بھتہ خوری اور فائرنگ کی درجنوں وارداتوں میں ملوث مجرم پولیس مقابلے میں ہلاک
اشاعت کی تاریخ: 12th, January 2026 GMT
بھتہ خوری اور فائرنگ کی درجنوں وارداتوں میں ملوث جرائم پیشہ رات گئے ڈسٹرکٹ سٹی میں ہونیوالے پولیس مقابلے میں ہلاک ہوگئے ہیں۔
تفصیلات کے مطابق رات گئے کھارادر پولیس کا دوران پیٹرولنگ لیاری گینگ وار کے کارندوں سے مقابلہ ہوا جس میں فائرنگ تبادلے میں جمیل چھانگا کا بھتہ خور ہلاک ہوگیا۔
ملزم کا تعلق لیاری گینگ وار جمیل چھانگا گروپ کے بھتہ خور گروپ سے تھا.
7 روز قبل جیلانی سینٹر کے تاجر کو بھتہ کا میسج ملا تھا اور اب ملزم تاجر کو بھتہ کی پرچی دینے آرہا تھا۔ ملزم نے 2 مہینے قبل کھارادر میں واقع زیر تعمیر بلڈنگ کے بلڈر کو بھتہ کی پرچی دی تھی اور شدید فائرنگ کرکے مزدوروں کو زخمی کر دیا تھا اور فرار ہوگئے تھے.
ملزم کے ہمراہ دیگر ساتھیوں نے کچھ ماہ قبل کھارادر کے علاقے میں وال چاکنگ بھی کی تھی اور فائرنگ کرتے ہوئے فرار ہوگئے تھے۔
وزیر داخلہ سندھ نے اس کامیاب کارروائی میں ایس ایس پی سٹی اور انکی جری و بہادر ٹیم کو شاباشی بھی دی۔
ضیاء الحسن لنجار کا کہنا تھا کہ جرائم کے خلاف آپکی کارکردگی عوام کے اعتماد کو مذیت تقویت دیگی۔ امن کی اس دھرتی پر بھتہ خوروں،ڈاکوؤں اور جرائم پیشہ گروہوں کو پنپنے نہیں دینگے۔
انہوں نے کہا کہ میں جرائم پیشہ گروہوں اور کارندوں کو خبردار کرتا ہوں کہ پولیس تم جیسوں کے خاتمے تک تعاقب میں لگی رہیگی۔ کریک ڈاؤن، چھاپوں اور انٹیلی جینس بیسڈ آپریشن کو مزید تیز کیا جائے۔
ذریعہ
ذریعہ: Express News
پڑھیں:
کوہاٹ میں گاڑی پر فائرنگ سے کسٹم اہلکار شہید، ایک شخص زخمی
فائل فوٹوکوہاٹ میں پنڈی پل ٹول پلازا کے قریب گاڑی پر فائرنگ میں کسٹم اہلکار جاں بحق اور ایک شخص زخمی ہوگیا۔
پولیس کے مطابق شہید کسٹم اہلکار کی شناخت یاسر شاہ کے نام سے ہوئی ہے۔ شہید اہلکار کی لاش اور زخمی کو اسپتال منتقل کردیا گیا ہے۔
ڈی پی او کا کہنا ہے کہ دہشت گردوں کی گرفتاری کے لیے آپریشن جاری ہے۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا