سابق سی ای او پی آئی اے سے منسلک تنازع، اسلام آباد ہائیکورٹ نے سنگل بینچ کا فیصلہ معطل کردیا
اشاعت کی تاریخ: 14th, January 2026 GMT
لاہور اور بہاولپور سے کم سن بچیوں اور ان کی والدہ کے اغوا سے متعلق کیس میں سابق سی ای او پی آئی اے مشرف رسول، شہری وقاص احمد اور سہیل علیم کے درمیان لین دین کے تنازع پر اسلام آباد ہائیکورٹ کے ڈویژن بنچ نے سنگل بنچ کا فیصلہ معطل کر دیا ہے۔
چیف جسٹس سرفراز ڈوگر اور جسٹس اعظم خان پر مشتمل ڈویژن بنچ نے تھانہ ترنول میں وقاص احمد اور سہیل علیم کے خلاف درج مقدمہ خارج کرنے سے متعلق سنگل بینچ کے احکامات معطل کر دیے۔
یہ بھی پڑھیں: ججز کی تعیناتی کے لیے عدلیہ سے مشاورت لازمی قرار، اسلام آباد ہائیکورٹ نے اہم فیصلہ سنا دیا
عدالت نے مقدمے کے تفتیشی افسر پر عائد ایک لاکھ روپے جرمانے کا حکم بھی معطل کر دیا۔
اس کے علاوہ بغیر وارنٹ لاہور میں چھاپہ مارنے والی ٹیم میں شامل تمام پولیس اہلکاروں پر فی کس ایک لاکھ روپے جرمانہ عائد کرنے اور آئی جی اسلام آباد کو ملوث پولیس اہلکاروں کے خلاف محکمانہ کارروائی کرنے سے متعلق سنگل بنچ کے احکامات بھی معطل کر دیے گئے۔
سماعت کے دوران اسلام آباد پولیس کی جانب سے ڈائریکٹر لیگل طاہر کاظم اور ڈی ایس پی لیگل ساجد چیمہ عدالت میں پیش ہوئے۔ وقاص احمد اور ان کی اہلیہ کے خلاف تھانہ ترنول میں مقدمہ نمبر 658/25 درج کیا گیا تھا۔
مزید پڑھیں: عمران خان سے ملاقات نہ ہونے پر توہین عدالت کی کارروائی، سہیل آفریدی کا اسلام آباد ہائیکورٹ کو خط
مقدمے کے مطابق اسلام آباد پولیس وقاص احمد کی اہلیہ اور 3 کم سن بچیوں کو لاہور سے بغیر وارنٹ حراست میں لے کر اسلام آباد منتقل کرںے آئی تھی۔
اس معاملے پر جسٹس محسن اختر کیانی پر مشتمل سنگل بنچ نے پہلے فیصلہ سنایا تھا، جسے اب ڈویژن بنچ نے معطل کر دیا ہے۔
ڈویژن بنچ نے فریقین کو نوٹس جاری کرتے ہوئے جواب طلب کر لیا ہے، جبکہ کیس کی مزید سماعت بعد میں کی جائے گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسلام آبادہائیکورٹ پی آئی اے تھانہ ترنول جسٹس اعظم خان جسٹس محسن اختر کیانی چیف جسٹس چیف جسٹس سرفراز ڈوگر ڈویژن بینچ سی ای او مشرف رسول.
ذریعہ
ذریعہ: WE News
کلیدی لفظ: اسلام ا بادہائیکورٹ پی ا ئی اے تھانہ ترنول جسٹس محسن اختر کیانی چیف جسٹس چیف جسٹس سرفراز ڈوگر ڈویژن بینچ سی ای او مشرف رسول ڈویژن بنچ نے اسلام آباد اسلام ا
پڑھیں:
گھوٹکی: سابق ایم پی اے شہریار شر کے بیٹے کو بازیاب کروالیا: ایس ایس پی
گھوٹکی میں ڈہرکی سے سابق رکن صوبائی اسمبلی شہریار شر کے بیٹے کو بازیاب کروالیا گیا۔
ایس ایس پی گھوٹکی انور کھیتران کا کہنا ہے کہ جہانگیر شر کو نامعلوم موٹر سائیکل سوار ملزمان نے اغوا کیا تھا۔ واقعے کی اطلاع پر پولیس اور قبیلے لوگوں نے اغوا کاروں کا تعاقب کیا۔
انہوں نے بتایا کہ بچے کو پولیس نے مقابلے کے بعد بازیاب کروا لیا تاہم اس دوران ملزمان فرار ہوگئے۔
ایس ایس پی گھوٹی کا کہنا تھا کہ اغواکاروں کی نشاندہی ہوگئی ہے، ملزمان کا تعلق بھی شر قبیلے سے ہے۔ ملزمان کی گرفتاری کے لیے تعاقب جاری ہے۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی