’محفوظ بسنت‘: لاہور میں سخت ضوابط کے ساتھ 3 روزہ تہوار کی تیاریاں مکمل
اشاعت کی تاریخ: 12th, January 2026 GMT
پنجاب کے دارالحکومت لاہور میں موسم بہار کے روایتی تہوار بسنت کو محفوظ اور منظم انداز میں منانے کے لیے ضلعی انتظامیہ نے جامع ضوابط جاری کردیے ہیں۔
بسنت 6، 7 اور 8 فروری کو منائی جائے گی، جبکہ اس دوران امن و امان کو یقینی بنانے کے لیے دفعہ 144 نافذ رہے گی۔
مزید پڑھیں: پنجاب حکومت نے بسنت کو محفوظ بنانے کے لیے اہم فیصلہ کرلیا
انتظامیہ کا کہنا ہے کہ یہ اقدامات شہریوں کی جان و مال کے تحفظ کو مدنظر رکھتے ہوئے اٹھائے جا رہے ہیں، تاکہ ماضی کی تلخ یادوں سے سبق سیکھتے ہوئے تہوار کو پُرامن بنایا جا سکے۔
بسنت جو پنجاب کی ثقافت کا اہم حصہ ہے، روایتی طور پر پتنگ بازی کے ذریعے منایا جاتا ہے۔ یہ تہوار ہزاروں سال پرانا ہے اور موسم بہار کی آمد کا جشن ہے، جس میں لوگ رنگ برنگی پتنگوں سے آسمان کو سجاتے ہیں۔
تاہم گزشتہ 2 دہائیوں میں پتنگوں کی ڈور سے ہونے والے حادثات، خاص طور پر دھاتی یا کیمیکل والی تیز ڈور سے گلے کٹنے کے واقعات نے اسے متنازع بنا دیا تھا۔
2005 میں لاہور ہائیکورٹ نے ایسے حادثات کی روک تھام کے لیے پتنگ بازی پر پابندی عائد کی تھی، جو کئی سال تک نافذ رہی۔ اب کائٹ فلائنگ ایکٹ 2025 کے تحت حکومت نے محدود اور محفوظ انداز میں بسنت کی اجازت دی ہے، جو صرف لاہور ضلع کی حدود میں 3 دنوں تک ہوگی۔
ضلعی انتظامیہ کے مطابق پتنگ اور ڈور کی تیاری، فروخت اور کائٹ فلائنگ ایسوسی ایشنز کی رجسٹریشن کو لازمی قرار دیا گیا ہے۔ اس سلسلے میں چار کیٹیگریز کے فارم جاری کیے گئے ہیں
’فارم اے پتنگ سازوں اور ڈور بنانے والوں کی رجسٹریشن کے لیے، جبکہ رجسٹرڈ افراد کو فارم بی کے ذریعے سرٹیفکیٹ جاری کیا جائے گا جس پر کیو آر کوڈ درج ہوگا۔‘
یہ کیو آر کوڈ ڈور اور پتنگوں پر لگایا جائے گا، اور فروخت کنندگان کو اسے اپنی دکانوں اور پینا فلیکس پر نمایاں کرنا ہوگا۔ فارم سی اور ڈی کائٹ فلائنگ ایسوسی ایشنز کی رجسٹریشن کے لیے مختص ہیں۔
پتنگوں کے سائز پر بھی پابندیاں عائد کی گئی ہیں: پتنگ کی لمبائی 30 انچ اور چوڑائی 34 انچ سے زیادہ نہیں ہوگی، جبکہ گڈا کی لمبائی 34 انچ اور چوڑائی 40 انچ تک محدود ہوگی۔ ڈور صرف کاٹن کے دھاگے سے بنائی جائے گی، جس میں 9 سے زیادہ تاریں نہیں ہوں گی۔
مانجا میں گلو، سادہ رنگ، آٹا اور کمزور شیشے کا استعمال کیا جا سکتا ہے، لیکن تیز مانجا، تندی، دھاتی تار اور کیمیکل کی ممانعت ہے۔
ڈور کے لیے صرف پنا استعمال کیا جائے گا، چرخی کی تیاری پر پابندی ہوگی، اور خلاف ورزی کرنے والوں کی رجسٹریشن منسوخ اور قانونی کارروائی کی جائے گی۔
بسنت کے تینوں دنوں میں 18 سال سے کم عمر بچوں پر پتنگ بازی پر مکمل پابندی ہوگی۔ اگر کم عمر بچے پتنگ اڑاتے پائے گئے تو ان کے والدین کو ذمہ دار ٹھہرایا جائے گا اور کائٹ فلائنگ آرڈیننس 2025 کے تحت مقدمہ درج کیا جائے گا۔
پتنگ بازی کے لیے 72 گھنٹے کا وقت مختص کیا گیا ہے۔ محفوظ بسنت کو یقینی بنانے کے لیے لاہور میں 100 کیمپس میں 10 لاکھ موٹرسائیکل سیفٹی راڈز اور وائر تقسیم کیے جائیں گے۔
ٹریفک انتظامیہ نے 23 روٹس پر فری رائیڈ کی تجویز دی ہے، جبکہ سیفٹی راڈز کے بغیر کوئی موٹرسائیکل شہر کی سڑکوں پر نہیں آسکے گی، فائر ورکس اور ہوائی فائرنگ پر بھی سخت کریک ڈاؤن کیا جائے گا۔
کائٹ فلائنگ میٹیریل کی مینوفیکچرنگ صرف لاہور ضلع میں ہوگی، اور 6 فروری سے پہلے پتنگ بازی کی کوئی اجازت نہیں دی جائے گی۔
کمشنر لاہور مریم خان نے کہا ہے کہ یہ اقدامات شہریوں کی حفاظت کو اولین ترجیح دیتے ہیں تاکہ بسنت ایک خوشگوار تہوار بن سکے۔
دوسری جانب لاہور ہائیکورٹ میں کائٹ فلائنگ ایکٹ 2025 کو چیلنج کرنے والی درخواست پر سماعت ہوئی۔
جسٹس خالد اسحاق نے جوڈیشل ایکٹیوزم پینل کی درخواست پر سماعت کی اور ایکٹ پر فوری عملدرآمد روکنے کی استدعا مسترد کردی۔
عدالت نے درخواست گزار کو کائٹ فلائنگ ایسوسی ایشن کو فریق بنانے کا حکم دیا اور مزید کارروائی 16 جنوری تک ملتوی کردی۔
مزید پڑھیں: پنجاب میں بسنت پر پتنگ بازی کی مشروط اجازت: پابندیوں کی خلاف ورزی پر سخت کارروائی کا فیصلہ
جوڈیشل ایکٹیوزم پینل کی جانب سے اظہر صدیق ایڈووکیٹ نے ایکٹ کو چیلنج کیا ہے۔ عدالت نے آئندہ سماعت پر سرکاری وکیل کو دلائل دینے کی ہدایت کی ہے۔
حکومت پنجاب نے شہریوں سے اپیل کی ہے کہ ضوابط کی پابندی کریں تاکہ تہوار خوشیوں کا باعث بنے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews پنجاب حکومت پنجاب ضوابط جاری لاہور محفوظ بسنت وی نیوز.
ذریعہ
ذریعہ: WE News
کلیدی لفظ: حکومت پنجاب ضوابط جاری لاہور محفوظ بسنت وی نیوز کائٹ فلائنگ کی رجسٹریشن کیا جائے گا پتنگ بازی جائے گی کے لیے
پڑھیں:
پی سی بی نے 27 -2026 کے ڈومیسٹک کرکٹ سیزن کا اعلان کردیا، ورلڈ کپ تیاریوں پر توجہ مرکوز
پاکستان کرکٹ بورڈ نے 2026-27 کے مردوں کے ڈومیسٹک کرکٹ سیزن کے شیڈول کا اعلان کر دیا ہے، جس کا آغاز 11 اگست 2026 سے ہوگا۔ نئے سیزن میں قومی ٹیم کی 2027 کے ون ڈے ورلڈ کپ کی تیاریوں کو خصوصی اہمیت دی گئی ہے، جس کے لیے آغاز میں ہی دو ایک روزہ ٹورنامنٹس رکھے گئے ہیں۔
پی سی بی کے مطابق ڈومیسٹک سیزن 11 اگست 2026 سے 15 جون 2027 تک جاری رہے گا، جس میں ایک روزہ، 4 روزہ، ٹی20، انڈر 19، انڈر 17 اور انڈر 15 مقابلوں سمیت مختلف سطحوں کے ٹورنامنٹس شامل ہوں گے۔
یہ بھی پڑھیں: پاکستان اور انگلینڈ کے مابین 5 ون ڈے میچوں کی سیریز کا شیڈول جاری
سیزن کا آغاز ملتان میں چار ٹیموں کے نیشنل چیمپئنز کپ سے ہوگا جو 11 سے 18 اگست تک کھیلا جائے گا، جس کے بعد کراچی میں 21 اگست سے 8 ستمبر تک آٹھ ٹیموں پر مشتمل صدر کپ گریڈ ون ایک روزہ ٹورنامنٹ ہوگا۔
پی سی بی نے بتایا کہ قائداعظم ٹرافی کو 2026-27 میں دو حصوں میں تقسیم کیا گیا ہے۔ قائداعظم ٹرافی گولڈ میں آٹھ ٹیمیں شامل ہوں گی، جبکہ سلور میں 12 ٹیمیں حصہ لیں گی۔ دونوں ٹورنامنٹس نومبر سے دسمبر تک جاری رہیں گے۔
PCB unveils Men's Domestic Cricket Calendar for season 2026-27 with ICC Cricket World Cup preparation in sharp focus
Details here ➡️ https://t.co/NodmLStn8E pic.twitter.com/70Xj9Hge15
— PCB Media (@TheRealPCBMedia) July 23, 2026
اس سیزن میں علاقائی کرکٹ کو مزید مضبوط بنانے کے لیے سیالکوٹ اور پشاور ریجنز کی ایک ایک اضافی ٹیم شامل کی گئی ہے، جس کے بعد قائداعظم ٹرافی اور نیشنل ٹی ٹوئنٹی کپ میں علاقائی ٹیموں کی تعداد 18 سے بڑھ کر 20 ہو جائے گی۔
یہ بھی پڑھیں: ڈومیسٹک کرکٹ سینٹرل کنٹریکٹ کے لیے لازمی قرار، سلیکشن کے لیے نئی پالیسیاں، محسن نقوی کے اہم اعلانات
پی سی بی کے مطابق پہلی بار انڈر 19 کھلاڑیوں کے لیے تین روزہ سرخ گیند کی چیمپئن شپ بھی منعقد کی جائے گی، جس میں تمام 16 ریجنز کی ٹیمیں حصہ لیں گی۔ اس کے علاوہ انڈر 19 ایک روزہ کپ، انڈر 15 ایک روزہ کپ اور انڈر 17 دو روزہ کپ بھی شیڈول کا حصہ ہوں گے۔
پی سی بی نے اسکول ٹیلنٹ ہنٹ پروگرام کو بھی وسعت دینے کا اعلان کیا ہے، جس کے تحت اسکولوں کی تعداد 450 سے بڑھا کر 1200 اور اضلاع کی تعداد 39 سے بڑھا کر 100 کر دی گئی ہے۔
یہ بھی پڑھیں: ملک میں ڈومیسٹک کرکٹ کی بہار کا آغاز 15 اگست سے ہوگا، کیلنڈر جاری
پی سی بی کے سینئر جنرل منیجر ڈومیسٹک کرکٹ آپریشنز اسامہ شارون نے کہا کہ نئے سیزن میں تمام 16 ریجنز کو فرسٹ کلاس کرکٹ کے مواقع فراہم کیے جائیں گے اور قومی ٹیم کی 2027 عالمی کپ کی تیاریوں کو مدنظر رکھتے ہوئے ڈومیسٹک مقابلوں کی منصوبہ بندی کی گئی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news پی سی بی ٹی20 انٹرنیشنل ڈومیسٹک کرکٹ ورلڈ کپ ون ڈے انٹرنیشن
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا