خیبر پختونخوا حکومت کا ضلع خیبر کے لیے 4 ارب روپے کے فنڈز جاری کرنے کا فیصلہ
اشاعت کی تاریخ: 14th, January 2026 GMT
data-id="863a0a8" data-element_type="widget" data-widget_type="theme-post-content.default">
خیبر پختونخوا حکومت نے ضلع خیبر میں تیراہ ڈی پاپولیشن سے متعلق سرگرمیوں کے لیے 4 ارب روپے کے فنڈز جاری کرنے کی منظوری دے دی ہے۔ اس سلسلے میں محکمہ خزانہ نے باقاعدہ مراسلہ جاری کر دیا ہے۔
محکمہ خزانہ کے مطابق یہ فنڈز موجودہ مالی سال 2025-26 کے دوران خرچ کیے جائیں گے اور ان کی ترسیل صوبائی ڈیزاسٹر مینجمنٹ اتھارٹی (پی ڈی ایم اے) کے ذریعے عمل میں لائی جائے گی۔ مراسلے میں واضح کیا گیا ہے کہ یہ رقم پی ڈی ایم اے کے اسپیشل ڈپازٹ فنڈ اکاؤنٹ میں رکھی جائے گی۔
مراسلے کے مطابق جاری کردہ 4 ارب روپے کسی بھی کمرشل بینک اکاؤنٹ میں منتقل نہیں کیے جا سکیں گے، جبکہ فنڈز کے استعمال سے قبل تمام مالی، انتظامی اور ضابطہ جاتی تقاضوں کو پورا کرنا لازم ہوگا۔
حکومتی ذرائع کے مطابق ان فنڈز کا مقصد تیراہ کے متاثرہ علاقوں میں ڈی پاپولیشن سے جڑی ضروری سرگرمیوں کو مؤثر انداز میں مکمل کرنا اور متاثرہ آبادی کو درپیش مسائل کا حل یقینی بنانا ہے۔
.
ذریعہ
ذریعہ: Jasarat News
پڑھیں:
آئی ایم ایف کی شرط پر ایکسپورٹ پروسیسنگ زونز کی مصنوعات مقامی مارکیٹ کو فروخت نہ کرنے کا فیصلہ
وفاقی حکومت نے عالمی مالیاتی ادارہ (آئی ایم ایف)کی شرائط کے تحت ستمبر 2026 سے ایکسپورٹ پراسسنگ زونز کی پیداوار مقامی مارکیٹ میں فروخت کرنے کی اجازت ختم کرنے کا فیصلہ کیا ہے اور ان زونز کو اپنی 100 فیصد پیداوار برآمد کرنا ہوگی۔
وفاقی وزارت خزانہ حکام کے مطابق آئی ایم ایف کی شرط کے تحت ستمبر 2026 سے ایکسپورٹ پراسسنگ زونز کی پیداوار مقامی مارکیٹ میں فروخت کرنے کی اجازت ختم کر دی جائے گی اور ان زونز کو اپنی 100 فیصد پیداوار برآمد کرنا ہوگی۔
حکام کا کہنا تھا کہ اس وقت ایکسپورٹ پراسسنگ زونز کو اپنی 20 فیصد پیداوار مقامی مارکیٹ میں فروخت کرنے کی اجازت حاصل ہے تاہم آئی ایم ایف نے اس رعایت کو برقرار رکھنے کی حکومتی درخواست مسترد کر دی ہے۔
وزارت خزانہ کے مطابق حکومت نے مزید ایکسپورٹ پراسسنگ زونز کے قیام کی اجازت کی بھی درخواست کی تھی تاہم آئی ایم ایف نے اسے بھی قبول نہیں کیا۔
حکام نے بتایا کہ حکومت آئندہ اقتصادی جائزے کے دوران دوبارہ درخواست کرے گی کہ مقامی مارکیٹ میں 20 فیصد پیداوار فروخت کرنے پر پابندی عائد نہ کی جائے۔
وزارت خزانہ کے مطابق مقامی مارکیٹ میں پیداوار فروخت کرنے کی چھوٹ ختم کرنے کی تجویز فیڈرل بورڈ آف ریونیو(ایف بی آر) کو بھی بھجوائی جا رہی ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار