کرپشن زدہ ملکی سیاست میں بہتری کی کوئی امید نہیں‘ اسداللہ بھٹو
اشاعت کی تاریخ: 11th, January 2026 GMT
data-id="863a0a8" data-element_type="widget" data-widget_type="theme-post-content.default">
حیدرآباد(نمائندہ جسارت) جماعت اسلامی کے سینئر رہنما و سابق ایم این اے مولانا اسد اللہ بھٹو نے کہا ہے کہ آج کی سیاست قوم و ملک کی خدمت کے بجائے کرپشن، انا اور مفاد پرستی میں الجھی ہوئی ہے جس کی وجہ سے بہتری کی کوئی امید نظر نہیں آرہی ہے۔ حکمرانوں نے حکومت اور جمہوریت کو ہاتھ کی چھڑی اور جیب کی گھڑی بنا دیا ہے۔ بدامنی، کرپشن، ڈاکوراج اور قبائلی جھگڑوں کے ذریعے امن، محبت، مہمان نوازی اور بھائی چارے کی پہچان رکھنے والی سرزمین سندھ کے تشخص کو تباہ کیا جا رہا ہے جو کہ سندھ اور اس کے عوام کے خلاف بہت بڑی سازش ہے۔ عوام کو فرسودہ نظام اور اس کے آلہ کاروں کے خلاف نکل کر اپنا کردار ادا کرنا ہو گا۔ ان خیالات کا اظہار انہوں نے حیدرآباد میں جئے سندھ محاذ( جسم) کے چیئرمین ریاض چانڈیو سے ملاقات اور ان کی والدہ کی وفات پرتعزیت کے بعد بات چیت کے دوران کیا۔ انہوں نے مرحومہ کی مغفرت، درجات کی بلندی اور لواحقین کے لیے صبر جمیل کی دعا کی۔ اسداللہ بھٹو کا مزید کہنا تھا کہ پیپلز پارٹی سندھ میں طویل عرصے سے اور گزشتہ 17 سال سے برسراقتدار ہے لیکن سندھ کے حالات میں کوئی تبدیلی رونما نہیں ہوئی۔ سڑکوں اور شہروں کی ترقی سے لے کر امن و امان کی بحالی تک کارکردگی کو تسلی بخش نہیں کہا جا سکتا۔ کیلاش کولہی سے لے کر نادر جمالی کے بہیمانہ قتل تک سندھ مقتل گاہ بن چکا ہے۔ اس اندھیر نگری کے خلاف عوام سراپا احتجاج ہیں اور حکومت خاموش تماشائی بنی ہوئی ہے جو کہ بے حسی کی انتہا ہے۔ عملی طور پر سندھ کے عوام کو ظالمانہ وڈیرہ شاہی ،چینی آٹا مافیا کے رحم و کرم پر چھوڑ دیا گیا ہے۔ اس موقع پر سیکرٹری اطلاعات سندھ مجاہد چنا، قاسم آباد زون کے امیر راشد حسین جونیجو، محرم علی سولنگی،احمد وقاص میمن اور دیگر مقامی رہنما بھی موجود تھے۔
ذریعہ
ذریعہ: Jasarat News
پڑھیں:
گلگت بلتستان انتخابات کو متنازع بنانے کی ہر کوشش جمہوریت کے خلاف ہے، حلیم عادل شیخ
صدر پی ٹی آئی سندھ نے کہا کہ عوامی مینڈیٹ کو متنازع بنانے اور اس پر اثر انداز ہونے کی کوششوں نے جمہوری عمل کو نقصان پہنچایا، آج بھی عوام عمران خان کے بیانیے اور قیادت پر بھرپور اعتماد کا اظہار کر رہے ہیں اور پاکستان تحریک انصاف ملک کی مقبول ترین سیاسی جماعت ہے۔ اسلام ٹائمز۔ پاکستان تحریک انصاف سندھ کے صدر حلیم عادل شیخ نے کہا ہے کہ گلگت بلتستان کے آئندہ انتخابات کو متنازع بنانے کی کسی بھی کوشش سے گریز کیا جائے اور انتخابی عمل کو مکمل طور پر شفاف، غیر جانبدار اور منصفانہ بنایا جائے۔ انہوں نے کہا کہ گلگت بلتستان کے عوام کو اپنا ووٹ آزادانہ طور پر استعمال کرنے کا مکمل حق حاصل ہے اور کسی قسم کی مداخلت یا دباؤ جمہوری اقدار کے منافی ہوگا۔ حلیم عادل شیخ نے کہا کہ ملک میں سیاسی استحکام کا راستہ صرف آزاد، شفاف اور غیر جانبدار انتخابات سے ہو کر گزرتا ہے، عوامی مینڈیٹ پر ڈاکہ ڈالنے کی روایت نے ماضی میں پاکستان کو سیاسی اور معاشی بحرانوں سے دوچار کیا، اس لیے ضروری ہے کہ عوام کے فیصلے کا مکمل احترام کیا جائے۔ انہوں نے کہا کہ 8 فروری 2024ء کے عام انتخابات میں عوام نے اپنا واضح فیصلہ دیا تھا، تاہم عوامی مینڈیٹ کو متنازع بنانے اور اس پر اثر انداز ہونے کی کوششوں نے جمہوری عمل کو نقصان پہنچایا، آج بھی عوام عمران خان کے بیانیے اور قیادت پر بھرپور اعتماد کا اظہار کر رہے ہیں اور پاکستان تحریک انصاف ملک کی مقبول ترین سیاسی جماعت ہے۔
حلیم عادل شیخ نے مطالبہ کیا کہ پاکستان تحریک انصاف کو گلگت بلتستان میں انتخابی مہم چلانے کے مساوی اور آئینی حقوق فراہم کیے جائیں تاکہ تمام سیاسی جماعتوں کو یکساں مواقع میسر آ سکیں۔ انہوں نے کہا کہ انتخابی عمل کو ہر قسم کے دباؤ، جانبداری اور غیر ضروری مداخلت سے پاک رکھا جائے تاکہ عوام اپنی مرضی کے نمائندوں کا انتخاب کر سکیں۔ انہوں نے کہا کہ گلگت بلتستان کے عوام باشعور ہیں اور وہ اپنے ووٹ کی طاقت سے حقیقی نمائندوں کا انتخاب کریں گے، عوام کا فیصلہ ہی جمہوریت اور پاکستان کے روشن مستقبل کی بنیاد ہے۔ انہوں نے اس امید کا اظہار کیا کہ پاکستان تحریک انصاف گلگت بلتستان کے انتخابات میں عوامی حمایت کے ساتھ بھرپور کامیابی حاصل کرے گی۔ حلیم عادل شیخ نے مزید کہا کہ سیاسی استحکام کے بغیر معاشی ترقی، سرمایہ کاری اور عوامی خوشحالی ممکن نہیں، لہذا تمام متعلقہ حکام اس امر کو یقینی بنائیں کہ انتخابات مکمل طور پر شفاف اور منصفانہ ہوں اور عوام کے مینڈیٹ کا ہر صورت احترام کیا جائے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ