وزیراعظم کی زیادہ نقصانات والے بجلی کے فیڈرز کو شمسی توانائی پر منتقل کرنے کی ہدایت
اشاعت کی تاریخ: 9th, January 2026 GMT
وزیراعظم شہباز شریف نے زیادہ نقصانات والے بجلی کے فیڈرز کو مقامی آبادی اور صوبائی حکومتوں کے تعاون سے شمسی توانائی پر منتقل کرنے کی ہدایت جاری کر دی ہے۔
یہ ہدایات انہوں نے اسلام آباد میں شمسی توانائی (سولرائزیشن) سے متعلق ایک اعلیٰ سطحی اجلاس کی صدارت کرتے ہوئے دیں، جس کا مقصد ملک کے دور دراز علاقوں میں بلا تعطل بجلی کی فراہمی یقینی بنانا ہے۔
یہ بھی پڑھیے: بلوچستان میں 27 ہزار ٹیوب ویلز کی شمسی توانائی پر منقتلی، وفاق کا اہم اعلان
اجلاس سے خطاب کرتے ہوئے وزیراعظم نے کہا کہ اس اقدام سے نقصان میں چلنے والے بجلی کے فیڈرز کے مالی خسارے میں کمی آئے گی اور ان علاقوں کو مسلسل بجلی فراہم کی جا سکے گی۔ انہوں نے پشاور الیکٹرک سپلائی کمپنی (پیسکو) اور کوئٹہ الیکٹرک سپلائی کمپنی (کیسکو) کے زیادہ نقصانات والے فیڈرز پر فوری طور پر پائلٹ منصوبے شروع کرنے کی ہدایت کی۔
وزیراعظم شہباز شریف نے اس بات پر زور دیا کہ ان پائلٹ منصوبوں کی کامیابی کے لیے منتخب عوامی نمائندوں سے مشاورت اور مقامی کمیونٹیز کی بھرپور شمولیت کو یقینی بنایا جائے۔ اجلاس کو بتایا گیا کہ ان فیڈرز کو شمسی توانائی پر منتقل کرنے سے ماحول دوست، کم لاگت اور پائیدار مائیکرو گرڈز قائم کیے جا سکیں گے، جو مقامی آبادی کے لیے فائدہ مند ہوں گے۔
یہ بھی پڑھیے: پاکستان ریلوے کا شمسی توانائی سے مدد لینے کا بڑا منصوبہ، بچت کتنی ہوگی؟
اجلاس میں مزید آگاہ کیا گیا کہ اس منصوبے میں مقامی کمیونٹیز، صوبائی حکومتیں اور وفاقی حکومت مشترکہ شراکت دار ہوں گی۔ شرکاء کو بتایا گیا کہ اس اقدام سے نہ صرف سستی بجلی فراہم ہو گی بلکہ مستقبل میں بجلی کی تقسیم کار کمپنیوں کے نقصانات میں بھی نمایاں کمی آئے گی۔
وزیراعظم نے منصوبے کی اصولی منظوری دیتے ہوئے ہدایت کی کہ خیبرپختونخوا اور بلوچستان میں پائلٹ منصوبوں پر کام فوری طور پر شروع کیا جائے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
سولر پینلز شمسی توانائی شہباز شریف وزیراعظم.
ذریعہ
ذریعہ: WE News
کلیدی لفظ: سولر پینلز شمسی توانائی شہباز شریف شمسی توانائی پر
پڑھیں:
کراچی، رینجرز اور ایس آئی یولیس کے ساتھ مقابلے میں 3 بھتہ خور ہلاک، ایک زخمی گرفتار
کراچی:ملیر 15 کے علاقے میں سندھ رینجرز اور اسپیشل انویسٹی گیشن یونٹ (ایس آئی یو) پولیس کے مشترکہ آپریشن کے دوران مبینہ مقابلے میں تین ملزمان ہلاک جبکہ ایک زخمی حالت میں گرفتار کر لیا گیا۔
چھیپا حکام کے مطابق قانون نافذ کرنے والے اداروں اور مبینہ بھتہ خوروں کے درمیان فائرنگ کا تبادلہ تقریباً آدھے گھنٹے تک جاری رہا جس کے بعد تین ملزمان مارے گئے جبکہ ایک زخمی حالت میں گرفتار ہوا۔
فائرنگ ختم ہونے کے بعد ہلاک اور زخمی ملزمان کو ریسکیو کی ایمبولینسوں کے ذریعے جناح اسپتال منتقل کیا گیا۔
حکام کے مطابق ہلاک ہونے والے ملزمان کی شناخت شاہ رخ، راحب اور علی حمزہ کے ناموں سے ہوئی ہے جبکہ زخمی حالت میں گرفتار ملزم کی شناخت محمد وسیم کے نام سے کی گئی ہے۔
ابتدائی معلومات کے مطابق ہلاک اور گرفتار ملزمان بھتہ خوری سمیت دیگر سنگین جرائم میں ملوث تھے۔ قانون نافذ کرنے والے ادارے واقعے کی مزید تفتیش کر رہے ہیں اور ملزمان کے ممکنہ ساتھیوں کی تلاش بھی جاری ہے۔
بھارت سے جنگ اور افغانستان میں کارروائی خارج ازامکان نہیں، وزیردفاع