صوبائی وزیر اطلاعات غلام عباس کی انجمن امامیہ بلتستان کے ذمہ داروں سے ملاقات
اشاعت کی تاریخ: 13th, January 2026 GMT
ملاقات میں خطے کی مجموعی امن و امان کی صورتحال، تعمیر و ترقی، بجلی، تعلیم، آئینی حقوق اور آئندہ انتخابات سے متعلق امور پر تفصیلی تبادلہ خیال کیا گیا۔ اسلام ٹائمز۔ سکردو میں صوبائی وزیر اطلاعات و نشریات غلام عباس نے انجمن امامیہ بلتستان کے صدر آغا سید باقر الحسینی، سابق صدر شیخ محمد علی مظفری، جنرل سیکریٹری محمد نذیر شگری اور دیگر عہدیداران و علمائے کرام سے ملاقات کی۔ ملاقات میں خطے کی مجموعی امن و امان کی صورتحال، تعمیر و ترقی، بجلی، تعلیم، آئینی حقوق اور آئندہ انتخابات سے متعلق امور پر تفصیلی تبادلہ خیال کیا گیا۔ اس موقع پر صوبائی وزیر غلام عباس نے وزیر اعلیٰ جسٹس (ر) یار محمد کی جانب سے انجمن امامیہ بلتستان کے رہنماؤں کے لیے نیک تمناؤں اور سلام کا پیغام پہنچایا۔ جواباً انجمن امامیہ کے صدر آغا سید باقر الحسینی اور دیگر علمائے کرام نے صوبائی وزیر سے درخواست کی کہ وہ وزیر اعلیٰ تک ان کا سلام بھی پہنچائیں۔ آغا سید باقر الحسینی نے کہا کہ یہ خوش آئند بات ہے کہ موجودہ وزیر اعلیٰ کا تعلق بھی ایک ایسے خطے سے ہے جو طویل عرصے سے حقوق سے محرومی کا شکار رہا ہے، اسی لیے وزیراعلیٰ کو عوامی محرومیوں کا بخوبی ادراک ہے۔ انہوں نے زور دیا کہ خطے میں بیلنس پالیسی کے بجائے انصاف کی بنیاد پر نظام چلنا چاہیے۔ ملاقات کے دوران سکردو میں جاری شدید لوڈشیڈنگ پر تشویش کا اظہار کرتے ہوئے کہا گیا کہ بجلی بحران کے حل کے لیے حکومت مؤثر کردار ادا کرے۔
انجمن امامیہ کے رہنماؤں نے نگراں حکومت کے لیے نیک خواہشات کا اظہار کرتے ہوئے مطالبہ کیا کہ صاف، شفاف اور غیر جانبدار انتخابات کا انعقاد یقینی بنایا جائے، کیونکہ عوام کی نظریں آئندہ انتخابات پر مرکوز ہیں۔ علمائے کرام نے تعلیمی شعبے کی ترقی، اساتذہ کے بروقت اور مناسب تبادلوں، اور تعلیمی سیشن کے آغاز پر غیر ضروری تبادلوں سے گریز پر زور دیا۔ سابق صدر انجمن امامیہ شیخ محمد علی مظفری نے کہا کہ خطہ مذہبی منافرت کا متحمل نہیں ہو سکتا اور آئینی حقوق کی فراہمی ہی تمام مسائل کا بنیادی حل ہے۔اجلاس میں فیالونگ واٹر ڈائیورژن پراجیکٹ کے تکمیلی مراحل میں داخل ہونے کو خوش آئند قرار دیا گیا۔ سوشل میڈیا پر مذہبی شخصیات کے خلاف توہین آمیز مواد اور فیک آئی ڈیز کے ذریعے امن خراب کرنے کے رجحان پر بھی تشویش کا اظہار کیا گیا اور مطالبہ کیا گیا کہ ایسے عناصر کے خلاف سخت کارروائی کی جائے۔ صوبائی وزیر اطلاعات غلام عباس نے انجمن امامیہ بلتستان کی جانب سے دی گئی تجاویز کو سراہتے ہوئے یقین دہانی کرائی کہ ان کی سفارشات وزیراعلیٰ تک پہنچائی جائیں گی۔
ذریعہ
ذریعہ: Islam Times
کلیدی لفظ: انجمن امامیہ بلتستان غلام عباس کیا گیا
پڑھیں:
آج کہاں کہاں بادل برسیں گے ،محکمہ موسمیات نے بڑی پیشگوئی کردی
ملک کے بیشتر علاقوں میں آج بھی مون سون بارشوں کا سلسلہ جاری رہنے کا امکان ہے، جبکہ محکمہ موسمیات نے کئی علاقوں میں موسلادھار بارش(Rain)، شہری سیلاب، لینڈ سلائیڈنگ، ندی نالوں میں طغیانی اور تیز آندھی کے باعث کمزور تعمیرات کو نقصان پہنچنے کا انتباہ جاری کر دیا ہے۔
محکمہ موسمیات کے مطابق آج خیبرپختونخوا، آزاد کشمیر، اسلام آباد، پنجاب، شمال مشرقی بلوچستان، جنوب مشرقی سندھ اور گلگت بلتستان میں تیز ہواؤں اور گرج چمک کے ساتھ بیشتر مقامات پر وقفے وقفے سے بارش متوقع ہے، جبکہ کئی علاقوں میں موسلادھار بارش بھی ہو سکتی ہے۔ ، جبکہ خیبرپختونخوا، پنجاب، سندھ، شمال مشرقی بلوچستان، کشمیر اور گلگت بلتستان میں بارشوں کا سلسلہ جاری رہنے کی پیش گوئی کی گئی ہے۔
محکمہ موسمیات نے خبردار کیا ہے کہ مسلسل اور شدید بارشوں کے باعث خیبرپختونخوا، گلگت بلتستان، مری، گلیات اور آزاد کشمیر کے پہاڑی علاقوں میں لینڈ سلائیڈنگ کا خطرہ موجود ہے، جبکہ کشمیر، مری، گلیات، شمال مشرقی پنجاب، اسلام آباد، خیبرپختونخوا، گلگت بلتستان، ڈیرہ غازی خان کے پہاڑی ندی نالوں اور شمال مشرقی بلوچستان کے برساتی نالوں میں طغیانی آ سکتی ہے۔
محکمہ کے مطابق گوجرانوالہ، لاہور، سیالکوٹ، اسلام آباد، راولپنڈی، پشاور، نوشہرہ، گجرات، ساہیوال، خانیوال، ملتان اور فیصل آباد کے نشیبی علاقوں میں شہری سیلاب اور پانی جمع ہونے کا خدشہ ہے، جبکہ تیز آندھی، موسلادھار بارش اور آسمانی بجلی کے باعث سولر پینلز، بجلی کے کھمبوں، بل بورڈز اور دیگر کمزور تعمیرات کو نقصان پہنچ سکتا ہے۔
اسلام آباد اور گردونواح میں مطلع جزوی ابر آلود رہنے کے ساتھ تیز ہواؤں، گرج چمک اور بارش کی پیش گوئی کی گئی ہے، جبکہ چند مقامات پر موسلادھار بارش کا بھی امکان ظاہر کیا گیا ہے۔
خیبرپختونخوا میں دیر، چترال، سوات، کوہستان، شانگلہ، بٹگرام، مانسہرہ، ایبٹ آباد، ہری پور، بونیر، مالاکنڈ، باجوڑ، مہمند، خیبر، اورکزئی، پشاور، مردان، نوشہرہ، چارسدہ، صوابی، کوہاٹ، کرم، ہنگو، کرک، لکی مروت، بنوں، ٹانک، ڈیرہ اسماعیل خان اور وزیرستان میں تیز ہواؤں اور گرج چمک کے ساتھ بارش جبکہ بعض علاقوں میں موسلادھار بارش متوقع ہے۔
مزیدپڑھیں:پیٹرولیم مصنوعات کی قیمتوں میں ایک بار پھر اضافہ، حکومت نے نوٹیفکیشن جاری کر دیا
پنجاب میں راولپنڈی، مری، گلیات، اٹک، چکوال، جہلم، منڈی بہاؤالدین، گجرات، گوجرانوالہ، حافظ آباد، وزیرآباد، لاہور، ننکانہ صاحب، قصور، اوکاڑہ، شیخوپورہ، سیالکوٹ، نارووال، فیصل آباد، خوشاب، سرگودھا، ساہیوال، جھنگ، ٹوبہ ٹیک سنگھ، چنیوٹ، نورپور تھل، بھکر، میانوالی، لیہ، بہاولپور، بہاولنگر، ڈیرہ غازی خان، تونسہ، ملتان، خانیوال، لودھراں، مظفرگڑھ، کوٹ ادو، رحیم یار خان اور راجن پور میں بارش کا امکان ہے، جبکہ خطہ پوٹھوہار اور شمال مشرقی و جنوبی پنجاب کے بعض علاقوں میں شدید بارش ہو سکتی ہے۔
سندھ میں تھرپارکر، مٹھی، اسلام کوٹ، نگرپارکر، سکھر، گھوٹکی، سانگھڑ، لاڑکانہ، جیکب آباد، حیدرآباد، شہید بینظیر آباد، جامشورو، شہدادکوٹ، ٹھٹھہ، بدین، میرپورخاص اور دادو میں تیز ہواؤں اور گرج چمک کے ساتھ بارش جبکہ بعض مقامات پر موسلادھار بارش کی پیش گوئی کی گئی ہے۔ دیگر ساحلی علاقوں میں ہلکی بارش یا بوندا باندی ہو سکتی ہے۔
بلوچستان میں ژوب، موسیٰ خیل، شیرانی، لورالائی، بارکھان، کوہلو، قلعہ عبداللہ، قلعہ سیف اللہ، پشین، چمن، کوئٹہ، زیارت، قلات، خضدار، آواران اور لسبیلہ سمیت مختلف علاقوں میں بارش اور چند مقامات پر شدید بارش کا امکان ظاہر کیا گیا ہے۔
آزاد کشمیر میں وقفے وقفے سے گرج چمک کے ساتھ بارش اور کئی علاقوں میں موسلادھار بارش جبکہ گلگت بلتستان میں بھی گرج چمک کے ساتھ بارش اور چند مقامات پر تیز بارش متوقع ہے۔
گزشتہ 24 گھنٹوں کے دوران پنجاب، اسلام آباد، خیبرپختونخوا، شمال مشرقی بلوچستان، گلگت بلتستان، آزاد کشمیر اور بالائی سندھ میں بارش ریکارڈ کی گئی۔ سب سے زیادہ بارش لاہور میں ہوئی، جہاں ایئرپورٹ پر 229 ملی میٹر، تاجپورہ میں 146، کاہنہ میں 135، شادی پورہ میں 124، مغل پورہ میں 122، اپر مال میں 107، مناواں میں 94 اور جوہر ٹاؤن میں 76 ملی میٹر بارش ریکارڈ کی گئی۔ نارووال میں 76، شیخوپورہ میں 66، سیالکوٹ شہر میں 42، گوجرانوالہ میں 36، مری میں 18، قصور میں 15 اور اسلام آباد کے سیدپور میں 20 ملی میٹر بارش ہوئی۔
خیبرپختونخوا میں مالم جبہ میں 28، پٹن میں 13، پاراچنار میں 12، تخت بھائی میں 10 ملی میٹر جبکہ بلوچستان کے بارکھان میں 22 ملی میٹر بارش ریکارڈ کی گئی۔ گلگت بلتستان میں بونجی میں 8، گلگت میں 6 اور کشمیر کے مظفرآباد ایئرپورٹ پر 7 ملی میٹر بارش ہوئی، جبکہ سندھ میں جیکب آباد میں 5 ملی میٹر بارش ریکارڈ کی گئی۔
محکمہ موسمیات کے مطابق بارشوں کے باعث ملک کے بیشتر علاقوں میں درجہ حرارت میں نمایاں کمی آئی ہے۔ آج ریکارڈ کیے گئے زیادہ سے زیادہ درجہ حرارت کے مطابق دالبندین میں 45 جبکہ تربت اور نوکنڈی میں 43 ڈگری سینٹی گریڈ درجہ حرارت ریکارڈ کیا گیا۔ اسلام آباد میں زیادہ سے زیادہ درجہ حرارت 31، لاہور 30، کراچی 36، پشاور 33، کوئٹہ 37، گلگت 29، مظفرآباد 31، مری 21، فیصل آباد 35 اور ملتان میں 36 ڈگری سینٹی گریڈ ریکارڈ کیا گیا۔
محکمہ موسمیات نے شہریوں کو ہدایت کی ہے کہ شدید بارشوں، لینڈ سلائیڈنگ، ندی نالوں میں طغیانی اور شہری سیلاب کے خدشات کے پیش نظر غیر ضروری سفر سے گریز کریں، مقامی انتظامیہ کی ہدایات پر عمل کریں اور خراب موسم کے دوران احتیاطی تدابیر اختیار کریں۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی