پاکستان تحریک انصاف کو کراچی میں جلسہ کرنے کے لئے این او سی جاری
اشاعت کی تاریخ: 10th, January 2026 GMT
data-id="863a0a8" data-element_type="widget" data-widget_type="theme-post-content.default">
کراچی: سندھ حکومت نے پاکستان تحریک انصاف کو جلسے کیلئے باضابطہ این او سی جاری کر دیا جس کے مطابق جلسے کے دوران ایس او پی پر عملدرآمد کرنا ہوگا۔ شرجیل میمن نے کہا کہ جلسے کے دوران قانون وامن کی مکمل ذمہ داری منتظمین پر عائد ہو گی۔
این او سی کے مطابق جلسے کے دوران اشتعال انگیز تقاریر سے گریز کیاجائے،جلسے کے دوران قیام امن کی ذمہ داری پی ٹی آئی پر ہو گی۔
این او سی جاری ہونے کے معاملے پر صوبائی وزیر اطلاعات شرجیل میمن نے کہا کہ پی ٹی آئی کا جلسہ 11 جنوری 2026 کو باغ جناح گراؤنڈ میں ہو گا،جلسے کیلئے این او سی شرائط کے ساتھ جاری کیا گیا ہے، جلسے کے دوران قانون وامن کی مکمل ذمہ داری منتظمین پر عائد ہو گی، اشتعال انگیز تقاریر،مواد اور فرقہ وارانہ گفتگو کی اجازت نہیں، پاکستان اور ریاستی اداروں کیخلاف کسی بھی قسم کی تقریر کی اجازت نہیں ہوگی۔
انہوں نے کہا کہ جلسے کے دوران ٹریفک کی روانی برقرار رکھنا منتظمین کی ذمہ داری ہے، پروگرام مقررہ وقت سے پہلے ختم کرنا لازم ہو گا، سیکیورٹی وجوہات کی بنیاد پر اجازت منسوخ کرنے کا اختیار ضلعی انتظامیہ کے پاس ہو گا۔
ذریعہ
ذریعہ: Jasarat News
کلیدی لفظ: جلسے کے دوران
پڑھیں:
دوسرا ون ڈے: آسٹریلیا کی پاکستان کے خلاف بیٹنگ جاری
پاکستان نے آسٹریلیا کے خلاف 3 ایک روزہ میچوں پر مشتمل سیریز کے دوسرے میچ میں بھی ٹاس جیت کر پہلے فیلڈنگ کا فیصلہ کرلیا، جس کے بعد مہمان ٹیم کی بیٹنگ جاری ہے۔
لاہور کے قذافی اسٹیڈیم میں پاکستان اور آسٹریلیا کے درمیان جاری 3 ایک روزہ میچوں کی سیریز کے دوسرے میچ میں قومی ٹیم نے ایک بار پھر ٹاس اپنے نام کرلیا۔
پاکستان نے ٹاس جیت کر پہلے فیلڈنگ کا فیصلہ کیا۔ دوسرے ون ڈے کے لیے ٹیم میں کوئی تبدیلی نہیں کی گئی۔ pic.twitter.com/YEk2H1aXuB
— Zeeshu Bhatti (@zeeshu_bhatti) June 2, 2026
پاکستانی کپتان شاہین شاہ آفریدی نے ٹاس جیتنے کے بعد پہلے فیلڈنگ کا فیصلہ کرتے ہوئے آسٹریلوی ٹیم کو بیٹنگ کی دعوت دی۔
ٹاس کے موقع پر گفتگو کرتے ہوئے شاہین آفریدی نے کہاکہ پہلے ون ڈے میں کامیابی حاصل کرنے والی قومی ٹیم میں کوئی تبدیلی نہیں کی گئی اور اسی کمبی نیشن کو برقرار رکھا گیا ہے۔
واضح رہے کہ سیریز کے ابتدائی ایک روزہ میچ میں پاکستان نے آسٹریلیا کو 5 وکٹوں سے شکست دے کر 3 میچوں کی سیریز میں 0-1 کی برتری حاصل کر رکھی ہے۔
دوسرے میچ میں قومی ٹیم کی کوشش ہوگی کہ کامیابی حاصل کرکے سیریز اپنے نام کرے، جبکہ آسٹریلیا سیریز میں واپسی کے لیے میدان میں اترا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews آسٹریلیا ایک روزہ سیریز پاکستان ون ڈے میچ وی نیوز
وزارت آئی ٹی نے 1.67 ارب روپے سے زاید کے فنڈز طلب کرلیے