گرفتار بی این پی رہنما کی ہلاکت پر فوجی سربراہ سے مداخلت کا مطالبہ
اشاعت کی تاریخ: 13th, January 2026 GMT
بنگلہ دیش کی مرکزی اپوزیشن جماعت بنگلہ دیش نیشنلسٹ پارٹی (بی این پی) نے جنوبی مغربی بنگلہ دیش میں فوجی کارروائی کے دوران گرفتار ہونے والے مقامی پارٹی رہنما کی ہلاکت کے بعد فوجی چیف سے مداخلت کا مطالبہ کیا ہے۔
یہ بھی پڑھیں: بنگلہ دیش میں شخصی حکمرانی روکنے کے لیے ایوان بالا قائم کرنے کی تجویز پیش
منگل کو جاری کردہ بیان میں بی این پی کے سیکریٹری جنرل مرزا فخرالاسلام عالمگیر نے واقعے کی شدید مذمت کی اور انصاف کے لیے ایک شفاف اور غیرجانبدارانہ تحقیقات کا مطالبہ کیا۔
بی این پی کے مطابق شمس الزماں ڈبلو، جو چوآڈانگا کے جیبن نگر میونسپل یونٹ کے جنرل سیکریٹری تھے، پیر کی رات ایک فوجی کارروائی کے دوران گرفتار کیے گئے۔ بعد ازاں انہیں مقامی ہیلتھ کمپلیکس منتقل کیا گیا جہاں ڈاکٹروں نے انہیں مردہ قرار دیا۔
پارٹی کا الزام ہے کہ شمس الزماں کو سیکیورٹی فورسز کے اہلکاروں نے غیر قانونی ہتھیاروں کی بازیابی کے بہانے گرفتار کرنے کے بعد تشدد کا نشانہ بنایا جس کے نتیجے میں ان کی ہلاکت ہوئی۔
مرزا فخرالاسلام نے واقعے کو شدید تشویشناک قرار دیتے ہوئے کہا کہ سیکیورٹی اہلکاروں کی یہ کارروائی ملک کے لیے نقصان دہ ہے اور قانون کی حکمرانی کی سنگین خلاف ورزی ہے۔
پارٹی نے اس ہلاکت کو غیر قانونی قتل قرار دیتے ہوئے کہا کہ کسی بھی جرم پر خواہ اس کی نوعیت کچھ بھی ہوعدالتی کارروائی کے بغیر سزا دینے کا جواز نہیں بن سکتا۔
فخرالاسلام نے فوجی چیف سے اپیل کی کہ وہ اس المناک اور وحشتناک واقعے میں مداخلت کریں اور ادارہ جاتی ذمہ داری کے تحت انصاف کو یقینی بنایا جائے۔
مزید پڑھیے: جماعتِ اسلامی بنگلہ دیش کا معتبر اور شفاف انتخابات پر زور
بی این پی کے بیان کے بعد، انٹر سروسز پبلک ریلیشنز (آئی ایس پی آر) نے ایک علیحدہ پریس ریلیز میں کہا کہ گرفتار شدہ رہنما اچانک گر کر بے ہوش ہوگئے تھے جس پر انہیں فوری طور پر جیبن نگر اپزیلا ہیلتھ کمپلیکس منتقل کیا گیا جہاں انہیں تقریباً 12:25 بجے مردہ قرار دیا گیا۔
آئی ایس پی آر نے مزید کہا کہ کارروائی میں شامل تمام فوجی، بشمول مقامی کیمپ کمانڈر، عارضی طور پر واپس بلا لیے گئے ہیں اور واقعے کی تحقیقات کے لیے ایک کمیٹی تشکیل دی گئی ہے۔
اطلاعات کے مطابق شمس الزماں کو ان کی فارمیسی سے گرفتار کیا گیا تھا۔ ان کے انتقال کی خبر پھیلتے ہی بی این پی کے رہنماؤں اور کارکنوں نے رات گئے احتجاج کیا، اسپتال کے نزدیک سڑکیں بند کیں اور آگ بھی لگائی۔ مظاہرین نے اس کو قتل قرار دیا اور ذمہ داران کی سزا کا مطالبہ کیا۔
مزید پڑھیں: بنگلہ دیش کی سخت شرائط کے تحت غزہ بین الاقوامی فورس میں شمولیت پر آمادگی
یہ واقعہ بنگلہ دیش میں سیاسی کشیدگی کو مزید بڑھا رہا ہے جبکہ اپوزیشن جماعتیں فوجی تحقیقات کے نتائج پر کڑی نگاہ رکھے ہوئے ہیں اور مکمل شفافیت کا مطالبہ کر رہی ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بنگلہ دیش بنگلہ دیش نیشنلسٹ پارٹی بی این پی رہنما کی ہلاکت.
ذریعہ
ذریعہ: WE News
کلیدی لفظ: بنگلہ دیش بنگلہ دیش نیشنلسٹ پارٹی بی این پی رہنما کی ہلاکت بی این پی کے بنگلہ دیش کا مطالبہ کی ہلاکت کے لیے کہا کہ
پڑھیں:
پاکستان کا بنگلہ دیش کے ساتھ تعلیمی تعاون بڑھانے کا عزم، ڈھاکہ یونیورسٹی کے شعبہ اردو میں کمپیوٹر لیب قائم
پاکستان نے بنگلہ دیش کے ساتھ تعلیمی اور علمی تعاون کو مزید مضبوط بنانے کے عزم کا اعادہ کرتے ہوئے ڈھاکہ یونیورسٹی کے شعبہ اردو کو نئے کمپیوٹر عطیہ کر دیے، جبکہ پاکستانی ہائی کمیشن کے تعاون سے قائم جدید کمپیوٹر لیبارٹری اور تزئین و آرائش شدہ کلاس رومز کا بھی افتتاح کر دیا گیا۔
تقریب میں بنگلہ دیش میں پاکستان کے ہائی کمشنر عمران حیدر اور ڈھاکہ یونیورسٹی کے وائس چانسلر پروفیسر ڈاکٹر اے بی ایم عبیدالاسلام نے مشترکہ طور پر کمپیوٹر لیب کا افتتاح کیا۔ اس موقع پر دونوں رہنماؤں نے تعلیم، تحقیق، ثقافتی روابط اور انسانی وسائل کی ترقی کے شعبوں میں تعاون کو مزید وسعت دینے پر اتفاق کیا۔
ہائی کمشنر عمران حیدر نے افتتاحی تقریب سے خطاب کرتے ہوئے کہا کہ کمپیوٹر لیب کا قیام صرف نئی سہولیات کی فراہمی نہیں بلکہ پاکستان اور بنگلہ دیش کے درمیان تعلیم، ثقافتی ہم آہنگی اور نئی نسل کے روشن مستقبل کے لیے مشترکہ عزم کی علامت ہے۔ انہوں نے امید ظاہر کی کہ جدید لیبارٹری طلبہ اور اساتذہ کی صلاحیتوں میں اضافے، تحقیق کے فروغ اور معیاری تعلیم کے حصول میں اہم کردار ادا کرے گی۔
انہوں نے کہا کہ تعلیم باہمی اعتماد، تعاون اور عوامی روابط کو فروغ دینے کا مؤثر ذریعہ ہے، اسی مقصد کے تحت پاکستانی ہائی کمیشن مختلف تعلیمی اور علمی تعاون کے منصوبوں پر کام کر رہا ہے۔ ان کے مطابق دونوں ممالک کی جامعات کے درمیان مشترکہ تحقیقی منصوبوں، اساتذہ اور طلبہ کے تبادلہ پروگرام، سمسٹر ایکسچینج، مشترکہ ڈگری پروگرامز اور قلیل مدتی تربیتی کورسز شروع کرنے کے وسیع امکانات موجود ہیں۔
اس سے قبل ہائی کمشنر عمران حیدر نے وائس چانسلر پروفیسر ڈاکٹر اے بی ایم عبیدالاسلام سے ملاقات کی، جس میں ڈھاکہ یونیورسٹی اور پاکستان کی مختلف جامعات کے درمیان تعلیمی روابط بڑھانے اور مشترکہ تحقیقی سرگرمیوں کو فروغ دینے پر تبادلہ خیال کیا گیا۔
یہ بھی پڑھیں:بنگلہ دیش میں طارق رحمان کی وزراتِ عظمیٰ: پاک بنگلہ دیش تعلقات میں تاریخی پیشرفت کے مواقع
وائس چانسلر نے پاکستانی ہائی کمیشن کی جانب سے شعبہ اردو کی ترقی کے لیے فراہم کیے گئے تعاون پر شکریہ ادا کرتے ہوئے کہا کہ 1921 میں قائم ہونے والا شعبہ اردو یونیورسٹی کے قدیم اور ممتاز شعبوں میں شمار ہوتا ہے، جہاں اس وقت بی ایس (آنرز)، ماسٹرز، ایم فل اور پی ایچ ڈی کی سطح پر تعلیم دی جا رہی ہے۔ انہوں نے امید ظاہر کی کہ پاکستان کا تعاون مستقبل میں بھی جاری رہے گا، جس سے دونوں ممالک کے درمیان تاریخی، ثقافتی اور تعلیمی تعلقات مزید مستحکم ہوں گے۔
تقریب میں فیکلٹی آف آرٹس کے ڈین پروفیسر ڈاکٹر محمد ابوالکلام سرکار، شعبہ اردو کے چیئرمین ایسوسی ایٹ پروفیسر محمد غلام مولا، پروفیسر ڈاکٹر محمد غلام ربانی، پاکستانی ہائی کمیشن کے ڈپٹی ہائی کمشنر محمد واصف سمیت اساتذہ، طلبہ اور دونوں ممالک کے حکام نے بھی شرکت کی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاک بنگلہ دیش پاکستان پروفیسر ڈاکٹر محمد ابوالکلام سرکار ڈھاکہ یونیورسٹی کمپیوٹر لیب
ٹی20 ورلڈ کپ 2026: پاکستان نے سپر 8 کے لیے جگہ پکی کر لی