں کو آؤٹ کیا۔
وزارت آئی ٹی نے 1.67 ارب روپے سے زاید کے فنڈز طلب کرلیے