بلتستان کے مسائل کے حل کیلئے مشترکہ کوششیں کرینگے، نگران وزراء
اشاعت کی تاریخ: 13th, January 2026 GMT
صوبائی نگران وزراء ڈاکٹر نیاز علی اور غلام عباس نے کہا ہے کہ بلتستان کے مسائل کے حل کیلئے بلتستان کے چاروں وزراء ایک ہی پیج پر ہونگے، ہم سب یہاں کے مسائل کے حل کیلئے کوششیں کریں گے، مشترکہ کوششوں کے ذریعے سے ہی مسائل کا پائیدار اور موثر حل نکالا جا سکتا ہے۔ اسلام ٹائمز۔ صوبائی نگران وزراء ڈاکٹر نیاز علی اور غلام عباس نے کہا ہے کہ بلتستان کے مسائل کے حل کیلئے بلتستان کے چاروں وزراء ایک ہی پیج پر ہونگے، ہم سب یہاں کے مسائل کے حل کیلئے کوششیں کریں گے، مشترکہ کوششوں کے ذریعے سے ہی مسائل کا پائیدار اور موثر حل نکالا جا سکتا ہے۔ مشترکہ کوششوں کے فقدان کے سبب مسائل سنگین ہوتے جا رہے ہیں، انشاء اللہ ہم ایک ٹیم کی شکل میں یہاں کے عوام کی مشکلات دور کریں گے۔ ان خیالات کا اظہار انہوں نے ریجنل ہیڈکوارٹر ہسپتال سکردو کے دورے کے موقع پر گفتگو کرتے ہوئے کیا۔ دورے کے موقع پر آر ایچ کیو ہسپتال سکردو کے میڈیکل سپرنٹینڈنٹ ڈاکٹر آصف رضا نے ہسپتال کے امور اور مسائل سے متعلق وزراء کو بریفنگ دی۔ وزراء کی آر ایچ کیو آمد کے موقع پر ڈسٹرکٹ ہیلتھ آفیسر ڈاکٹر کرامت رضا اور دیگر ڈاکٹرز بھی موجود تھے۔ صوبائی وزراء ڈاکٹر نیاز علی اور غلام عباس نے کہا کہ آر ایچ کیو ہسپتال سکردو پر پورے بلتستان کا بوجھ ہے، اس کے مسائل کا ادراک ہے، ہسپتال کے بجٹ میں اضافے کی بھی سفارش کریں گے۔ وزیراعلی سے آر ایچ کیو ہسپتال کے مسائل سے متعلق بات کریں گے۔
.
ذریعہ
ذریعہ: Islam Times
کلیدی لفظ: کے مسائل کے حل کیلئے بلتستان کے کریں گے ایچ کیو
پڑھیں:
گلگت بلتستان انتخابات کیلئے سیکیورٹی ہائی الرٹ، 13 ہزار سے زائد اہلکار تعینات کرنے کا فیصلہ
اویس کیانی: گلگت بلتستان میں ہونے والے انتخابات کے پرامن انعقاد کو یقینی بنانے کیلئے وفاقی حکومت نے جامع سیکیورٹی پلان کی منظوری دے دی ہے، جس کے تحت مختلف سیکیورٹی اداروں کے ہزاروں اہلکار تعینات کیے جائیں گے۔
ذرائع کے مطابق انتخابی عمل کے دوران امن و امان برقرار رکھنے کیلئے پاک فوج، سول آرمڈ فورسز، پنجاب پولیس، اسلام آباد پولیس، پنجاب رینجرز، فرنٹیئر کور (ایف سی) اور جی بی اسکاؤٹس کے اہلکار فرائض سرانجام دیں گے۔
پاکستان آسٹریلیا دوسرا ون ڈے، قذافی اسٹیڈیم میں سیکیورٹی و ٹریفک انتظامات مکمل
حکومتی منظوری کے بعد پاک فوج اور سول آرمڈ فورسز کی تعیناتی آئین کے آرٹیکل 220 اور انسداد دہشت گردی ایکٹ 1997 کے تحت عمل میں لائی جائے گی۔
سیکیورٹی پلان کے تحت پاک فوج کے 985 جوان، پنجاب پولیس کے 6 ہزار اہلکار، اسلام آباد پولیس کے 1500 اہلکار، پنجاب رینجرز کے 2 ہزار جوان، ایف سی کے ایک ہزار اہلکار جبکہ جی بی اسکاؤٹس کے 1500 اہلکار انتخابی ڈیوٹی انجام دیں گے۔
غیر ملکی خاتون کے مبینہ اغوا کیس میں نیا موڑ، پولیس تفتیش میں اہم انکشافات
ذرائع کا کہنا ہے کہ حساس پولنگ اسٹیشنز اور اہم مقامات پر خصوصی سیکیورٹی انتظامات کیے جائیں گے تاکہ ووٹرز محفوظ ماحول میں اپنا حق رائے دہی استعمال کر سکیں۔
وزارت آئی ٹی نے 1.67 ارب روپے سے زاید کے فنڈز طلب کرلیے