کانگو میں نایاب پہاڑی گوریلا کے ہاں جڑواں بچوں کی پیدائش، تحفظ کے لیے نگرانی جاری
اشاعت کی تاریخ: 9th, January 2026 GMT
کانگو کے ویرونگا (Virunga) نیشنل پارک میں ایک خوش کن اور نایاب واقعہ پیش آیا ہے، جہاں ایک پہاڑی گوریلا مادہ مافوکو (Mafuko) نے 3 جنوری 2026 کو 2 صحت مند مرد جڑواں بچوں کو جنم دیا ہے۔ یہ پہاڑی گوریلوں میں انتہائی کم رونما ہونے والا واقعہ ہے اور حیاتیاتی تنوع کے تحفظ کے لیے ایک اہم خبر شمار کیا جا رہا ہے۔
پارک حکام کے مطابق جڑواں بچے اور ان کی ماں اچھی حالت میں ہیں۔ ماہرین کا کہنا ہے کہ جڑواں بچوں کی پیدائش جنگلی ماحول میں قریباً ایک فیصد سے بھی کم ہوتی ہے، کیونکہ دونوں بچوں کی پرورش ماں کے لیے شدید چیلنج ہوتی ہے۔ ابتدائی مہینوں میں انہیں مکمل تحفظ اور دودھ پلانے کی ضرورت ہوتی ہے، جس کی نگرانی کے لیے پارک میں خصوصی انتظامات کیے گئے ہیں۔
View this post on Instagram
A post shared by Virunga National Park (@virunganationalpark)
ویرونگا نیشنل پارک، جو افریقہ کا سب سے پرانا قومی پارک اور یونیسکو ورلڈ ہیریٹیج سائٹ بھی ہے، قریباً 3 ہزار مربع میل کے رقبے پر محیط ہے اور یہ پہاڑی گوریلوں کا اہم مسکن ہے۔ یہاں کے گوریلوں کی عالمی تعداد صرف قریباً ایک ہزار کے قریب ہے، اس لیے ہر نئی پیدائش، خاص طور پر جڑواں بچوں کی، نسل کے مستقبل کے لیے بہت اہمیت رکھتی ہے۔
ماہرین کا کہنا ہے کہ یہ جڑواں بچے نہ صرف وائلڈ لائف سائنس کے لیے حیران کن ہیں بلکہ تحفظ اور محفوظ ماحولیات کی کوششوں کی کامیابی کی بھی علامت ہیں۔ پارک کے حکام اور ماہرین ان ننھے بچوں کی صحت اور حفاظت کو یقینی بنانے کے لیے مسلسل نگرانی کر رہے ہیں۔
پارک انتظامیہ کے مطابق نوزائیدہ بچے صحت مند ہیں اور کڑی نگرانی میں ہیں۔ ان کی ماں مافوکو (Mafuko) کی عمر 22 سال ہے اور یہ اس کے ساتویں بچے ہیں۔ پچھلے جڑواں بچوں میں سے ایک کی 2016 میں پیدائش کے بعد ایک ہفتے بعد موت ہوگئی تھی۔
یہ خوش کن خبر نہ صرف جنگلی حیات کے شائقین کے لیے باعث مسرت ہے بلکہ قدرتی ماحول کے تحفظ میں انسانی کوششوں کی کامیابی کا بھی مظہر ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
Mafuko Virunga جڑواں بچوں کی پیدائش، کانگو نایاب پہاڑی گوریلا.
ذریعہ
ذریعہ: WE News
کلیدی لفظ: جڑواں بچوں کی پیدائش کانگو جڑواں بچوں کی کے لیے
پڑھیں:
پیٹرول اور ڈیزل کی قیمتوں میں اضافہ
اسلام آباد: ملک بھر میں پیٹرولیم مصنوعات کی قیمتوں میں اضافے کا سلسلہ جاری ہے، جہاں پیٹرول اور ڈیزل کی قیمتوں میں اضافہ کرتے ہوئے آئل اینڈ گیس ریگولیٹری اتھارٹی (اوگرا) نے نئے نرخوں کا نوٹیفکیشن جاری کر دیا ہے۔ نئی قیمتوں کا اطلاق رات 12 بجے کے بعد سے ہوگا۔
اوگرا کی جانب سے جاری اعلامیے کے مطابق پیٹرول کی قیمت میں 4 روپے 40 پیسے فی لیٹر اضافہ کیا گیا ہے، جس کے بعد نئی قیمت 331 روپے 52 پیسے فی لیٹر مقرر کر دی گئی ہے۔
اسی طرح ہائی اسپیڈ ڈیزل کی قیمت میں 3 روپے 62 پیسے فی لیٹر اضافہ کیا گیا ہے، جس کے بعد ڈیزل 378 روپے 66 پیسے فی لیٹر میں دستیاب ہوگا۔
حکام کے مطابق نئی قیمتوں کا اطلاق فوری طور پر رات 12 بجے کے بعد سے ہوگا، جس کے بعد ملک بھر کے تمام پیٹرول پمپس پر نئے نرخ نافذ ہو جائیں گے۔
واضح رہے کہ حالیہ دنوں میں عالمی منڈی میں خام تیل کی قیمتوں میں مسلسل اتار چڑھاؤ دیکھنے میں آیا ہے، جس کے اثرات پاکستان میں بھی پیٹرولیم مصنوعات کی قیمتوں پر مرتب ہو رہے ہیں۔ گزشتہ چند روز کے دوران بھی مختلف پیٹرولیم مصنوعات کی قیمتوں میں متعدد بار اضافہ کیا جا چکا ہے۔
ماہرین کے مطابق ایندھن کی قیمتوں میں مسلسل اضافے سے ٹرانسپورٹ، اشیائے خور و نوش اور دیگر بنیادی ضروریات کی قیمتوں پر بھی اثر پڑ سکتا ہے، جس کے باعث مہنگائی کے دباؤ میں مزید اضافہ ہونے کا خدشہ ظاہر کیا جا رہا ہے۔
نئی قیمتیں ایک نظر میں
پیٹرول: 331 روپے 52 پیسے فی لیٹر (4.40 روپے اضافہ)
ہائی اسپیڈ ڈیزل: 378 روپے 66 پیسے فی لیٹر (3.62 روپے اضافہ)
اوگرا کی جانب سے جاری نوٹیفکیشن کے مطابق یہ قیمتیں آئندہ حکم نامے تک نافذ العمل رہیں گی۔
پاکستان نے ورلڈ کپ 2028 کیلیے براہ راست کوالیفائی کر لیا