مذہبی جماعتوں کی ’ون پلیٹ فارم‘ پالیسی برقرار رہے گی، مشاورت جاری
اشاعت کی تاریخ: 14th, January 2026 GMT
اسلامی آندولن بنگلہ دیش نے مذہبی جماعتوں کے لیے متحدہ ’ون پلیٹ فارم‘ پالیسی کو برقرار رکھنے کے عزم کا اعادہ کرتے ہوئے کہا ہے کہ اس پالیسی کے خدوخال کو حتمی شکل دینے کے لیے اندرونی مشاورت کا عمل جاری ہے۔
یہ بھی پڑھیں: بنگلہ دیش میں انتخابات 12 فروری کو ہی ہوں گے، شیڈول میں تبدیلی نہیں، چیف ایڈوائزر محمد یونس
بدھ کی سہ پہر ہنگامی پارٹی اجلاس کے بعد جاری کردہ ایک بیان میں پارٹی کے جوائنٹ سیکریٹری جنرل اور ترجمان مولانا غازی عطا الرحمان نے کہا کہ جولائی کی تحریک کے بعد ملک، قوم اور اسلام کے مفاد میں مفتی سید محمد رضاؤل کریم المعروف پیر صاحب چرمونائی نے ون پلیٹ فارم پالیسی کا اعلان کیا تھا اور اسلامی اندولن بنگلہ دیش اسی پالیسی پر ثابت قدمی سے عمل پیرا ہے۔
انہوں نے کہا کہ ہماری باہمی مشاورت جاری ہے اور بہت جلد ون پلیٹ فارم پالیسی کی شکل اور نوعیت واضح کر دی جائے گی۔
مولانا غازی عطا الرحمان نے مزید کہا کہ اسلامی جماعتوں کے ون پلیٹ فارم کے حوالے سے سیاسی حلقوں، صحافیوں اور محب وطن شہریوں کی بڑھتی ہوئی دلچسپی ملک اور اسلام دونوں کے لیے خوش آئند ہے۔ انہوں نے کہا کہ قوم کی توقعات پوری ہوں گی۔
مزید پڑھیے: کنزیومرز ایسوسی ایشن آف بنگلہ دیش کا بھارت کے اڈانی گروپ کے ساتھ بجلی خریداری کے معاہدے کی منسوخی کا مطالبہ
مذکورہ اجلاس پارٹی کے امیر مفتی سید محمد رضا الکریم کی صدارت میں منعقد ہوا جس میں سینیئر نائب امیر مفتی سید محمد فیض الاسلام کریم، پریزیڈیم ممبر مولانا مصدق بلال المدنی، سیکریٹری جنرل یونس احمد، جوائنٹ سیکریٹری جنرل مولانا غازی عطا الرحمان، انجینئر اشرف الاسلام، پرنسپل شیخ فضل باری مسعود، اسسٹنٹ سیکریٹری جنرل کے ایم عتیق الرحمٰن، مولانا احمد عبد القیوم سمیت پارٹی کے دیگر مرکزی رہنما شریک ہوئے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسلامی آندولن بنگلہ دیش بنگلہ دیش بنگلہ دیش کی مذہبی جماعتوں کا اتحاد ون پلیٹ فارم.
ذریعہ
ذریعہ: WE News
کلیدی لفظ: اسلامی ا ندولن بنگلہ دیش بنگلہ دیش بنگلہ دیش کی مذہبی جماعتوں کا اتحاد ون پلیٹ فارم سیکریٹری جنرل ون پلیٹ فارم بنگلہ دیش کے لیے کہا کہ
پڑھیں:
مشرق وسطیٰ کی صورتحال کنٹرول سے باہر ہوتی جارہی ہے، سیکریٹری جنرل اقوام متحدہ
نیویارک:اقوام متحدہ کے سیکریٹری جنرل انتونیو گوتریس نے خبردار کیا ہے کہ مشرق وسطیٰ کی صورتحال تیزی سے قابو سے باہر ہوتی جا رہی ہے اور پورا خطہ ایک ایسے خطرناک موڑ پر پہنچ چکا ہے جس کے نتائج ناقابلِ تصور ہو سکتے ہیں۔
سلامتی کونسل کے اجلاس سے خطاب کرتے ہوئے انتونیو گوتریس نے کہا کہ مشرقِ وسطیٰ ناقابلِ تصور تباہی کے کنارے پر کھڑا ہے اور خطہ مسلسل وسیع ہوتے ہوئے تصادم کے دائرے میں کھنچتا جا رہا ہے۔
انہوں نے کہا کہ صورتحال قابو سے باہر ہو رہی ہے ایک بحران دوسرے بحران کو جنم دے رہا ہے جبکہ ہر روز نئی کشیدگی مزید خطرناک حالات پیدا کر رہی ہے۔
اقوامِ متحدہ کے سربراہ کے مطابق جیسے جیسے تنازع پھیل رہا ہے ویسے ویسے سیاسی مقاصد پس منظر میں چلے جا رہے ہیں اور تصادم خود ہی ایک مستقل بحران کی شکل اختیار کرتا جا رہا ہے۔
انہوں نے عالمی برادری پر زور دیا کہ مزید کشیدگی کو روکنے اور خطے میں امن و استحکام کے لیے فوری اور مؤثر اقدامات کیے جائیں کیونکہ موجودہ حالات نہ صرف مشرقِ وسطیٰ بلکہ عالمی امن کے لیے بھی سنگین خطرہ بن سکتے ہیں۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا