کراچی: آئندہ دو روز تک سردی کی شدت برقرار رہنے کا امکان
اشاعت کی تاریخ: 12th, January 2026 GMT
---فائل فوٹو
محکمۂ موسمیات نے کراچی سمیت سندھ بھر میں آئندہ چند دنوں کے دوران موسمِ سرما کی دوسری بارش کی پیش گوئی کی ہے۔
محکمۂ موسمیات کے مطابق کراچی میں آئندہ دو روز تک سردی کی شدت برقرار اور رات میں کم سے کم درجہ حرارت 8 ڈگری سینٹی گریڈ تک رہنے کا امکان ہے۔
18 سے 20 جنوری کے دوران مغربی ہوائیں ملک کے بالائی علاقوں پراثرانداز ہوں گی۔
محکمہ موسمیات کا بتانا ہے کہ کم سے کم درجہ حرارت 8 سے 10 ڈگری سینٹی گریڈ اور زیادہ سے زیادہ درجہ حرارت 24 ڈگری سینٹی گریڈ تک رہنے کا امکان ہے۔
محکمۂ موسمیات کا کہنا ہے کہ اس سسٹم کے زیرِ اثر کراچی سمیت سندھ میں بھی بارش کا امکان بنتا نظر آ رہا ہے، مغربی ہواؤں کا سسٹم ختم ہونے کے بعد ایک اور سردی کی لہر کراچی سمیت سندھ پر اثر انداز ہو سکتی ہے۔
محکمۂ موسمیات کے مطابق رواں موسمِ سرما میں دسمبر ماہ میں ملک میں 34 فیصد معمول سے کم بارش ریکارڈ کی گئی ہے۔
.
ذریعہ
ذریعہ: Jang News
کلیدی لفظ: ڈگری سینٹی گریڈ کا امکان
پڑھیں:
کراچی، 7 سالہ بچی کے اغوا اور قتل میں ملوث ملزم مبینہ پولیس مقابلے میں ہلاک
کراچی کے علاقے کیماڑی سے 7 سالہ بچی کو اغوا اور زیادتی کے بعد قتل کرنے والا ملزم مبینہ پولیس مقابلے میں ہلاک ہوگیا۔
ایس ایس پی کیماڑی سنگھار ملک نے بتایا کہ جیکسن پولیس دعا کے اغوا، زیادتی کے بعد قتل کیس کی تفتیش میں مصروف تھی کہ تھانے کی حدود میں آنے والے ایک علاقے میں پولیس مقابلہ ہوا جس میں ملزم ہلاک ہوگیا۔
انہوں نے بتایا کہ سی سی ٹی وی فوٹیجز اور شواہد کی بنیاد پر مشتبہ شخص کی موجودگی کی اطلاع ملی تھی، پولیس ملزم کی گرفتاری کیلیے اسٹریٹ مبارک مسجد کے قریب پہنچی تو ملزم نے اہلکاروں پر فائرنگ کردی۔
مزید پڑھیںکیماڑی میں جھاڑیوں سے کمسن بچی کی لاش برآمد، مشکوک شخص کی ویڈیو سامنے آگئی
2 سالہ بچے آذان کے اغوا میں ملوث 3 ملزمان گرفتار، مرکزی ملزم والد کا دوست نکلا
ایس ایس پی کیماڑی کے مطابق جوابی فائرنگ میں ملزم مارا گیا جبکہ جائے وقوعہ سے شواہد تحویل میں لے کر قانونی و فرانزک کارروائی شروع کردی گئی ہے۔
سنگھار ملک کے مطابق ہلاک شخص کے کوائف اور بچی کے اغواء و قتل کیس سے ممکنہ تعلق کی جانچ جاری ہے جبکہ پولیس سرجن نے معصوم بچی دعا کے ساتھ زیادتی کی تصدیق کردی ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار