معلوم ہوتا ہے ملزم روپوش ہوچکا ہے، علی امین کو اشتہاری قرار دینے کا تحریری حکمنامہ جاری
اشاعت کی تاریخ: 8th, January 2026 GMT
اسلام آباد:
ڈسٹرکٹ اینڈ سیشن کورٹس اسلام آباد نے سابق وزیر اعلیٰ علی امین گنڈا پور کو اشتہاری قرار دینے کا تحریری حکم نامہ جاری کر دیا۔
جوڈیشل مجسٹریٹ مبشر حسن چشتی نے تحریری حکم نامہ جاری کیا۔
عدالتی حکم نامے کے مطابق ہیڈ کانسٹیبل قرمان نے خلفا بتایا کہ ملزم کا دفعہ 87 کے تحت اشتہار چسپا کیا گیا تھا اور پولیس نے اشتہاری کی کارروائی کے حوالے سے رپورٹ عدالت جمع کروا دی ہے۔
مزید پڑھیںشراب برآمدگی کیس؛ علی امین گنڈاپور اشتہاری قرار، وارنٹ گرفتاری بھی جاری
شراب و اسلحہ برآمدگی: علی امین گنڈاپور کیخلاف کل اخبارات میں اشتہارات دینے کا حکم
عدالت کو موجودہ صورتحال کے پیش نظر معلوم ہوتا ہے ملزم روپوش ہوچکا ہے لہٰذا عدالت ملزم کو اشتہاری قرار دیتی ہے۔ ملزم علی امین گنڈا پور کے ضمانتی مچلکے منسوح کیے جاتے ہیں اور دائمی وارنٹ گرفتاری جاری کیے جاتے ہیں۔
حکم نامے کے مطابق ملزم کو اشتہاریوں کی فہرست میں ڈالا جائے تاکہ گرفتار کیا جا سکے، ملزم کے ضمانتی کے خلاف بھی کارروائی شروع کی جائے۔
واضح رہے کہ علی امین گنڈا پور کے خلاف تھانہ بارہ کہو میں مقدمہ درج ہے۔ علی امین گنڈا پور کیخلاف شراب برآمدگی و ناجائز اسلحہ کی دفعات کے تحت مقدمہ درج ہے۔ علی امین گنڈا کے خلاف اکتوبر 2016 میں مقدمہ درج کیا گیا تھا۔
.
ذریعہ
ذریعہ: Express News
کلیدی لفظ: علی امین گنڈا پور اشتہاری قرار کو اشتہاری
پڑھیں:
پاکستان اور کویت جاری سفارتی کوششوں کے مثبت نتائج کیلئے پرامید
وزیر خارجہ اسحاق ڈار نے کویت کے وزیر خارجہ شیخ جراح جابر الاحمد الصباح سے رابطہ کیا، دونوں رہنماؤں نے جاری سفارتی کوششوں کے مثبت نتائج کی امید ظاہر کی۔
ترجمان دفتر خارجہ کا کہنا ہے کہ کویتی وزیر خارجہ نے امریکا اور ایران کے درمیان رابطوں میں پاکستان کے کردار کو سراہا، کویتی وزیر خارجہ نے علاقائی امن و استحکام کیلئے پاکستان کی کوششوں کی تعریف کی۔
اسحاق ڈار نے خطے میں پائیدار امن کیلئے سفارتکاری اور مذاکرات کی حمایت کا اعادہ کیا، پاکستان نے مسائل کے حل کیلئے مسلسل سفارتی روابط کو ترجیحی راستہ قرار دیا۔
دفتر خارجہ کا کہنا ہے کہ دونوں رہنماؤں نے جاری سفارتی کوششوں کے مثبت نتائج کی امید ظاہر کی۔
اس موقع پر پاکستان اور کویت کے درمیان برادرانہ تعلقات مزید مضبوط بنانے اور مستقبل میں قریبی رابطے برقرار رکھنے پر اتفاق کیا گیا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ