پورٹ قاسم پاکستانی معیشت کا اہم گیٹ وے بنےگی، جنید انوار چوہدری
اشاعت کی تاریخ: 12th, January 2026 GMT
کراچی:(نیوزڈیسک) وفاقی وزیر بحری امور محمد جنید انوار چوہدری کی زیر صدارت پورٹ قاسم پر اہم اجلاس میں کلائمیٹ ریزیلینٹ انڈسٹریل کمپلیکس کے طویل المدتی منصوبے کا اعلان کیا گیا۔وزیر بحری امور کے مطابق پورٹ قاسم کو عالمی صنعتی و لاجسٹک مرکز بنایا جائے گا اور یہ پاکستان کی قومی معیشت کا اہم گیٹ وے بنے گا۔
پورٹ قاسم کے ترقیاتی منصوبے کا دائرہ کار 14 ہزار ایکڑ سے زائد رقبے پر محیط ہے اور اسے تین مختلف زونز میں تقسیم کیا گیا ہے۔ مشرقی زون ہیوی انڈسٹری اور ایکسپورٹ یونٹس کے لیے مختص کیا گیا ہے، شمال مغربی زون میں ویلیو ایڈڈ انڈسٹری اور پورٹ سروسز کے فروغ کا منصوبہ ہے جبکہ جنوبی مغربی زون میں خصوصی صنعتی اور کمرشل سرگرمیوں کی منصوبہ بندی کی گئی ہے۔
وزیر بحری امور کے مطابق پورٹ قاسم میں اس وقت 833 صنعتی یونٹس فعال ہیں اور 40 زیر تعمیر ہیں۔ انہوں نے کہا کہ پورٹ قاسم صرف بندرگاہ نہیں بلکہ ایک متحرک صنعتی ایکو سسٹم ہے، جو سپلائی چین اور برآمدات میں کلیدی کردار ادا کر رہا ہے۔
محمد جنید انوار چوہدری نے پورٹ انفراسٹرکچر کی جدید کاری اور روڈ و ریل کنیکٹیوٹی بہتر بنانے کے عزم کا اعادہ کیا۔ انہوں نے کہا کہ پورٹ قاسم انڈسٹریل کمپلیکس روزگار، سرمایہ کاری اور پائیدار ترقی کا مرکز بنے گا اور ملکی معیشت میں اہم کردار ادا کرے گا۔
.
ذریعہ
ذریعہ: Daily Mumtaz
کلیدی لفظ: پورٹ قاسم
پڑھیں:
پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے
اسلام آباد(ڈیلی پاکستان آن لائن)پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے، چین نے مکئی کی درآمد کے لئے پاکستانی تاجروں کی رجسٹریشن بھی شروع کردی ہے ۔
تفصیلات کے مطابق رائس ایکسپورٹرز ایسوسی کے وفد کا دورہ چین کامیابی سے جاری ہے ، جس دوران چاول کی برآمد کیلئے چین کے دو صوبوں کے ساتھ وفد نے ایم او یو سائن کر لیے ہیں، 30 سے 40 کروڑ ڈالر مالیت کے چاول کی فروخت کے معاہدے متوقع ہیں ہیں۔رائس ایکسپورٹرز ایسوسی ایشن کے چیئرمین جاوید جیلانی کا کہناتھا کہ چین کو پاکستان سے مکئی کی برآمد بھی جلد شروع ہو جائے گی،چین کو باسمتی اور نان باسمتی دونوں اقسام کے چاول برآمد کریں گے،رواں مالی سال چاول کی برآمدات دوبارہ 3ارب ڈالر کی سطح عبور کر جائیں گی، چین کا دورہ جاری ہے مزید آرڈرز ملنے کا امکان ہے۔
اپر کوہستان مالیاتی اسکینڈل، 21 کروڑ روپے سے زائد رقم بحق سرکار ضبط کرنے کا حکم
مزید :
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار