محکمہ موسمیات نے شدید سرد لہر کے خدشات کو مسترد کردیا
اشاعت کی تاریخ: 12th, January 2026 GMT
پاکستان میں آئندہ دنوں شدید سردی سے متعلق مختلف اور متضاد پیش گوئیاں سامنے آ رہی ہیں، سابق وفاقی وزیر ڈاکٹر عمر سیف نے سوشل میڈیا پلیٹ فارم ایکس پر خبردار کیا ہے کہ اگلے 8 سے 10 دن کے دوران پاکستان میں غیر معمولی سرد موسم متوقع ہے۔
اپنی پوسٹ میں انہوں نے کہا ہے کہ یہ صورتحال ایک نایاب موسمیاتی مظہر ’پولر ورٹیکس‘ کے باعث پیدا ہو سکتی ہے، جو سائبیرین ہائی پریشر سسٹم کے نتیجے میں افغانستان، ایران اور پاکستان تک پھیلنے کا امکان رکھتا ہے۔
یہ بھی پڑھیں: ملک میں اگلے 12 گھنٹوں کے دوران موسم کیسا رہے گا؟ محکمہ موسمیات نے بتا دیا
ڈاکٹر عمر سیف نے عوام کو احتیاطی تدابیر اختیار کرنے کا مشورہ بھی دیا۔
Extremely cold weather expected in Pakistan in the next 8-10 days due a rare climate event — a "polar vortex" extension into Afghanistan, Iran, and Pakistan due to Siberian high pressure system.
Stay safe everyone … pic.twitter.com/LBEipSHrFa
— Umar Saif (@umarsaif) January 11, 2026
اس سے قبل امریکی ماہرِ موسمیات ریان موئے نے ایکس پر اپنی ایک پوسٹ میں کہا تھا کہ سائبیرین ہائی پریشر سسٹم کی غیر معمولی شدت ایک تاریخی ’پولر ورٹیکس‘ کو خطے کی جانب دھکیل سکتی ہے، جس کے نتیجے میں شدید سردی اور برف باری کا امکان ہے۔
ان کے مطابق اس طرح کے موسمی پیٹرن کے جغرافیائی اور سماجی اثرات بھی ہو سکتے ہیں، اس لیے صورتحال پر گہری نظر رکھنے کی ضرورت ہے۔
Extreme weather with geopolitical impacts
Need to keep eye on the extreme intensity of the Siberian high pressure system focusing a historic cold "polar vortex" extension into Afghanistan, Iran, and Pakistan in the 8-10 day time frame.
Pattern favors brutal cold & snow pic.twitter.com/vp3erTtCyT
— Ryan Maue (@RyanMaue) January 10, 2026
تاہم محکمہ موسمیات نے سوشل میڈیا پر وائرل ہونے والی شدید سرد لہر کی خبروں کو مسترد کر دیا ہے۔
محکمہ موسمیات کے مطابق 16 سے 25 جنوری کے دوران پاکستان میں درجہ حرارت معمول کے مطابق رہے گا اور کسی غیر معمولی سرد لہر کی پیش گوئی درست نہیں۔
محکمہ موسمیات نے عوام کو ہدایت کی ہے کہ موسم سے متعلق مستند معلومات کے لیے صرف سرکاری ذرائع پر انحصار کریں۔
Rebuttal of 16th to 25th January Forecast
#PMD #WeatherUpdate #NoExtremeCold #OfficialForecast #PakistanWeather #WinterUpdate #StopMisinformationStay@pmdgov pic.twitter.com/ff1067ZHyp
— APP (@appcsocialmedia) January 12, 2026
ادھر ملک کے مختلف حصوں میں سردی کی شدت بدستور برقرار ہے۔ لاہور میں درجہ حرارت 4 ڈگری سینٹی گریڈ تک گر گیا، جبکہ زیادہ نمی اور ہلکی ہواؤں کے باعث سردی کی شدت میں اضافہ ہوا اور اسموگ زمین کے قریب برقرار رہی۔
پنجاب اور دیگر علاقوں میں شدید سردی کے ساتھ گھنی دھند نے موٹرویز پر حدِ نگاہ کو متاثر کیا، جس کے باعث کئی اہم شاہراہیں بند کرنا پڑیں۔
مزید پڑھیں: دنیا کے سمندروں میں 2025 میں ریکارڈ حدت، شدید موسمی بحران کا خدشہ
شمالی علاقوں میں سردی کی شدت انتہائی سطح پر پہنچ چکی ہے، جہاں ہنزہ میں درجہ حرارت منفی 20 ڈگری سینٹی گریڈ تک ریکارڈ کیا گیا۔
محکمہ موسمیات کے مطابق آئندہ دنوں میں ملک کے بیشتر حصوں میں موسم سرد اور خشک رہے گا۔
میدانی علاقوں میں دھند جبکہ پہاڑی علاقوں میں شدید سردی کا سلسلہ جاری رہنے کا امکان ہے، تاہم بلوچستان کے بعض حصوں میں ہلکی بارش کی پیش گوئی بھی کی گئی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پیشگوئی درجہ حرارت ڈاکٹر عمر سیف سرد لہر سوشل میڈیا سینٹی گریڈ شدید سردی محکمہ موسمیات نمی وائرل
ذریعہ
ذریعہ: WE News
کلیدی لفظ: پیشگوئی ڈاکٹر عمر سیف سرد لہر سوشل میڈیا سینٹی گریڈ محکمہ موسمیات وائرل محکمہ موسمیات نے علاقوں میں کے مطابق سرد لہر
پڑھیں:
ایلون مسک نے ’اوڈیسی‘ کا اے آئی ورژن اسی سال پیش کرنے کا اعلان کردیا
ارب پتی ٹیکنالوجی کاروباری شخصیت ایلون مسک نے اعلان کیا ہے کہ ان کا مصنوعی ذہانت پر مبنی پلیٹ فارم گروک امیجن (Grok Imagine) رواں سال کے اختتام سے پہلے قدیم یونانی رزمیہ شاہکار اوڈیسی پر مبنی ایک مکمل فلم تیار کرے گا۔ مسک کا کہنا ہے کہ یہ فلم شاعر ہومر کی اصل تخلیق کے مطابق ہوگی اور تاریخی اعتبار سے بھی زیادہ درست انداز میں پیش کی جائے گی۔
ایلون مسک نے سماجی رابطے کی ویب سائٹ ایکس پر اپنی پوسٹ میں دعویٰ کیا کہ اے آئی کے ذریعے بنائی جانے والی یہ فلم ہومر کے اصل فن اور کہانی کی حقیقی روح کی عکاسی کرے گی۔ انہوں نے اس اعلان کے ساتھ تقریباً تین منٹ طویل ایک اے آئی ویڈیو بھی شیئر کی، جس میں اوڈیسیئس اور کلیپسو کے درمیان ایک منظر دکھایا گیا ہے۔
Before this year ends, Grok Imagine will make a full-length movie of The Odyssey that is historically accurate and true to the art of Homer https://t.co/bVHzUmY9WN
— Elon Musk (@elonmusk) July 22, 2026اس سے قبل بھی ایلون مسک نے ایک صارف کی اس تجویز کی حمایت کی تھی کہ ہدایت کار میل گبسن تقریباً 100 ملین ڈالر کی لاگت سے اوڈیسی پر ایسی فلم بنائیں جس میں تاریخی طور پر درست جہاز، ہتھیار، زرہیں، کردار اور ہومر کی اصل نظم کے مکالمے شامل ہوں۔ اس تجویز پر مسک نے مختصر جواب دیتے ہوئے کہا تھا، ’میں تیار ہوں۔‘
دوسری جانب ایلون مسک حالیہ دنوں میں برطانوی نژاد امریکی فلم ساز کرسٹوفر نولن کی فلم اوڈیسی پر بھی سخت تنقید کرتے رہے ہیں۔ ان کا الزام ہے کہ نولن نے ایوارڈز حاصل کرنے کی غرض سے اصل داستان میں تبدیلیاں کیں۔ انہوں نے فلم کی کاسٹنگ پر بھی اعتراض اٹھایا، خاص طور پر اداکارہ لوپیٹا نیونگو کو ہیلن آف ٹرائے کے کردار میں لینے کے فیصلے کو تنقید کا نشانہ بنایا، جبکہ ایک موقع پر نولن کو ’نسل پرستانہ رویہ رکھنے والا‘ فلم ساز بھی قرار دیا۔
تاہم ایلون مسک کی تنقید کے باوجود کرسٹوفر نولن کی اوڈیسی نے باکس آفس پر شاندار آغاز کیا ہے۔ باکس آفس رپورٹس کے مطابق فلم نے ریلیز کے پہلے ہفتے میں دنیا بھر سے 264.06 ملین ڈالر سے زائد کا بزنس کیا، جس کے بعد اسے رواں برس کی نمایاں کامیاب فلموں میں شمار کیا جا رہا ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار