سرجانی میں پولیس مقابلہ ‘2ڈاکو ہلاک، 3 گرفتار
اشاعت کی تاریخ: 10th, January 2026 GMT
data-id="863a0a8" data-element_type="widget" data-widget_type="theme-post-content.default">
کراچی (اسٹاف رپورٹر)سرجانی ٹاؤن پولیس نے جمعہ کی صبح سیکٹر 14، ناردرن بائی پاس کے قریب مبینہ پولیس مقابلے کے دوران دو ڈاکوؤں کو ہلاک جبکہ دو زخمیوں سمیت تین ڈاکوؤں کو گرفتار کر لیا۔ پولیس کے مطابق ملزمان کی موجودگی کی اطلاع پر ناکہ بندی کی گئی تھی کہ اس دوران ملزمان نے پولیس پر فائرنگ کی، جس کے جواب میں کارروائی عمل میں لائی گئی۔مقابلے میں ہلاک اور زخمی ہونے والے ڈاکوؤں کو فوری طور پر عباسی شہید اسپتال منتقل کیا گیا۔ ترجمان کراچی پولیس کے مطابق ہلاک ملزمان کی شناخت24سالہ عرفان ولد رحیم بخش اور24سالہ صفدر ولد شوکت کے نام سے ہوئی ہے، جبکہ زخمی حالت میں گرفتار ہونے والوں میں 20 سالہ دلاور ولد عبداللہ اور18سالہ سہیل ولد فدا حسین شامل ہیں۔ اس کے علاوہ ایک اور ملزم حمزہ ولد مہتاب کو بھی گرفتار کر لیا گیا۔پولیس کا کہنا ہے کہ ہلاک و گرفتار ملزمان کے قبضے سے چار پستول بمعہ گولیاں، پانچ چھینے گئے قیمتی موبائل فون، نقد رقم اور دو موٹر سائیکلیں برآمد کی گئی ہیں۔ ابتدائی تفتیش کے مطابق ملزمان اسٹریٹ کرائم کی درجنوں وارداتوں میں ملوث رہے ہیں اور مزاحمت کے دوران متعدد شہریوں کو فائرنگ کر کے زخمی بھی کرچکے ہیں۔ پولیس حکام کے مطابق ملزمان سے برآمد ہونے والا اسلحہ فارنزک تجزیے کے لیے بھیجا جا رہا ہے جبکہ ان کا مکمل کرمنل ریکارڈ مختلف تھانوں سے جمع کیا جا رہا ہے۔ مزید قانونی کارروائی جاری ہے۔دوسری جانب۔سعید آباد کے علاقے بلدیہ گلشن مزدور مدینہ بریانی شاپ کے قریب شہریوں نے ایک ڈاکو کو رنگے ہاتھوں پکڑ لیا۔ شہریوں نے ڈاکو کو تشدد کا نشانہ بنانے کے بعد پولیس کے حوالے کر دیا۔
ذریعہ
ذریعہ: Jasarat News
کلیدی لفظ: کے مطابق
پڑھیں:
سیکیورٹی فورسز کی بلوچستان کے مختلف علاقوں میں کارروائیاں، 17 دہشتگرد ہلاک
سیکیورٹی فورسز نے بلوچستان کے مختلف علاقوں میں کارروائیاں کرتے ہوئےفتنہ الہندوستان سے تعلق رکھنے والے 17 دہشتگردوں کو ہلاک کردیا۔
پاک فوج کے شعبہ تعلقات عامہ (آئی ایس پی آر) کے مطابق 24 مئی کو پیش آنے والے ٹرین واقعے کے بعد سیکیورٹی فورسز نے بلوچستان کے اضلاع مستونگ، نوشکی، زہری، خضدار اور کیچ میں انٹیلی جنس بنیادوں پر متعدد آپریشنز کیے۔
مزید پڑھیں: بلوچستان میں دہشتگردی کرنے والے پاکستان کے دشمن، ان کی کوئی ناراضی نہیں، رانا ثنااللہ
آئی ایس پی آر کے مطابق ان کارروائیوں کے دوران سیکیورٹی فورسز نے دہشتگردوں کے متعدد ٹھکانوں کو مؤثر انداز میں نشانہ بنایا۔ شدید اور سخت فائرنگ کے تبادلے کے بعد بھارتی حمایت یافتہ فتنہ الہندستان سے تعلق رکھنے والے 17 دہشت گرد ہلاک کر دیے گئے، جس سے ان علاقوں میں سرگرم دہشتگرد نیٹ ورکس کو بڑا دھچکا پہنچا ہے۔
بیان میں کہا گیا ہے کہ مارے گئے دہشتگرد علاقے میں متعدد دہشت گرد کارروائیوں میں سرگرم رہے تھے۔
ہلاک دہشت گردوں کے قبضے سے اسلحہ، گولہ بارود، بڑی مقدار میں دھماکا خیز مواد اور تیار شدہ دیسی ساختہ بم (آئی ای ڈیز) بھی برآمد کیے گئے ہیں۔
آئی ایس پی آر کے مطابق ان علاقوں سے دہشتگردوں کے مکمل خاتمے کے لیے کلیئرنس اور سرچ آپریشنز بدستور جاری ہیں۔
مزید پڑھیں: علما کرام کی جانب سے بلوچستان میں دہشتگردی کی مذمت، امن اور مکالمے پر زور
بیان میں کہا گیا ہے کہ قومی ایکشن پلان کے تحت وفاقی ایپکس کمیٹی سے منظور شدہ وژن ’عزمِ استحکام‘ کے مطابق پاکستان کی سیکیورٹی فورسز اور قانون نافذ کرنے والے اداروں کی انسداد دہشت گردی مہم پوری رفتار سے جاری رہے گی تاکہ ملک سے بیرونی سرپرستی اور حمایت یافتہ دہشتگردی کے ناسور کا مکمل خاتمہ کیا جا سکے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews آئی ایس پی آر بلوچستان دہشتگرد ہلاک سیکیورٹی فورسز وی نیوز
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ