گورنر سے انٹرنیشنل لائرز ایسوسی ایشن پنجاب چیپٹر کے وفد کی ملاقات
اشاعت کی تاریخ: 12th, January 2026 GMT
لاہور (این این آئی)گورنر پنجاب سردار سلیم حیدر خان سے انٹرنیشنل لائرز ایسوسی ایشن پنجاب چیپٹر کے عہدیداران نے ملاقات کی جس میں گورنر ہائوس لاہور میں آئی ایل اے کی پانچ رکنی فری لیگل ایڈ سروسز کمیٹی کا قیام عمل میں لانے پر اتفاق کیا گیا جو وسائل نہ رکھنے والے قیدیوں کومفت قانونی مدد فراہم کرے گی ۔انٹرنیشنل لائرز ایسوسی ایشن پنجاب چیپٹر کے صدر عاشق علی رانا اورجنرل سیکرٹری اسحاق بریار کی قیادت میں ملاقات کرنے والے وفد نے گورنر پنجاب سردار سلیم حیدر خان سے ملاقات کر کے بیرون ممالک جیلوں میں قید پاکستانیوں کی رہائی کیلئے اقدامات کی اپیل کرتے ہوئے کہا کہ بہت سے پاکستانی وکلا ء کی فیسیں ادا نہیں کر سکتے یا جرمانے ادا نہ کرنے کی وجہ سے پابند سلاسل ہیں ان کے لئے خصوصی اقدامات اٹھانے کی ضرورت ہے ۔ صدر پنجاب چیپٹر عاشق علی رانا نے بتایا کہ انٹرنیشنل لائرز ایسوسی ایشن کے ہزاروںکی تعداد میں ممبران پاکستان اور بیرون ممالک اپنے فرائض سر انجام دے رہے ہیں،اگر حکومت تعاون پیش کرے تو فری لیگل ایڈ سروسز کے ذریعے بہت سے مستحق قیدیوں کو قانونی مدد فراہم کی جاسکتی ہے ۔ اس موقع پر آئی ایل پنجاب چیپٹر نے گورنر پنجاب کی تجویز پر پانچ رکنی کمیٹی قائم کر نے کا اعلان کیا جو گورنر ہائوس میں وسائل نہ رکھنے والے قیدیوں کی رہائی کو یقینی بنانے کے لیے کام کرے گی۔وسائل نہ رکھنے والے قیدیوں کے اہل خانہ قانونی معاونت کے لئے گورنرہائوس میں درخواست دیں گے جس پر پانچ رکنی کمیٹی مفت قانونی امداد فراہم کرے گی ۔وفد نے اوورسیز وکلا ء کو سپریم کورٹ آف پاکستان تک رسائی کے لیے لائسنس کے حصول میں مدد کی بھی درخواست کی ۔گورنر پنجاب سردار سلیم حیدر خان نے کہا کہ انسانی حقوق اور عوامی مسائل کا حل اولین جیح ہے ،پاکستانی اپنے ملک میں ہوں یا سمندر پار ہوں ملک کا سرمایہ ہیں،اوورسیز پاکستانی ترسیلات زر کے ذریعے زرمبادلہ کو مضبوط کرتے ہیں ۔انہوں نے کہا کہ وکلا ء ملک کا با شعور طبقہ ہیں اور ان کی آئین و قانون کی بالا دستی کے لئے جدوجہد کو فراموش نہیں کیا جا سکتا ۔
.
ذریعہ
ذریعہ: Nawaiwaqt
کلیدی لفظ: انٹرنیشنل لائرز ایسوسی ایشن گورنر پنجاب پنجاب چیپٹر
پڑھیں:
سندھ بلڈنگ، کراچی میں غیر قانونی کمرشلائزیشن کا طوفان
مزمل حسین ہالیپوٹو کی نااہلی کے باعث کراچی کا بنیادی ڈھانچہ شدید دباؤ کا شکار
پی ای سی ایچ ایس بلاک 2میں رہائشی پلاٹ پر کمرشل یونٹس تعمیر، آصف شیخ ملوث
شہر قائد میں رہائشی علاقوں میں غیر قانونی کمرشلائزیشن کا سلسلہ تیزی سے جاری ہے ، جس کے باعث شہر کا بنیادی ڈھانچہ شدید متاثر ہو رہا ہے ۔ شہری حلقوں کا کہنا ہے کہ سندھ بلڈنگ کنٹرول اتھارٹی کے ڈائریکٹر جنرل مزمل حسین ہالیپوٹو کی ناقص نگرانی اور انتظامی کمزوریوں کے سبب رہائشی پلاٹوں پر کمرشل پورشن اور یونٹس کی تعمیرات میں مسلسل دن بہ دن اضافہ ہو رہا ہے ۔تازہ معاملہ پی ای سی ایچ ایس بلاک 2کے پلاٹ نمبر 40-K/40Mکا سامنے آیا ہے ، جہاں مقامی ذرائع کے مطابق رہائشی حیثیت رکھنے والی اراضی پر کمرشل سرگرمیوں اور یونٹس کے قیام کے ذریعے مبینہ طور پر قبضے کیے گئے ہیں۔ ذرائع کا دعویٰ ہے کہ یہ تمام سرگرمیاں آصف شیخ کی سربراہی میں انجام دی جا رہی ہیں، جبکہ متعلقہ ادارے خاموش تماشائی بنے ہوئے ہیں۔شہریوں اور سماجی حلقوں نے مطالبہ کیا ہے کہ غیر قانونی تعمیرات اور کمرشلائزیشن کے خلاف فوری کارروائی کی جائے ، ذمہ دار افسران کا احتساب کیا جائے اور کراچی کے متاثرہ انفراسٹرکچر کو مزید نقصان سے بچانے کے لیے مؤثر اقدامات اٹھائے جائیں۔
وزارت آئی ٹی نے 1.67 ارب روپے سے زاید کے فنڈز طلب کرلیے