قطر: بھارتی بحریہ کا سابق افسر قطر میں دوبارہ گرفتار
اشاعت کی تاریخ: 13th, January 2026 GMT
بھارتی وزارت خارجہ نے تصدیق کی ہے کہ بھارتی نیوی کے سابق اہلکار کمانڈر پورنیندو تیواری کو قطر میں دوبارہ گرفتار کرلیا گیا ہے۔
کشمیر میڈیا سروس کے مطابق قطر میں بھارتی بحریہ کے ریٹائرڈ افسر کو دوبارہ گرفتار کرلیا گیا ہے، پورنیندو تیواری کو اس قبل 7 دیگر ریٹائر نیول افسران کے ہمراہ اگست 2022 میں گرفتار کیا گیا تھا۔
بھارت کی جانب سے اپنے افسران کو قطر سے رہا کروانے کے لیے کوششیں کی گئیں، لیکن انہیں واپس نہیں کیا گیا تھا۔
بعد ازاں ان تمام افسران کو جاسوسی کے الزام میں قطر کی عدالت کی جانب سے سزائے موت کی سزا سنائی گئی تھی۔
بھارتی افسر کی دوبارہ گرفتاری کن الزامات کے تحت ہوئی اس حوالے سے قطری حکام اس حوالے سے ابھی تفصیلات سے میڈیا کو آگاہ نہیں کیا۔
بھارت کے سابق فوجی افسران کی بیرون ملک گرفتاریوں سے بھارتی افواج کی پیشہ ورانہ معاملات کے حوالے سے عالمی سطح پر سوالات اٹھ رہے ہیں۔
.
ذریعہ
ذریعہ: Daily Mumtaz
کلیدی لفظ: دوبارہ گرفتار
پڑھیں:
آزاد کشمیر الیکشن کے حوالے سے میڈیا کیلیے ضابطہ اخلاق جاری
الیکشن کمیشن آزاد کشمیر نے انتخابات 2026 کے لیے نیا میڈیا ضابطہ اخلاق جاری کر دیا، پالیسی کا مقصد انتخابی عمل میں شفافیت، غیرجانبداری اور ذمہ دارانہ صحافتی روایات کو یقینی بنانا ہے۔
الیکشن کمیشن کے مطابق تمام میڈیا اداروں کو ہدایت کی گئی ہے کہ وہ انتخابی کوریج کے دوران مکمل غیرجانبداری کا مظاہرہ کریں اور ضابطہ اخلاق پر سختی سے عمل درآمد کریں۔
اعلامیے میں کہا گیا ہے کہ پولنگ اسٹیشن کے اندر صرف مجاز میڈیا نمائندوں کو کوریج کی اجازت ہوگی تاہم پولنگ بوتھ کے اندر ووٹنگ کی خفیہ کارروائی کی کسی بھی قسم کی ریکارڈنگ یا فوٹوگرافی سختی سے ممنوع ہوگی۔
الیکشن کمیشن نے پولنگ ختم ہونے سے قبل کسی بھی قسم کے ایگزٹ پول، نتائج یا رجحانات نشر کرنے پر مکمل پابندی عائد کر دی ہے۔ نفرت انگیز، اشتعال انگیز یا فرقہ وارانہ مواد نشر کرنے سے گریز کرنے کی تاکید کی ہے۔
اسی طرح غلط، غیر مصدقہ یا گمراہ کن معلومات نشر کرنا بھی ممنوع قرار دیا گیا۔تمام امیدواروں کو انتخابی کوریج میں مساوی اور منصفانہ نمائندگی دینے کی ہدایت کی گئی ہے۔
الیکشن کمیشن نے واضح کیا ہے کہ ضابطہ اخلاق کی خلاف ورزی پر متعلقہ میڈیا ادارے کی ایکریڈیٹیشن منسوخ کی جا سکتی ہے اور قانونی کارروائی بھی عمل میں لائی جائے گی۔
کمیشن نے تمام میڈیا اداروں سے اپیل کی ہے کہ وہ انتخابی ضابطہ اخلاق پر مکمل عمل درآمد یقینی بنائیں تاکہ انتخابی عمل کے اعتماد اور شفافیت کو برقرار رکھا جا سکے۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا