نمائش چورنگی پر پی ٹی آئی کارکنان کی گرفتاریوں کا سلسلہ جاری، پولیس اور مظاہرین میں جھڑپیں
اشاعت کی تاریخ: 11th, January 2026 GMT
data-id="863a0a8" data-element_type="widget" data-widget_type="theme-post-content.default">
کراچی: نمائش چورنگی کے علاقے میں پاکستان تحریک انصاف (پی ٹی آئی) کے کارکنان اور پولیس کے درمیان کشیدگی برقرار ہے، جہاں پولیس کی جانب سے کارکنان کو حراست میں لینے کا سلسلہ جاری ہے۔ صورتحال اس وقت مزید کشیدہ ہو گئی جب باغِ جناح کے قریب مظاہرین اور پولیس کے درمیان جھڑپیں ہوئیں۔
رپورٹس کے مطابق نمائش چورنگی کے قریب باغِ جناح میں پولیس موبائل پر پتھراؤ کی فوٹیج بھی سامنے آ گئی ہے، جس میں مشتعل افراد کو پولیس موبائل روک کر پتھراؤ کرتے ہوئے دیکھا جا سکتا ہے۔ صورتحال قابو میں رکھنے کے لیے پولیس نے مظاہرین کو منتشر کرنے کے لیے شیلنگ کی۔
پولیس ذرائع کے مطابق نمائش چورنگی پر وقفے وقفے سے جمع ہونے والے پی ٹی آئی کارکنان کو منتشر کرنے کے لیے لاٹھی چارج بھی کیا گیا جبکہ ایک واقعے میں پولیس اہلکار کو ایک کارکن کو تھپڑ مارتے ہوئے بھی دیکھا گیا،کارروائی امن و امان برقرار رکھنے کے لیے کی جا رہی ہے۔
دوسری جانب پی ٹی آئی کے ترجمان کراچی نے بتایا ہے کہ وزیراعلیٰ خیبر پختونخوا سہیل آفریدی اپنے قافلے کے ہمراہ کچھ دیر بعد مزارِ قائد پہنچیں گے، پارٹی قیادت اور کارکنان پرامن طریقے سے جلسے میں شرکت کے لیے جمع ہو رہے ہیں۔
نمائش چورنگی اور اطراف کے علاقوں میں پولیس کی بھاری نفری تعینات ہے جبکہ سڑکوں پر ٹریفک کی روانی متاثر ہو رہی ہے، شہریوں کو متبادل راستے اختیار کرنے کی ہدایت کی گئی ہے، کسی بھی ناخوشگوار واقعے سے نمٹنے کے لیے سیکیورٹی ہائی الرٹ ہے۔
ذریعہ
ذریعہ: Jasarat News
کلیدی لفظ: نمائش چورنگی پی ٹی آئی کے لیے
پڑھیں:
یکم جون سے فیس لیس چالان سسٹم کا آغاز،پہلے دن کتنے چالان جاری ہوئے؟ تفصیلات سامنے آگئی
اسامہ ملک : یکم جون سے لین کی خلاف ورزی پر فیس لیس چالان کے آغاز کا معاملہ،پہلے دن کتنے شہری کیمرے کی نظر میں آئے؟ کتنے چالان ہوئے؟ تفصیلات سامنے آگئی۔
کراچی شہر میں لین ڈسپلن کی خلاف ورزی پر فیس لیس چالان سسٹم کے آغاز کے پہلے ہی دن مجموعی طور پر 96 چالان جاری کیے گئے ہیں۔
رپورٹس کے مطابق تمام چالان میٹروپول سے ایئرپورٹ جانے اور آنے والی مرکزی سڑک پر کیمروں کی مدد سے کیے گئے، پہلے دن مجموعی طور پر 11 مختلف کیٹیگریز کی گاڑیوں کو خلاف ورزی پر جرمانہ کیا گیا۔
پاکستان آسٹریلیا دوسرا ون ڈے، قذافی اسٹیڈیم میں سیکیورٹی و ٹریفک انتظامات مکمل
اعداد و شمار کے مطابق بڑی بسوں کے 2، کوسٹر کے 2، ڈبل کیبن کا 1 اور عام گاڑیوں کے 9 چالان کیے گئے، اسی طرح منی بس کے 6، منی ٹرک کے 3 اور سوزوکی پک اپ کے 21 چالان بھی جاری ہوئے۔
رپورٹ میں بتایا گیا کہ موٹرسائیکل کی سب سے زیادہ خلاف ورزیاں سامنے آئیں جن کے 43 چالان کیے گئےجبکہ ٹرک کے 3، وین کے 4 اور واٹر ٹینکر کے 2 چالان بھی شامل ہیں۔
تمام چالان اس بنیاد پر کیے گئے کہ گاڑیاں اپنی مقررہ لین چھوڑ کر دوسری لین میں چل رہی تھیں، مزید یہ بھی سامنے آیا کہ فرسٹ لین میں کم رفتار سے چلنے والی گاڑیوں کو بھی لین ڈسپلن کی خلاف ورزی پر فیس لیس چالان کا سامنا کرنا پڑا۔
غیر ملکی خاتون کے مبینہ اغوا کیس میں نیا موڑ، پولیس تفتیش میں اہم انکشافات
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ