65 برس میں بھی جوان نظر آنے کا راز: سنگیتا بجلانی نے فِٹنس اور خوراک کا معمول بتادیا
اشاعت کی تاریخ: 12th, January 2026 GMT
بالی ووڈ کی سابق اداکارہ سنگیتا بجلانی 65 برس کی عمر میں بھی اپنی فِٹنس، صحت اور متوازن طرزِ زندگی کے باعث مداحوں کی توجہ حاصل کیے ہوئے ہیں۔ وقت کے ساتھ اسکرین سے دوری کے باوجود ان کی شخصیت اور انداز آج بھی فِٹنس کے شوقین افراد کے لیے مثال بنے ہوئے ہیں۔
بھارتی میڈیا رپورٹس کے مطابق سنگیتا بجلانی باقاعدہ ورزش کے ساتھ صحت بخش غذا کو اپنی روزمرہ زندگی کا لازمی حصہ بنائے ہوئے ہیں۔ وہ سادہ مگر غذائیت سے بھرپور کھانوں کو ترجیح دیتی ہیں، جس کی جھلک اکثر ان کے سوشل میڈیا اکاؤنٹس پر دیکھنے کو ملتی ہے۔
حال ہی میں سنگیتا بجلانی نے انسٹاگرام پر اپنے دن کے آغاز کی ایک تصویر شیئر کی، جس میں ان کا پسندیدہ ناشتہ دکھایا گیا۔ اس ناشتے میں ناریل کے دودھ میں بھگوئے گئے چیا سیڈز، کیلا، مختلف خشک میوے اور غذائی بیج شامل تھے۔ اس کے ساتھ انہوں نے نرم ابلے ہوئے انڈے اور گرین ٹی بھی لی، جو توانائی اور صحت دونوں کے لیے فائدہ مند سمجھی جاتی ہے۔
تصویر کے ساتھ شیئر کیے گئے کیپشن میں سنگیتا بجلانی نے اپنے ناشتے کی تفصیل بیان کرتے ہوئے اسے صحت مند طرزِ زندگی کا حصہ قرار دیا۔ ان کے انسٹاگرام پیج پر اس نوعیت کی پوسٹس عام ہیں، جہاں وہ متوازن غذا اور فِٹنس سے متعلق اپنی روٹین مداحوں کے ساتھ شیئر کرتی رہتی ہیں، جو کئی لوگوں کے لیے حوصلہ افزائی کا باعث بنتی ہیں۔
سنگیتا بجلانی نے 1988 میں فلم ’قاتل‘ کے ذریعے بالی وڈ میں قدم رکھا اور جلد ہی اپنی اداکاری سے پہچان بنا لی۔ وہ ’تری دیو‘، ’ہتھیار‘، ’جرم‘، ’یودھا‘، ’یگندھر‘، ’عزت‘ اور ’لکشمن ریکھا‘ جیسی متعدد فلموں میں جلوہ گر ہوئیں۔ 1996 میں ریلیز ہونے والی فلم ’نربھے‘ ان کی آخری فلم ثابت ہوئی، جس کے بعد انہوں نے فلمی دنیا سے کنارہ کشی اختیار کر لی۔
ذریعہ
ذریعہ: Express News
کلیدی لفظ: کے ساتھ
پڑھیں:
عطاء اللّٰہ خان عیسیٰ خیلوی کا اپنی قبر تیار کرنے کا انکشاف
پاکستان کے لیجنڈری گلوکار عطاء اللّٰہ خان عیسیٰ خیلوی(Attaullah Khan Esakhelvi) نے حال ہی میں ایک پوڈکاسٹ میں اپنی آخرت کی تیاری اور اپنی قبر سے متعلق گفتگو کی ہے۔
عطاء اللّٰہ خان عیسیٰ خیلوی نے پوڈکاسٹ میں بتایا کہ میں نے اپنی قبر پہلے ہی تیار کروا لی ہے۔
انہوں نے کہا کہ میں نے آخرت کی تیاری کر لی ہے، میری قبر عیسیٰ خیل میں تیار ہے، اگر آپ میری زندگی میں آئیں گے تو میں آپ کو دکھا دوں گا، ورنہ بعد میں خود دیکھ لیں گے، ہمارا خاندانی قبرستان ہے اور میں نے وہاں اپنے لیے ایک قبر مخصوص کروا رکھی ہے، ساتھ کچھ مزید جگہ بھی ہے، ایک میری اہلیہ کے لیے بھی ہے، اگرچہ یہ بات میں نے مذاق میں کہی تھی، اصل میں صرف اپنی قبر تیار کروائی ہے، اللّٰہ تعالیٰ ہم سب پر رحم فرمائے۔
مزیدپڑھیں:بيزوس، مسک اور زکربرگ جیسے ارب پتی ہر سال ایک خفیہ سمر کیمپ میں کیوں اکٹھے ہوتے ہیں؟
عطاء اللّٰہ خان عیسیٰ خیلوی نے بتایا کہ فارم ہاؤس اور مسجد تعمیر کروانے کے بعد میرے ذہن میں یہ خیال آیا کہ اپنی آخری آرام گاہ بھی وہیں ہونی چاہیے۔
گلوکار کا کہنا ہے کہ والدہ، عزیز و اقارب اور قریبی دوستوں کی وفات نے مجھے زندگی اور موت کے بارے میں زیادہ سوچنے پر مجبور کیا اور میں صرف اتنی دعا کرتا ہوں کہ اللّٰہ مجھے پُرسکون موت عطاء فرمائے۔
عطاء اللّٰہ خان عیسیٰ خیلوی کے اس بیان پر سوشل میڈیا صارفین کی مختلف آراء سامنے آئی ہیں۔
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم