کراچی میں پولیس مقابلوں میں 1 ڈاکو ہلاک، دو زخمی
اشاعت کی تاریخ: 13th, January 2026 GMT
شہر کے مختلف علاقوں میں پولیس نے مبینہ مقابلوں کے دوران ایک ڈاکو ہلاک جبکہ ایک ڈاکو شدید زخمی حالت میں گرفتار کرلیا جبکہ فائرنگ کی زد میں آکر ایک راہگیر بھی زخمی ہوگیا۔
تفصیلات کے مطابق گڈاپ سٹی پولیس نے سپر ہائی وے سجاد ہوٹل کے قریب مبینہ مقابلے میں ایک ڈاکو ہلاک کر کے ساتھی کو زخمی حالت میں گرفتار کرلیا۔
گڈاپ پولیس کے مطابق ڈاکو شہریوں سے لوٹ مار کر کے فرار ہو رہے تھے کہ پولیس موقع پر پہنچ گئی جسے دیکھ ڈاکوؤں نے فائرنگ شروع کر دی تاہم پولیس نے تعاقب اور جوابی فائرنگ کے تبادلے میں ڈاکو ہلاک جبکہ دوسرے کو زخمی حالت میں گرفتار کرلیا۔
پولیس کے مطابق زخمی حالت میں گرفتار ڈاکو کی شناخت عمران کے نام سے ہوئی جبکہ ہلاک ڈاکو کی شناخت 24 سالہ عباس کے نام سے کی گئی۔ ڈاکوؤں کے قبضے سے 2 پستول ، گولیاں ، نقدی ، شہریوں سے چھینے گئے موبائل فونز اور موٹر سائیکل برآمد ہوئی ہے۔
مزید پڑھیںکراچی میں پولیس مقابلوں میں 1 ڈاکو ہلاک، دو زخمی
کراچی کے مختلف علاقوں میں پولیس مقابلے، دو ڈاکو زخمی حالت میں گرفتار
کراچی: مختلف مبینہ پولیس مقابلوں میں 3 زخمی سمیت 4 ڈاکو گرفتار
پولیس نے ہلاک ڈاکو کی لاش اور زخمی ڈاکو کو اسپتال منتقل کر دیا جبکہ پولیس ان کا کرمنل ریکارڈ بھی چیک کیا جارہا ہے۔
دریں اثنا جمشید کوارٹر پولیس نے جہانگیر روڈ کٹ کے قریب مبینہ مقابلے کے دوران ایک مبینہ ڈاکو شدید زخمی حالت میں گرفتار کرلیا۔ پولیس اور ڈاکوؤں کے درمیان فائرنگ کے تبادلے میں راہگیر 45 سالہ شاہ نواز بھی زخمی ہوگیا جسے فوری طبی امداد کے لیے سول اسپتال لیجایا گیا۔
پولیس مقابلے میں زخمی ڈاکو کے سر پر گولی لگی تھی جس کی حالت تشویشناک بتائی جاتی ہے اور اس کی فوری طور پر شناخت بھی نہیں ہو سکی ۔
.
ذریعہ
ذریعہ: Express News
پڑھیں:
چیک ریپبلک میں فوجی ہیلی کاپٹر گر کر تباہ؛ ایک فوجی ہلاک اور 4 زخمی
چیک ریپبلک کے مشرقی حصے میں ایک فوجی ہیلی کاپٹر گر کر تباہ ہوگیا جس کے نتیجے میں ایک فوجی ہلاک جبکہ تین دیگر زخمی ہو گئے۔
عالمی خبر رساں ادارے کے مطابق چیک وزارتِ دفاع اور فوج کی جانب سے جاری بیان میں کہا گیا ہے کہ حادثہ بدھ کے روز نامیشت ناد اوسلاوو ایئر فورس بیس پر پیش آیا جو دارالحکومت پراگ سے تقریباً 180 کلومیٹر جنوب مشرق میں واقع ہے۔
حادثے کا شکار ہونے والا ہیلی کاپٹر UH-1Y Venom تھا، جس میں مجموعی طور پر 5 فوجی اہلکار سوار تھے۔ حادثے میں ایک اہلکار موقع پر ہی جان کی بازی ہار گیا جبکہ تین زخمیوں کو فوری طور پر قریبی اسپتال منتقل کیا گیا۔
مقامی میڈیا رپورٹس کے مطابق ہیلی کاپٹر معمول کی فوجی تربیتی سرگرمی کے سلسلے میں پرواز کر رہا تھا، تاہم حکام نے ابھی تک اس کی باضابطہ تصدیق نہیں کی۔ حادثے کی وجوہات جاننے کے لیے فوج نے خصوصی تحقیقاتی ٹیم تشکیل دیدی ہیں۔
چیک حکام کا کہنا ہے کہ اس بات کا جائزہ لے رہے ہیں، آیا حادثہ تکنیکی خرابی، موسمی حالات یا انسانی غلطی کے باعث پیش آیا۔ تحقیقات کے نتائج سے میڈیا کو آگاہ کیا جائے گا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار