اب میرا نام لیا تو عدالت لے جاؤں گی، علیزے شاہ کی یاسر نواز کو آخری وارننگ
اشاعت کی تاریخ: 13th, January 2026 GMT
معروف اداکارہ علیزے شاہ نے سینئر اداکار، پروڈیوسر و ہدایت کار یاسر نوازکو سخت تنبیہ جاری کرتے ہوئے کہا ہے کہ وہ کسی بھی پلیٹ فارم پر ان کا نام لینے سے باز رہیں۔
فوٹو اینڈ ویڈیو شیئرنگ ایپ انسٹاگرام پر انہوں نے کہا کہ گزشتہ 5 سال سے یاسر نواز ہر موقع پر ان کا ذکر کرتے رہے ہیں حالانکہ دونوں کے درمیان پراجیکٹ ختم ہو چکا ہے۔
یہ بھی پڑھیں: علیزے شاہ کا مزید کام کرنے سے انکار، سبب کیا نکلا؟
بیان میں انہوں نے مزید کہا کہ کبھی معافی کی پیشکش کی جاتی ہے اور کبھی یہ کہا جاتا ہے کہ تجربہ خوشگوار نہیں تھا مگر اس کا یہ مطلب نہیں کہ مسلسل ان کا نام لیا جائے۔ علیزے نے کہا کہ ہر پروگرام کے ریکارڈز اور رپورٹس موجود ہیں جن میں انہوں نے مجھے بدنام کیا ہے۔
اس کے ساتھ ہی اداکارہ نے واضح کیا کہ اگر یاسر نواز مستقبل میں کسی بھی پلیٹ فارم پر دوبارہ ان کا نام لیں تو بلا تاخیر بدنامی کا قانونی اقدام اٹھایا جائے گا۔ مزید یہ کہ اگر یہ رویہ جاری رہا تو اصل وجوہات بھی سامنے لاؤں گی کہ وہ میرے ساتھ کام کیوں نہیں کرنا چاہتے، جو یاسر نواز کی ساکھ پر منفی اثر ڈال سکتی ہیں۔
واضح رہے کہ یاسر نواز نے جون 2021 میں ایکسپریس ٹی وی پر احسن خان کے شو میں اہلیہ ندا یاسر کے ہمراہ شرکت کی تھی، جہاں انہوں نے علیزے شاہ کے ساتھ کام کرنے کے تجربے کو بھیانک قرار دیتے ہوئے کہا تھا کہ وہ ان کے ساتھ کام کرکے پچھتا رہے ہیں۔
یہ بھی پڑھیں: اداکارہ منسا ملک مجھے جان سے مارنے کی دھمکیاں دے رہی ہیں، علیزے شاہ کا الزام
ان کی اہلیہ ندا یاسر نے بھی پروگرام میں بتایا تھا کہ ان کے شوہر علیزے شاہ کے ساتھ کام کرکے پچھتا رہے ہیں اور اداکارہ نے ان کے میاں کے ساتھ غلط کیا۔
بعد ازاں یاسر نواز نے علیزے شاہ سے پرانے بیان پر معافی مانگتے ہوئے ان کے ساتھ دوبارہ کام کرنے کی خواہش کا اظہار کیا تھا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
علیزے شاہ علیزے شاہ وارننگ مارننگ شو ندا یاسر یاسر نواز.
ذریعہ
ذریعہ: WE News
کلیدی لفظ: علیزے شاہ علیزے شاہ وارننگ ندا یاسر یاسر نواز یاسر نواز علیزے شاہ انہوں نے ساتھ کام کے ساتھ
پڑھیں:
مریم نواز کا اربن فلڈنگ اور سیلاب سے نمٹنے کے لیے وسائل بروئے کار لانے کا حکم
وزیر اعلیٰ پنجاب مریم نواز نے اربن فلڈنگ اور سیلاب سے نمٹنے کے لیے انسانی و مکینل وسائل بروئے کار لانے کا حکم دے دیا ہے۔ وزیر اعلیٰ پنجاب مریم نواز کا کہنا ہے کہ دریاؤں، ڈیموں اور بیراج پر نہانے پر پابندی یقینی بنائی جائے اور دریاؤں، ڈیموں اور بیراج کی ڈرون سے مانیٹرنگ کی جائے۔انہوں نے کہا کہ عوام کو بارش اور فلڈ سے آگاہ کرنے کے لیے مساجد اور میڈیا پر اعلانات کیے جائیں۔کرنٹ لگنے سے ہلاکتوں پر مریم نواز نے لیسکو اور دیگر بجلی تقسیم کار کمپنیوں کو نوٹس لینے کا حکم دیتے ہوئے کہا کہ بجلی تقسیم کار کمپنیوں کی غفلت کی وجہ سے لوگ جان سے ہاتھ دھو رہے ہیں۔انہوں نے کہا کہ کھمبوں پر بجلی کے بے ہنگم لٹکتے تار انسانی جانوں کے لیے خطرہ بن چکے ہیں۔ وزیر اعلیٰ نے واسا کمپلینٹ ہیلپ لائن پر فوری ایکشن کا ریکارڈ مرتب کرنے کی ہدایت کی۔مریم نواز نے مون سون کے دوران ہر کنسٹرکشن سائٹ کو باقاعدہ محفوظ بنانے کی ہدایت دی اور کہا کہ انتظامیہ خستہ حال عمارتوں کا جائزہ لے کر رضاکارانہ طور پر خالی کروائے۔
بھارت سے جنگ اور افغانستان میں کارروائی خارج ازامکان نہیں، وزیردفاع