سمندر پار پاکستانیوں نے پروپیگنڈے کو مسترد کرکے ریکارڈ ترسیلات زر بھیجیں، وزیراعظم
اشاعت کی تاریخ: 11th, January 2026 GMT
وزیراعظم پاکستان شہباز شریف نے دسمبر 2025 میں گزشتہ سال کے مقابلے میں ریکارڈ ترسیلات زر بھیجنے پر سمندر پار پاکستانیوں کا شکریہ ادا کیا ہے۔
اپنے بیان میں وزیراعظم نے کہاکہ محب وطن سمندر پار پاکستانیوں نے دسمبر 2025 میں 3.6 ارب ڈالر کی ترسیلات بھیجی ہیں، جس پر وہ ان کے مشکور ہیں۔
مزید پڑھیں: ترسیلات زر میں نمایاں اضافہ، دسمبر میں 3.
انہوں نے بتایا کہ یہ رقم گزشتہ سال کے مقابلے میں تقریباً 16.5 فیصد زیادہ ہے، جو حکومتی پالیسیوں پر سمندر پار پاکستانیوں کے اعتماد کا مظہر ہے۔
شہباز شریف نے مزید کہاکہ سمندر پار پاکستانیوں کا پراپیگنڈے کو نظرانداز کر کے وطن کی تعمیر و ترقی کے لیے ترسیلات بھیجنا ان کی ملکی محبت کی اعلیٰ مثال ہے۔
انہوں نے کہاکہ سمندر پار مقیم پاکستانی ہمارا قیمتی سرمایہ ہیں اور پوری قوم ان پر فخر کرتی ہے۔ وزیراعظم نے اس بات پر زور دیا کہ سمندر پار پاکستانیوں کی فلاح و بہبود کو حکومت کی اولین ترجیحات میں رکھا گیا ہے۔
واضح رہے کہ اوورسیز پاکستانیوں کی جانب سے بھیجی جانے والی ترسیلاتِ زر دسمبر 2025 میں 3.6 ارب ڈالر سے تجاوز کرگئی ہیں۔
مشیرِ وزیر خزانہ خرم شہزاد نے بتایا ہے کہ دسمبر 2025 کی ترسیلاتِ زر گزشتہ سال دسمبر میں بھیجی گئی 3.1 ارب ڈالر کے مقابلے میں تقریباً 17 فیصد زیادہ رہیں۔
مزید پڑھیں: مہنگائی کا دباؤ: پاکستانیوں کو بنیادی ضروریات نے جکڑ لیا، ترسیلات زر پر انحصار بڑھ گیا
نومبر 2025 میں بھیجی گئی 3.2 ارب ڈالر کے مقابلے میں یہ اضافہ 13 فیصد ریکارڈ کیا گیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews ترسیلات زر سمندر پار پاکستانی شہباز شریف وزیراعظم پاکستان وی نیوز
ذریعہ
ذریعہ: WE News
کلیدی لفظ: ترسیلات زر سمندر پار پاکستانی شہباز شریف وزیراعظم پاکستان وی نیوز سمندر پار پاکستانیوں کے مقابلے میں ترسیلات زر ارب ڈالر
پڑھیں:
اٹلی میں4 پاکستانیوں کے قتل کے الزام میں 2 پاکستانی گرفتار
روم(ڈیلی پاکستان آن لائن)اٹلی میں 4 پاکستانیوں کے قتل کے الزام میں 2 پاکستانیوں کو گرفتار کرلیا گیا۔اطالوی میڈیا کے مطابق یہ واقعہ جنوبی اٹلی کے علاقے کیلابریا میں پیش آیا۔
رپورٹ کے مطابق مرنے والے چاروں افراد کا تعلق پاکستان سے تھا اور وہ ایک زرعی فارم میں کام کرتے تھے۔ چاروں افراد کی لاشیں ایک جلی ہوئی وین کے اندر سے برآمد کی گئیں۔فرانسیسی خبر ایجنسی کے مطابق واقعےکے بعد پولیس نے تحقیقات کیں اور سی سی ٹی وی فوٹیج کی مدد سے 2 ملزمان کو گرفتار کرلیا، دونوں ملزمان بھی پاکستان سے تعلق رکھتے ہیں۔دوسری جناب ترجمان دفترخارجہ نے جنوبی اٹلی میں 4 پاکستانیوں کے مبینہ قتل پر ردعمل میں کہا ہےکہ اطلاع ہےکہ اٹلی میں جاں بحق افرادکا تعلق پاکستانی نژاد خاندانوں سے ہے، جاں بحق ہونے والوں کی درست شہریت کی ابھی تک تصدیق نہیں ہوئی۔ترجمان کے مطابق مقامی پولیس معاملے کی تحقیقات کر رہی ہے، ان میں فرانزک شواہد کا جائزہ بھی شامل ہے، اٹلی میں پاکستانی سفارتخانہ اس معاملے کی پیروی کر رہا ہے، اٹلی میں پاکستانی سفارتخانہ مزید پیشرفت کے لیے مقامی حکام کے ساتھ رابطے میں ہے۔
بجٹ 2026-27 ، پاکستان انسٹیٹیوٹ آف ڈیویلپمنٹ اکنامکس نے کم از کم ماہانہ اجرت 45 ہزار روپے مقرر کرنے کی سفارش کردی
مزید :
وزارت آئی ٹی نے 1.67 ارب روپے سے زاید کے فنڈز طلب کرلیے