پنجاب ای بز پورٹل، یکم فروری سے 210 سرکاری خدمات آن لائن دستیاب ہونگی
اشاعت کی تاریخ: 11th, January 2026 GMT
لاہور(نیوزڈیسک)پنجاب حکومت نے اعلان کیا ہے کہ یکم فروری سے صوبے کے 15 محکموں کی 210 سرکاری خدمات ای بز پورٹل (eBiz Portal) پر آن لائن دستیاب ہوں گی، جس سے شہریوں کو سرکاری دفاتر کے چکر لگائے بغیر گھر بیٹھے سہولیات حاصل ہو سکیں گی۔
حکومتی بیان کے مطابق یہ اقدام وزیراعلیٰ کے ڈیجیٹل گورننس پلان کا حصہ ہے، جس کے تحت ای بز پورٹل پر دستیاب خدمات کی تعداد مارچ تک بڑھا کر 310 کی جائے گی۔ حکام کا کہنا ہے کہ اس توسیع سے شہریوں کو ایک ہی ڈیجیٹل پلیٹ فارم کے ذریعے سرکاری خدمات تک وسیع رسائی حاصل ہو گی۔
یہ فیصلہ ایڈمنسٹریٹو سیکریٹریز کمیٹی کے اجلاس میں کیا گیا، جو جمعے کے روز سول سیکریٹریٹ میں چیف سیکریٹری پنجاب زاہد اختر زمان کی زیر صدارت منعقد ہوا۔ اجلاس میں صوبے بھر میں ای گورننس کے نفاذ کی رفتار تیز کرنے سے متعلق اقدامات کا جائزہ لیا گیا۔
اجلاس کے دوران چیف سیکریٹری نے پنجاب انفارمیشن ٹیکنالوجی بورڈ کو ہدایت کی کہ مارچ تک 310 خدمات کو ای بز پورٹل پر شامل کرنے کا ہدف ہر صورت مکمل کیا جائے۔ انہوں نے محکموں کو یہ بھی ہدایت دی کہ فیلڈ دفاتر اور منسلک اداروں کو مرحلہ وار ای ایف او اے ایس نظام میں منتقل کیا جائے، جس سے دفتری امور میں بہتری آئے گی۔
زاہد اختر زمان کا کہنا تھا کہ انتظامی عمل کی ڈیجیٹلائزیشن سے شہریوں کو بار بار سرکاری دفاتر جانے کی ضرورت کم ہو گی، کام کے طریقہ کار میں شفافیت آئے گی اور فیصلے تیزی سے ہو سکیں گے۔
.
ذریعہ
ذریعہ: Daily Mumtaz
کلیدی لفظ: بز پورٹل
پڑھیں:
حضرت داتا گنج بخش ؒ کا سالانہ عرس; انتظامات کے حوالے سے خصوصی اجلاس
سٹی 42: خصوصی مشیر وزیر اعلیٰ علی ڈارکی زیر صدارت خصوصی اجلاس ہوا۔ جس میں علی ڈار نے داتاؒ دربار عرس کیلئے انتظامات کا تفصیلی جائزہ لیا
صوبائی وزیر بلال یاسین، وائس چیئرمین ایل ڈی اے میاں مرغوب احمد شریک ہوئے ۔ سیکرٹری اوقاف ڈاکٹر احسان بھٹہ، ڈپٹی کمشنر لاہور محمد علی اعجاز،ڈی آئی جی آپریشنز فیصل کامران، ڈی جی ایل ڈی اے طاہر فاروق و دیگر شریک ہوئے ۔
بریفنگ میں بتایا گیا کہ حضرت داتا گنج بخش ؒ کا تین روزہ سالانہ عرس 2 تا4 اگست کو منعقد ہوگا،خطیب داتا ؒدربار مولانا ندیم مختار نے سیرت و صوفی کانفرنسز سے متعلق آگاہ کیا۔محافل، قرأت اور نعت خوانی کے مقابلوں کے انعقاد سے متعلق بریفنگ دی گئی۔
علی ڈار نے کہا داتاؒ دربار تعمیراتی منصوبہ عہد ساز اور تاریخی نوعیت کا حامل ہے،عرس میں دنیا بھر سے زائرین حاضری کی سعادت حاصل کریں گے،زیرِ تعمیر انڈر پاس اور متعلقہ سڑکیں عرس سے قبل کھولی جائیں گی۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار