راولپنڈی پولیس مقابلے میں گرفتار ملزمان سے ڈیڑھ کروڑ مالیت کے زیورات برآمد
اشاعت کی تاریخ: 10th, January 2026 GMT
راولپنڈی میں پولیس مقابلے کے دوران گرفتار ملزمان سے ڈیڑھ کروڑ روپے مالیت کے زیورات برآمد ہوئے ہیں۔ پولیس کے مطابق ملزمان کے قبضے سے 16 لاکھ 62 ہزار روپے نقدی بھی حاصل کی گئی ہے۔
پولیس حکام کے مطابق یہ واقعہ ریس کورس کے علاقے میں ایک ماہ قبل پیش آیا تھا، جب ملزمان نے پولیس پر فائرنگ کی تھی۔ کارروائی کے دوران دو ڈاکو زخمی حالت میں گرفتار کیے گئے۔
تفتیش کے دوران ملزمان نے متعدد وارداتوں کا اعتراف کیا، اور پولیس کی رہنمائی پر ان کے قبضے سے لیپ ٹاپ، قیمتی گھڑیاں، اسلحہ اور موٹر سائیکلیں بھی برآمد ہوئیں۔ پولیس کا کہنا ہے کہ گرفتاری اور برآمدات سے شہر میں جرائم کی روک تھام میں مدد ملے گی اور تمام ملزمان کے خلاف قانون کے مطابق کارروائی کی جائے گی۔
ذریعہ
ذریعہ: Daily Mumtaz
پڑھیں:
راولپنڈی میں 14 سالہ فیکٹری ملازم کے ساتھ ’استاد‘ کی بدفعلی، لڑکا اسپتال میں داخل
راولپنڈی کے تھانہ سول لائن کے علاقے گلستان کالونی میں فیکٹری کے استاد کی 14 سالہ شاگرد سے مبینہ زیادتی و انسانیت سوز سلوک کا کیس سامنے آنے پر پولیس نے مقدمہ درج کرکے ملزم کو گرفتار کرلیا۔
پولیس کے مطابق بچے کے والد نے بتایا 14 سالہ بیٹا پلاسٹک کے دروازے کھڑکیاں بنانے والی فیکٹری میں کام سیکھ رہا ہے، جہاں اسد جہانگیر نامی شخص نے اُسے مبینہ بدفعلی کا نشانہ بنایا۔
والد کے مطابق اسد جہانگیر نے آج فون پر بتایا کہ آپکے بیٹے کی طبیعت اچانک خراب ہوگی اسکو اسپتال لے کر آئے ہیں اور ڈاکٹر بچے کے والد کو بلوا رہے ہیں۔
انہوں نے بتایا کہ اسپتال پہنچا تو بیٹے نے گلے لگ کر سہمے ہوئے انداز بتایا کہ اسکے فیکٹری کے استاد اسد جہانگیر نے مبینہ زیادتی کا نشانہ بنایا اور مزید بتایا فیکٹری استاد اسد جہانگیر نے مبینہ بربریت کا مظاہرہ کرتے ہوئے پرائیویٹ پارٹ میں پائپ بھی ڈالتا رہا۔
پولیس نے والد کی درخواست پر مقدمہ درج کرکے ملزم کو گرفتار کرلیا۔ ایس پی پوٹھوہار سردار بابر ممتاز کا نے کہا کہ متاثرہ لڑکے کا میڈیکل کروایا جارہا ہے جس کی رپورٹ آنے کے بعد مزید کارروائی کی جائے گی۔
انہوں نے متاثرہ خاندان کو یقین دہانی کرائی کہ زیر حراست شخص کو ٹھوس شواہد کے ساتھ چالان کیا جائے گا،خواتین ، بچوں سے ہراسمنٹ یا زیادتی ناقابل برداشت ہیں۔
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم