آئی سی سی انڈر 19 ورلڈ کپ جیتنا مشن ہے، سمیر منہاس
اشاعت کی تاریخ: 13th, January 2026 GMT
پاکستان کے باصلاحیت نوجوان بلے باز سمیر منہاس نے آئی سی سی انڈر 19 ورلڈ کپ جیتنے کو اپنا مشن قرار دے دیا۔
انڈر 19 ایشیا کپ اور زمبابوے کے خلاف سیریز میں شاندار بیٹنگ کرتے ہوئے ریکارڈز پر ریکارڈ قائم کرنے والے سمیر منہاس کا کہنا ہے کہ وہ 15 جنوری سے شروع ہونے والے آئی سی سی انڈر 19 ورلڈ کپ میں پاکستان کو چیمپئن بنانے کے لیے پُرعزم ہیں۔
سمیر منہاس نے اپنے کرکٹ سفر کے حوالے سے بتایا کہ ان کی بنیاد اسٹریٹ کرکٹ سے پڑی جہاں سے انہوں نے کھیل کی بنیادی مہارتیں سیکھیں۔ نوجوان بیٹر کا کہنا تھا کہ ان کے والد اور بھائی نے کرکٹ کھیلنے کے لیے بھرپور سپورٹ فراہم کی، جس کی بدولت وہ آج اس مقام تک پہنچنے میں کامیاب ہوئے۔
ان کا مزید کہنا تھا کہ کسی بھی بڑی کامیابی کے پیچھے ٹیم کا اتحاد سب سے اہم ہوتا ہے، اور خوش آئند بات یہ ہے کہ پاکستان انڈر 19 ٹیم مکمل طور پر متحد ہے اور ورلڈ کپ کے لیے پُرعزم نظر آتی ہے۔
مزید پڑھیںانڈر 19 کرکٹر سمیر منہاس نے تیز ترین سنچری بنالی، بھارت کا عالمی ریکارڈ چکناچور
چھکے چوکوں کی برسات؛ سمیر منہاس نے بھارت کیخلاف میچ میں تاریخ رقم کردی
واضح رہے کہ سمیر منہاس نے انڈر 13 کی سطح سے اپنے کرکٹ کیریئر کا آغاز کیا۔ نیشنل انڈر 19 کپ میں 400 سے زائد رنز اسکور کرنا ان کی پہچان بن گیا، جس کے باعث وہ مسلسل سلیکٹرز کی نظروں میں رہے۔
ان کی شاندار کارکردگی کا صلہ انہیں گزشتہ برس دسمبر میں ہونے والے انڈر 19 ایشیا کپ کے اسکواڈ میں شمولیت کی صورت میں ملا، جہاں انہوں نے اپنی صلاحیتوں کا بھرپور مظاہرہ کیا۔ سمیر منہاس نے فائنل میں روایتی حریف بھارت کے خلاف یادگار اننگز کھیلتے ہوئے پاکستان کو ٹرافی دلانے میں کلیدی کردار ادا کیا۔
نوجوان بلے باز نے نہ صرف انڈر 19 ایشیا کپ میں ناقابلِ فراموش سنچری اسکور کی، بلکہ تین ملکی ون ڈے سیریز کے فائنل میں تیز ترین سنچری بنانے کا ریکارڈ بھی اپنے نام کیا، جس کے بعد وہ پاکستان انڈر 19 کرکٹ کی ایک ابھرتی ہوئی امید بن کر سامنے آئے ہیں۔
.
ذریعہ
ذریعہ: Express News
کلیدی لفظ: سمیر منہاس نے ورلڈ کپ
پڑھیں:
مون سون کا طاقتورسپیل ، جھل تھل ایک ہوگیا،2 وکلاء کے چیمبر گرگئے
لاہور سمیت ملک کے مختلف علاقوں میں ہونےوالی مون سون کی بارش نے جل تھل ایک کردیا۔لاہور میں مون سون کا سپیل زور شور سے جاری ہے اورعلی الصبح سے ہونے والی موسلا دھار بارش سے نشیبی علاقے زیرآب آگئے ہیں۔واسا لاہور کی جانب سے اب تک ہونے والی بارش کا ریکارڈ جاری کردیاگیاہے جس کے مطابق جیل روڈمیں 28.5، ایئرپورٹ میں 263، ہیڈ آفس گلبرگ میں 52، لکشمی چوک میں 25، اپر مال کے علاقے میں 114.4، مغلپورہ میں 129، تاجپورہ میں 155، نشتر ٹاؤن میں 56.4، چوک ناخدا میں 62، پانی والا تالاب میں 27.2، فرخ آباد میں 23.4، گلشن راوی میں 18، اقبال ٹاؤن میں 54.2، سمن آبادمیں 32، جوہر ٹاؤن میں 81، ڈیفنس روڈ میں 45، شادی پورہ میں 132.4 ، سگیاں میں 22.2اور مناواں میں 106 ملی میٹر بارش ریکارڈ کی گئی،سب سے زیادہ 263 ملی میٹر بارش ائیر پورٹ پر ریکارڈ کی گئی ہے ۔لاہور میں ہونےوالی موسلادھار بارش سےسیشن کورٹ میں سینئر قانون دان پیر مسعود چشتی سمیت2 وکلاء کے چیمبر گرگئے،پیر مسعود چشتی کا چیمبر کافی عرصے سے خالی پڑاتھا،چیمبر کی چھت بارش کے پانی کا بوجھ برداشت نہ کر سکی اورگرگئی،شدید بارش کی وجہ سے ماتحت عدالتوں میں سائلین نہ پہنچ سکے۔ دوسری طرف آئی جی پنجاب نے پولیس کو حادثات اور ناگہانی صورتحال میں امدادی سرگرمیوں میں شرکت کی ہدایت کرتے ہوئے کہاہے کہ پولیس افسران اور اہلکار بارش سے متاثرہ علاقوں میں انتہائی مستعد ہو کر ڈیوٹی انجام دیں،سپروائزری پولیس افسران بارش زدہ علاقوں میں امدادی سرگرمیاں خود مانیٹر کریں، بارش کے مزید امکانات کے پیش نظر پولیس افسران اور اہلکار الرٹ رہیں،کسی بھی ہنگامی صورتحال میں فوری ریسپانڈ کریں۔ملک کے دوسرے حصوں کی طرح ضلع خیبر کے باڑہ اور جمرود کے علاؤہ وادی تیراہ کے پہاڑوں پر بھی ہونے والی بارش سے موسم خوشگوارہوگیا لیکن ندی نالوں میں طغیانی اور دریائے باڑہ میں درمیانے درجے کا سیلاب ہے ،جولائی کے مہینے میں دسمبر جیسے سردی محسوس کی جارہی ہے،پہاڑی علاقوں میں بارش سے ندی نالوں میں طغیانی آگئی ہے،ضلعی انتظامیہ اور ریسکیو کی جانب سے حفاظتی انتظامات مکمل کرلئے گئے ہیں جبکہ ندی نالوں کے قریب جانے پر پابندی کی خلاف ورزی پر دوافرادکو گرفتار بھی کرلیاگیاہے۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی