کرکٹ میں بھارت کا سیاسی طرز عمل، قومی کرکٹرز نے آئی سی سی کی خاموشی پر سوال اٹھا دیے
اشاعت کی تاریخ: 11th, January 2026 GMT
کرکٹ میں بھارت کے سیاسی طرزِعمل اور اس پر آئی سی سی کی خاموشی کے خلاف قومی کرکٹرز نے شدید ردِعمل کا اظہار کرتے ہوئے عالمی کرکٹ تنظیم سے فوری اور مؤثر کردار ادا کرنے کا مطالبہ کیا ہے۔
مقامی ہوٹل میں پی سی سی ایل ٹو کی افتتاحی تقریب کے موقع پر میڈیا سے گفتگو کرتے ہوئے سابق ٹیسٹ آل راؤنڈر عبدالرزاق نے کہا کہ بھارتی رویہ اب کسی سے ڈھکا چھپا نہیں رہا۔
مزید پڑھیں: ’سیاست سے باز آجائیں‘، بھارتی پراپیگنڈے پر سابق کرکٹر و کمنٹیٹر ثنا میر کا سخت ردعمل
ان کا کہنا تھا کہ کھیل میں سیاست کی کوئی گنجائش نہیں ہونی چاہیے، کرکٹ کو صرف کھیل کے طور پر ہی رہنا چاہیے۔
عبدالرزاق نے کہاکہ ہاتھ نہ ملانے سے منفی رویے کی ابتدا بھارت نے کی، حالانکہ کرکٹ ہمیشہ امن اور بھائی چارے کا پیغام دیتی آئی ہے، اس لیے کھیل کی بہتری کے لیے مثبت قدم اٹھانا ناگزیر ہے۔
انہوں نے پی ایس ایل میں 2 نئی ٹیموں کی شمولیت کو خوش آئند قرار دیتے ہوئے کہا کہ پاکستان میں کرکٹ دوبارہ مضبوط ہو رہی ہے، طویل عرصے بعد پاکستان شاہینز اور انڈر 19 سطح پر تسلسل نظر آ رہا ہے اور مجموعی طور پر پاکستان کرکٹ کا مستقبل روشن دکھائی دیتا ہے۔
اس موقع پر سابق ٹیسٹ وکٹ کیپر بیٹر کامران اکمل نے کہاکہ مودی سرکار کو سیاست کے بجائے کارکردگی کے ذریعے ووٹ حاصل کرنے چاہئیں۔ انہوں نے کہا کہ پڑوسی ممالک سے بہتر تعلقات کے بغیر ترقی ممکن نہیں۔
کامران اکمل نے آئی پی ایل میں بنگلہ دیشی کرکٹر مستفیض الرحمان کے ساتھ پیش آنے والے واقعے کا حوالہ دیتے ہوئے کہاکہ جب ایک کھلاڑی کو تحفظ فراہم نہیں کیا جا سکا تو پوری ٹیم کی سیکیورٹی کیسے یقینی بنائی جا سکتی ہے۔
انہوں نے مزید کہاکہ دیگر ممالک میں مقیم پاکستانی کرکٹرز کو بھی بھارتی ویزا مسائل کا سامنا ہے اور 2023 کے ورلڈ کپ کے دوران بھی ایسی صورتحال دیکھنے میں آئی تھی۔ اب آئی سی سی کو سخت اور مشکل فیصلے کرنا ہوں گے۔
ماضی کو یاد کرتے ہوئے انہوں نے کہا کہ بھارتی ٹیم کو پاکستان میں ہمیشہ بھرپور محبت ملی، تاہم اب کھلاڑی حکومتی دباؤ کے باعث مجبور دکھائی دیتے ہیں۔
سابق ٹیسٹ اسپنر سعید اجمل نے بھی آئی سی سی پر تنقید کرتے ہوئے کہا کہ عالمی ادارے کو اپنی ذمہ داریوں کے مطابق کرکٹ کو درست سمت میں لے جانا چاہیے۔
مزید پڑھیں: سیاست اور کونسل کے معاملات کو الگ رکھیں گے، محسن نقوی کا ایشین کرکٹ کونسل کے اجلاس کے بعد گفتگو
ان کا کہنا تھا کہ اگر آئی سی سی بھارتی من مانیوں کو روکنے کی صلاحیت نہیں رکھتا تو اسے اپنی ذمہ داری پر نظرثانی کرنی چاہیے، کیونکہ پوری دنیا کی کرکٹ ایک ملک کے اشاروں پر نہیں چل سکتی۔
سعید اجمل نے پی سی بی سے بھی مطالبہ کیاکہ وہ اس بات پر مؤقف اختیار کرے کہ پاکستانی کھلاڑیوں کو بار بار ایکشن جیسے مسائل کا سامنا کیوں کرنا پڑتا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews آئی سی سی بھارت سوال اٹھا دیے سیاسی طرز عمل کرکٹ کرکٹرز وی نیوز.
ذریعہ
ذریعہ: WE News
کلیدی لفظ: بھارت سوال اٹھا دیے سیاسی طرز عمل کرکٹ کرکٹرز وی نیوز کرتے ہوئے انہوں نے نے کہا کہا کہ
پڑھیں:
وفاقی بجٹ کب پیش کیا جائےگا، وفاقی وزیر طارق فضل چوہدری نے بتا دیا
وفاقی وزیر پارلیمانی امور طارق فضل چوہدری نے کہا ہے کہ وفاقی بجٹ 10 جون کو پیش کیا جائےگا۔
نجی ٹی وی سے گفتگو کرتے ہوئے انہوں نے وضاحت کی کہ بجٹ سے پہلے کوئی قانون سازی نہیں ہورہی۔
واضح رہے کہ قبل ازیں قومی اسمبلی کا بجٹ اجلاس 5 جون کو طلب کیا گیا تھا، تاہم آج قومی اقتصادی کونسل کا 3 جون کو ہونے والا اجلاس اچانک ملتوی کردیا گیا تھا، جس کے بعد واضح ہوگیا تھا کہ 5 جون کو بجٹ پیش نہیں ہوگا۔
قومی اقتصادی کونسل کا اجلاس ملتوی ہونے کے بعد میڈیا پر یہ خبریں سامنے آئی تھیں کہ حکومت بجٹ سے قبل کوئی اہم قانون سازی کرنا چاہتی ہے، تاہم طارق فضل چوہدری نے ایسی خبروں کی تردید کی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews تاریخ کا اعلان طارق فضل چوہدری وفاقی بجٹ وی نیوز
وزارت آئی ٹی نے 1.67 ارب روپے سے زاید کے فنڈز طلب کرلیے