میرا سرکاری پاسپورٹ بلاک کیا گیا ہے: وزیر اعلیٰ خیبر پختونخوا
اشاعت کی تاریخ: 12th, January 2026 GMT
’جیو نیوز‘ گریب
وزیر اعلیٰ خیبر پختونخوا سہیل آفریدی کا کہنا ہے کہ میرا سرکاری پاسپورٹ بلاک کیا گیا ہے۔ آئین و قانون کے ساتھ کھلواڑ سے اداروں کا نقصان ہو رہا ہے۔
کراچی میں سیمینار سے خطاب کرتے ہوئے انہوں نے کہا کہ اسلام آباد ہائی کورٹ کے تین ججز حکم دے رہے ہیں آپ اپنے قائد سے مل سکتے ہیں، اس حکم کو جیل سپرنٹنڈنٹ نے رد کردیا، یہ بے توقیری میری نہیں ہے۔
سہیل آفریدی کا کہنا ہے کہ جب تک وکلاء کھڑے نہیں ہوں گے، عدلیہ آزاد نہیں ہوگی، جتنی بھی تحریک چلیں سندھ ہائی کورٹ بار کھڑا رہا۔
کراچی وزیراعلیٰ خیبرپختو نخواسہیل آفریدی.
انہوں نے کہا کہ پاکستان کی معیشیت بری حالت میں ہے، نوجوان ملک چھوڑ کر جا رہے ہیں، 45 فیصد سے زیادہ لوگ غربت کی لکیر سے نیچے ہیں۔
ان کا کہنا تھا کہ 7.1 فیصد سے زیادہ بے زوزگاری کی شرح بڑھ چکی ہے، انہیں صرف حکومت بچانی ہے عوام کی ان کو فکر نہیں۔
وزیر اعلیٰ خیبر پختونخوا نے کہا کہ سندھیوں کا دل بہت بڑا ہے، مہمانوں کو ہمیشہ عزت دیتے ہیں، کراچی میں تمام قومیت اور مکتبہ فکر کے لوگ موجود ہیں، سندھیوں نے کراچی میں تمام پاکستانیوں کو جگہ دی ہوئی ہے۔
کراچی کی گلیوں میں آزادی کی لگن کا عزم ہے: سلمان اکرم راجہاس موقع پر گفتگو کرتے ہوئے سیکریٹری جنرل تحریک انصاف سلمان اکرم راجہ نے کہا کہ ہم آئین و قانون کی بات کرتے ہیں، آئین ہمیں آزادانہ نقل وحرکت اور اظہار رائے کی اجازت دیتا ہے۔
انہوں نے کہا کہ آئین کو تار تار کر دیا گیا، ہمیں آئین کو بحال کرنا ہے، عوام کے ووٹ پر ڈاکا ڈالا گیا، کراچی کی گلیوں میں آزادی کی لگن کا عزم ہے۔
سلمان اکرم راجہ کا کہنا تھا کہ مصلحت پسند خاموش لوگوں سے پوچھتا ہوں آئین و عدلیہ پر حملے پر خاموش کیوں ہو، سیاسی وابستگی کچھ بھی ہو آئین وقانون کی بحالی کے لیے ہمارے ساتھ چلیں۔
ہم کسی پارٹی کو سپورٹ نہیں کرتے: صدر کراچی بارصدر کراچی بار عامر نواز وڑائچ نے سیمینار سے خطاب کرتے ہوئے کہا کہ وزیر اعلیٰ خیبرپختونخوا سہیل آفریدی کو وکلاء کی جانب سے ویلکم کرتا ہوں، جب بھی آئین پر کڑا وقت آیا بار ایسوسی ایشن نے بھرپور کردار ادا کیا۔
انہوں نے کہا کہ ہماری کسی سیاسی جماعت سے وابستگی نہیں، رول آف لاء کے لیے کھڑے ہیں، ہم کسی پارٹی کو سپورٹ نہیں کرتے، چاہتے ہیں سب کام آئین کے مطابق ہوں۔
صدر کراچی بار کا کہنا تھا کہ 26ویں اور 27ویں آئینی ترمیم کو ہم پہلے مسترد کیا، ایسی کوئی ترمیم قبول نہیں کریں گے جس سے عدلیہ کمزور ہو۔
ذریعہ
ذریعہ: Jang News
کلیدی لفظ: انہوں نے کہا کہ وزیر اعلی کراچی میں کا کہنا
پڑھیں:
کے پی اسمبلی میں حکومتی ناراض ارکان کا مذاکرات سے انکار
پشاور:خیبرپختونخوا اسمبلی میں ناراض حکومتی ارکان کے ساتھ مفاہمت نہ ہوسکی ناراض ارکان نے کسی بھی قسم کے مذاکرات سے انکار کرتے ہوئے آئندہ کے لائحہ عمل کے لیے آج اجلاس طلب کرلیا۔
ایکسپریس نیوز کے مطابق خیبرپختونخوا اسمبلی میں حکومتی ارکان کا ناراض گروپ اپنے مطالبات پر ڈٹ گیا، ناراض ارکان سے سابق اسپیکر اسد قیصر اور سابق صوبائی وزیر شوکت یوسفزئی نے بھی رابطہ کیا ہے لیکن ناراض ارکان نے حکومت کے علاقہ کسی سے بھی مذاکرات سے انکار کردیا۔
ناراض ارکان کا کہنا ہے کہ ہمیں وزیراعلی سہیل آفریدی کی جانب سے یقین دہانی چاہیے، ایک ناراض رکن نے بتایا کہ ہمارا کوئی فارورڈ بلاک نہیں اگر فارورڈ بلاک بنتا ہے تو یہ عمران خان کے خلاف ہوگا ہم حکومت کے پالیسیوں سے ناراض ہیں مرکزی قیادت کو بتایا دیا گیا ہے اور انھیں خط بھی لکھا گیا ہے لیکن پارٹی چیئرمین کی جانب سے کوئی جواب نہیں ملا، ناراض ارکان نے آئندہ کے لائحہ عمل کے لیے اجلاس آج دوبارہ طلب کرلیا ہے۔
وزارت آئی ٹی نے 1.67 ارب روپے سے زاید کے فنڈز طلب کرلیے