حکومت ارفع کاخواب حقیقت میں بدلنے کیلئے پُرعزم، شہباز شریف
اشاعت کی تاریخ: 14th, January 2026 GMT
اسلام آباد:(نیوزڈیسک) وزیرِ اعظم محمد شہباز شریف نے کم عمر ترین مائیکروسافٹ سرٹیفائیڈ پروفیشنل ارفع کریم رندھاوا کی برسی کے موقع پر انہیں خراجِ عقیدت پیش کیا۔ وزیراعظم نے کہا کہ ارفع کریم پاکستانی نوجوانوں کی ذہانت، صلاحیت اور نوجوانوں کی بے پناہ قوت کی روشن علامت تھیں اور نہایت کم عمری میں عالمی سطح پر پاکستان کا نام روشن کیا۔
وزیراعظم نے مزید کہا کہ ارفع کریم رندھاوا نے ثابت کیا کہ پاکستانی نوجوان کسی سے کم نہیں اور اُن کی کامیابیاں آج بھی ہمارے نوجوانوں کے لیے مشعلِ راہ ہیں۔ انہوں نے کہا کہ ارفع کریم کا خواب ایک جدید، علم اور ٹیکنالوجی سے آراستہ پاکستان تھا، اور لاہور میں تعمیر شدہ سافٹویئر ٹیکنالوجی پارک کو ارفع کریم سے منسوب کرنا ہمارے لیے باعث فخر ہے۔
وزیراعظم نے کہا کہ حکومت نوجوانوں کو تعلیم، تحقیق اور ٹیکنالوجی کے میدان میں آگے بڑھنے کے مواقع فراہم کر کے ارفع کریم رندھاوا کے خواب کو حقیقت میں بدلنے کے لیے پُرعزم ہے۔ وزیرِ اعظم نے ارفع کریم کے والدین اور اہلِ خانہ کے ساتھ دلی ہمدردی کا اظہار کرتے ہوئے دعا کی کہ اللہ تعالیٰ مرحومہ کو جوارِ رحمت میں اعلیٰ مقام عطا فرمائے اور قوم کو اُن کے نقشِ قدم پر چلنے کی توفیق دے۔
.
ذریعہ
ذریعہ: Daily Mumtaz
کلیدی لفظ: کہا کہ
پڑھیں:
اسحاق ڈار ایس سی او وزرائے خارجہ اجلاس کیلئے کرغزستان پہنچ گئے
دفتر خارجہ کے ترجمان کے مطابق نائب وزیراعظم ایس سی او وزرائے خارجہ کے غیر رسمی عشائیے میں شرکت کریں گے اور رکن ممالک کے اپنے ہم منصبوں سے باہمی دلچسپی کے امور پر تبادلہ خیال کریں گے۔ اسلام ٹائمز۔ نائب وزیراعظم اور وزیر خارجہ سینیٹر محمد اسحاق ڈار شنگھائی تعاون تنظیم (ایس سی او) کے وزرائے خارجہ کونسل کے اجلاس میں شرکت کے لیے کرغزستان کے شہر چولپون آتا پہنچ گئے۔ ترجمان دفتر خارجہ کے مطابق چولپون آتا پہنچنے پر کرغزستان کے نائب وزیر خارجہ کیرات تورسنکولوف نے نائب وزیراعظم کا استقبال کیا۔ اس موقع پر کرغزستان میں پاکستان کے سفیر التمش وزیر اور ایس سی او کے لیے قومی رابطہ کار ڈاکٹر محمد فیصل بھی موجود تھے۔ ترجمان نے بتایا کہ نائب وزیراعظم ایس سی او وزرائے خارجہ کے غیر رسمی عشائیے میں شرکت کریں گے اور رکن ممالک کے اپنے ہم منصبوں سے باہمی دلچسپی کے امور پر تبادلہ خیال کریں گے۔ دفتر خارجہ کے ترجمان کے مطابق ملاقاتوں میں کل ہونے والے ایس سی او وزرائے خارجہ کونسل کے اجلاس کے ایجنڈے پر بھی بات چیت کی جائے گی۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا