تحقیق اسلامی معارف کو نئی نسل تک پہنچانے کا مؤثر ذریعہ ہے، ذوالفقار سعیدی
اشاعت کی تاریخ: 12th, January 2026 GMT
اسلام آباد میں منعقدہ تقریب کے موقع پر گفتگو کرتے ہوئے مولانا ذوالفقار سعیدی نے کہا کہ محققین و مترجمین قدیم علمی ورثے کو جدید فہم سے جوڑ کر امت کو فکری استحکام فراہم کرتے ہیں۔ اسلام ٹائمز۔ مجلس علماء مکتب اہلبیت بلوچستان کے صوبائی صدر مولانا ذوالفقار علی سعیدی نے کہا ہے کہ تحقیق اور ترجمہ علم کو وسعت دینے اور اہل بیت علیہ السلام کی تعلیمات و اسلامی معارف کو نئی نسل تک پہنچانے کا مؤثر ذریعہ ہیں۔ ان خیالات کا اظہار انہوں نے المصطفیٰ انٹرنیشنل یونیورسٹی (جامعۃ المصطفیٰ العالمیہ) اسلام آباد کی جانب سے سندھ و بلوچستان کے محققین و مترجمین کے اعزاز میں منعقدہ تقریب سے خطاب کرتے ہوئے کیا۔ اس موقع پر دانشگاہ امام خمینیؒ کراچی کے مدیر، حجۃ الاسلام والمسلمین علامہ ڈاکٹر عمار یاسر ہمدانی نے مولانا ذوالفقارعلی سعیدی اور دیگر محققین کو اعزازی شیلڈز پیش کی۔
اس موقع پر مولانا ذوالفقار علی سعیدی نے کہا کہ تحقیق اور ترجمہ علم کو وسعت دینے اور اہل بیت علیہ السلام کی تعلیمات و اسلامی معارف کو نئی نسل تک پہنچانے کا مؤثر ذریعہ ہیں۔ محققین و مترجمین قدیم علمی ورثے کو جدید فہم سے جوڑ کر امت کو فکری استحکام فراہم کرتے ہیں۔ انہوں نے جامعۃ المصطفیٰ جیسے اداروں کی علمی سرپرستی کو قابلِ تحسین قرار دیا اور آخر میں اہلِ علم کے لیے دعا کی۔ اس موقع پر تقریب میں صوبہ سندھ کے مسول تحقیق قبلہ سکندر علی بہشتی، قبلہ مراد علی بلاغی، قبلہ نبی بخش دانش سمیت دیگر معزز اہل علم بھی شریک تھے۔
ذریعہ
ذریعہ: Islam Times
کلیدی لفظ: مولانا ذوالفقار
پڑھیں:
میٹا اے آئی سمیت چیٹ بوٹس کے ذریعے سوشل میڈیا اکاؤنٹس ہیک ہونے کا خطرہ، ماہرین کی وارننگ
سائبر سیکیورٹی ماہرین نے خبردار کیا ہے کہ مصنوعی ذہانت یا اے آئی پر مبنی چیٹ بوٹس کے خلاف ایک نئے قسم کے سائبر حملے سامنے آئے ہیں جن کے ذریعے ہیکرز سوشل میڈیا اکاؤنٹس اور ذاتی معلومات تک غیر مجاز رسائی حاصل کر سکتے ہیں۔
یہ بھی پڑھیں: دنیا بھر کی اہم شخصیات کے انسٹاگرام اکاؤنٹس ہیک ہونے کا انکشاف، میٹا نے سب بتادیا
ماہرین کے مطابق جدید بڑی زبان کے ماڈلز(ایل ایل ایمز) جن میں میٹا اے آئی سمیت دیگر اے آئی چیٹ بوٹس شامل ہیں کو ایک تکنیک پرومپٹ انجیکشن‘ کے ذریعے دھوکا دیا جا سکتا ہے۔ اس طریقے میں حملہ آور چیٹ بوٹس کے حفاظتی نظام کو بائی پاس کرتے ہوئے انہیں ایسے احکامات پر عمل کرنے پر آمادہ کرتے ہیں جو عام حالات میں ممکن نہیں ہوتے۔
سائبر سیکیورٹی ماہر بروس شنائر کے مطابق ہیکرز اس مقصد کے لیے ’پرولیج ایسکلیشن‘ نامی حکمت عملی استعمال کرتے ہیں جس کے تحت اے آئی ماڈل کو ایسی فرضی شخصیت اختیار کرنے پر قائل کیا جاتا ہے جو حفاظتی قواعد کو نظر انداز کر دے یوں چیٹ بوٹ کی محدود صلاحیتیں وسیع ہو جاتی ہیں۔
رپورٹ کے مطابق حملہ آور یہ خفیہ ہدایات بظاہر بے ضرر مواد، جیسے ای میلز، ویب سائٹس یا آن لائن پیغامات میں شامل کرتے ہیں۔ اگر چیٹ بوٹ ان ہدایات کو قبول کر لے تو ہیکرز کو صارف کے منسلک اکاؤنٹس اور ڈیجیٹل سروسز تک رسائی حاصل ہو سکتی ہے۔
مزید پڑھیے: اوپن اے آئی نے ’سورا‘ ایپ لانچنگ کے چند ماہ بعد ہی اچانک کیوں بند کردی؟
ماہرین کا کہنا ہے کہ ایک بار چیٹ بوٹ کے متاثر ہونے کے بعد اسے ذاتی معلومات چرانے، حساس ڈیٹا باہر منتقل کرنے یا صارف کے اکاؤنٹس تک غیر مجاز رسائی حاصل کرنے جیسے اقدامات کے لیے استعمال کیا جا سکتا ہے۔
سائبر سیکیورٹی ماہرین نے خبردار کیا ہے کہ خطرہ اس وقت مزید بڑھ جاتا ہے جب صارفین اے آئی ٹولز کو اپنی ای میل، کیلنڈر یا دیگر ذاتی سروسز تک رسائی دے دیتے ہیں کیونکہ اس سے حملہ آوروں کے لیے نقصان دہ سرگرمیوں کے نئے راستے کھل سکتے ہیں۔
مزید پڑھیں: ’کوئی پڑھے نہ پڑھے اے آئی تو پڑھے گی‘: قدیم زمانوں کے محبت نامے، خفیہ تحریریں آشکار
ماہرین کے مطابق ہیکرز کا حتمی مقصد مالی فراڈ، شناختی معلومات کی چوری اور دیگر نقصان دہ سرگرمیوں کو انجام دینا ہوتا ہے۔ ان کا کہنا ہے کہ یہ رجحان ظاہر کرتا ہے کہ مستقبل میں مصنوعی ذہانت کی اپنی استدلالی صلاحیتیں بھی صارفین کے خلاف استعمال کی جا سکتی ہیں جس سے روایتی سائبر سیکیورٹی اقدامات کو مؤثر بنانا مزید مشکل ہو جائے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اے آئی مصنوعی ذہانت ہیکنگ
وزارت آئی ٹی نے 1.67 ارب روپے سے زاید کے فنڈز طلب کرلیے