پیپلز پارٹی کا حکومتی اتحاد میں رہنا ملکی مفاد میں ہے، راجا پرویز اشرف نے اختلافات کی خبریں رد کردیں
اشاعت کی تاریخ: 13th, January 2026 GMT
سابق وزیراعظم اور پاکستان پیپلز پارٹی کے سینیئر رہنما راجا پرویز اشرف نے کہا ہے کہ موجودہ حکومتی اتحاد میں پیپلز پارٹی کا رہنا ملکی مفاد کے عین مطابق ہے۔
مزید پڑھیں: پیپلزپارٹی کا احتجاج: حکومت نے اسپیشل اکنامک زونز ترمیمی آرڈیننس واپس لے لیا
اسلام آباد میں پیپلز پارٹی کی پارلیمانی پارٹی کے اجلاس کے بعد میڈیا سے گفتگو کرتے ہوئے انہوں نے بتایا کہ حکومت نے آرڈیننس سے متعلق پیپلز پارٹی کے واک آؤٹ کو سنجیدگی سے لیا، جو ایک مثبت پیشرفت ہے۔
راجا پرویز اشرف کا کہنا تھا کہ حکمران اتحاد کے اندر مکمل ہم آہنگی پائی جاتی ہے اور یہی یکجہتی پاکستان کے لیے فائدہ مند ہے۔
انہوں نے ایک بار پھر واضح کیاکہ پیپلز پارٹی کا اتحاد میں شامل رہنا قومی مفاد کے تحت ہے۔
انہوں نے زور دیا کہ پی ٹی آئی سمیت تمام سیاسی جماعتوں کو ذاتی یا جماعتی مفادات کے بجائے ملکی مفاد کو ترجیح دینی چاہیے۔
قومی اسمبلی میں قائدِ حزب اختلاف کی تقرری سے متعلق سوال پر انہوں نے کہا کہ یہ معاملہ جلد حل ہو جائے گا اور پیپلز پارٹی اس عہدے کی خواہاں نہیں۔
سابق وزیراعظم نے وزیراعظم کی جانب سے کابینہ اراکین کو اجلاس میں شرکت یقینی بنانے کی ہدایت کو درست قرار دیتے ہوئے کہا کہ کابینہ اجلاس نہایت اہم ہوتے ہیں اور ہر رکن کی موجودگی ضروری ہے۔
مزید پڑھیں: صدر مملکت نے اسلام آباد لوکل گورنمنٹ ترمیمی آرڈیننس پر دستخط کردیے، گزٹ نوٹیفکیشن بھی جاری
واضح رہے کہ گزشتہ روز صدر مملکت کے دستخطوں کے بغیر ایک آرڈیننس جاری ہونے پر پیپلزپارٹی نے شدید احتجاج کیا اور قومی اسمبلی سے بھی واک آؤٹ کردیا تھا جس کے بعد وزیراعظم نے آرڈیننس واپس لے لیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اختلافات پیپلز پارٹی خبریں مسترد راجا پرویز اشرف مسلم لیگ ن وی نیوز.
ذریعہ
ذریعہ: WE News
کلیدی لفظ: اختلافات پیپلز پارٹی راجا پرویز اشرف مسلم لیگ ن وی نیوز راجا پرویز اشرف پیپلز پارٹی انہوں نے ا رڈیننس پارٹی کا
پڑھیں:
شہباز شریف سمیت حکومتی شخصیات کو 21 تحائف ملے، توشہ خانہ کا ریکارڈ جاری
فوٹو: فائلوزیراعظم اور نائب وزیراعظم سمیت مختلف اعلیٰ حکومتی شخصیات کو 21 قیمتی تحائف ملے، کابینہ ڈویژن نے اپریل تا جون توشہ خانہ کا ریکارڈ جاری کردیا۔
کابینہ ڈویژن کے مطابق وزیراعظم اور نائب وزیراعظم توشہ خانہ تحائف وصول کرنے والوں میں شامل ہیں۔ وزیراعظم شہباز شریف کو ایک شوگر باؤل، قیمتی قلم، مسجد نبویﷺ کا ماڈل، شیلڈ اور ٹائی بطور تحفہ ملی۔
دستاویز کے مطابق وزیراعظم کو چینی خلائی اسٹیشن کا ماڈل، ایک کپ، گھڑی اور شیلڈ بھی بطور تحفہ ملی۔
دستاویز کے مطابق نائب وزیراعظم کو چمڑے سے بنا چینی بیلٹ، مصری اسٹیچو کا ماڈل اور کف لنکس بطور تحفہ ملے۔
دونوں اعلیٰ ترین حکومتی شخصیات نے حاصل ہونے والے تحائف توشہ خانہ میں جمع کرا دیے۔ کابینہ ڈویژن کے مطابق وزیراعظم اور نائب وزیراعظم کو ملنے والے تحائف کی قیمتوں کا تخمینہ لگایا جا رہا ہے۔
بھارت سے جنگ اور افغانستان میں کارروائی خارج ازامکان نہیں، وزیردفاع