لاکھوں ویوز کے باوجود بڑا نقصان، مبشر صدیق نے لوگوں کو لائیو آمدنی دکھا کر حیران کردیا
اشاعت کی تاریخ: 13th, January 2026 GMT
پنجاب کے چھوٹے گاؤں شاہ پور سے تعلق رکھنے والے معروف پاکستانی یوٹیوبر اور شیف مبشر صدیق نے اپنی حالیہ ویڈیو کے ذریعے حاصل ہونے والی کمائی کے بارے میں تفصیلات شیئر کیں جس نے سوشل میڈیا صارفین کو حیران کر دیا۔
مبشر صدیق کی حالیہ ویڈیو جس میں انہوں نے اونٹ روسٹ بنایا اس پر لاکھوں ویوز آئے لیکن اس پر آنے والے تبصروں اور سوالات کے جواب میں یوٹیوبر نے بتایا کہ ویڈیو سے انہیں مالی نقصان ہوا۔
انہوں نے وضاحت کرتے ہوئے کہا کہ ویڈیو کی تیاری پر تقریباً ساڑھے 3 لاکھ روپے خرچ ہوئے جبکہ ویڈیو کی کمائی مختلف پلیٹ فارمز سے محدود رہی۔
مبشر صدیق کے مطابق ان کے ٹک ٹاک اور انسٹاگرام اکاؤنٹس مونیٹائزڈ نہیں ہیں، لہٰذا صرف فیس بک اور یوٹیوب سے ہی آمدنی ہوتی ہے۔ انسٹاگرام پر 13 ملین ویوز اور ٹک ٹاک پر 8 ملین ویوز کے باوجود کوئی آمدنی نہیں ہوئی۔
یہ بھی پڑھیں: معروف یوٹیوبر مبشر صدیق کو سماجی تجربہ مہنگا پڑ گیا، کتنا نقصان اٹھانا پڑا؟
فیس بک سے اونٹ روسٹ کی ویڈیو پر 543 ڈالر اور یوٹیوب سے صرف 59 ڈالر حاصل ہوئے، جس سے مجموعی کمائی 602 ڈالر بنتی ہے، یعنی تقریباً 1,70,000 پاکستانی روپے۔ جبکہ ویڈیو کی کل لاگت ساڑھے 3 لاکھ روپے رہی، جس سے واضح ہوتا ہے کہ اس ویڈیو پر مالی نقصان ہوا۔
مبشر صدیق نے مزید کہا کہ بعض ویڈیوز اپنی لاگت بھی پورا نہیں کر پاتیں، جبکہ کچھ ویڈیوز پر اچھی خاصی کمائی ہوتی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اونٹ روسٹ مبشر صدیق مبشر صدیق ویڈیو یوٹیوب آمدن.
ذریعہ
ذریعہ: WE News
کلیدی لفظ: اونٹ روسٹ مبشر صدیق ویڈیو یوٹیوب ا مدن
پڑھیں:
ایلون مسک نے ’اوڈیسی‘ کا اے آئی ورژن اسی سال پیش کرنے کا اعلان کردیا
ارب پتی ٹیکنالوجی کاروباری شخصیت ایلون مسک نے اعلان کیا ہے کہ ان کا مصنوعی ذہانت پر مبنی پلیٹ فارم گروک امیجن (Grok Imagine) رواں سال کے اختتام سے پہلے قدیم یونانی رزمیہ شاہکار اوڈیسی پر مبنی ایک مکمل فلم تیار کرے گا۔ مسک کا کہنا ہے کہ یہ فلم شاعر ہومر کی اصل تخلیق کے مطابق ہوگی اور تاریخی اعتبار سے بھی زیادہ درست انداز میں پیش کی جائے گی۔
ایلون مسک نے سماجی رابطے کی ویب سائٹ ایکس پر اپنی پوسٹ میں دعویٰ کیا کہ اے آئی کے ذریعے بنائی جانے والی یہ فلم ہومر کے اصل فن اور کہانی کی حقیقی روح کی عکاسی کرے گی۔ انہوں نے اس اعلان کے ساتھ تقریباً تین منٹ طویل ایک اے آئی ویڈیو بھی شیئر کی، جس میں اوڈیسیئس اور کلیپسو کے درمیان ایک منظر دکھایا گیا ہے۔
Before this year ends, Grok Imagine will make a full-length movie of The Odyssey that is historically accurate and true to the art of Homer https://t.co/bVHzUmY9WN
— Elon Musk (@elonmusk) July 22, 2026اس سے قبل بھی ایلون مسک نے ایک صارف کی اس تجویز کی حمایت کی تھی کہ ہدایت کار میل گبسن تقریباً 100 ملین ڈالر کی لاگت سے اوڈیسی پر ایسی فلم بنائیں جس میں تاریخی طور پر درست جہاز، ہتھیار، زرہیں، کردار اور ہومر کی اصل نظم کے مکالمے شامل ہوں۔ اس تجویز پر مسک نے مختصر جواب دیتے ہوئے کہا تھا، ’میں تیار ہوں۔‘
دوسری جانب ایلون مسک حالیہ دنوں میں برطانوی نژاد امریکی فلم ساز کرسٹوفر نولن کی فلم اوڈیسی پر بھی سخت تنقید کرتے رہے ہیں۔ ان کا الزام ہے کہ نولن نے ایوارڈز حاصل کرنے کی غرض سے اصل داستان میں تبدیلیاں کیں۔ انہوں نے فلم کی کاسٹنگ پر بھی اعتراض اٹھایا، خاص طور پر اداکارہ لوپیٹا نیونگو کو ہیلن آف ٹرائے کے کردار میں لینے کے فیصلے کو تنقید کا نشانہ بنایا، جبکہ ایک موقع پر نولن کو ’نسل پرستانہ رویہ رکھنے والا‘ فلم ساز بھی قرار دیا۔
تاہم ایلون مسک کی تنقید کے باوجود کرسٹوفر نولن کی اوڈیسی نے باکس آفس پر شاندار آغاز کیا ہے۔ باکس آفس رپورٹس کے مطابق فلم نے ریلیز کے پہلے ہفتے میں دنیا بھر سے 264.06 ملین ڈالر سے زائد کا بزنس کیا، جس کے بعد اسے رواں برس کی نمایاں کامیاب فلموں میں شمار کیا جا رہا ہے۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی