محکمہ تعلیم سندھ کا اساتذہ کیلیے ای ٹرانسفر سسٹم نافذ کرنے کا فیصلہ
اشاعت کی تاریخ: 15th, January 2026 GMT
data-id="863a0a8" data-element_type="widget" data-widget_type="theme-post-content.default">
کراچی (اسٹاف رپورٹر) وزیر تعلیم سندھ سید سردار علی شاہ کی ہدایت پر محکمہ تعلیم نے اساتذہ اور ملازمین کے تبادلوں کے روایتی طریقہ کار کو ختم کرتے ہوئے ڈیجیٹل “ای-ٹرانسفر سسٹم” نافذ کر دیا ہے۔ یہ سسٹم 15 جنوری سے باقاعدہ فعال ہو جائے گا، جس کے تحت اساتذہ گھر بیٹھے آن لائن درخواست جمع کروانے کے ساتھ اپنے کیس کا اسٹیٹس بھی چیک کر سکیں گے۔ وزیر تعلیم کے مطابق اس اقدام سے سفارش اور تاخیر کا خاتمہ ہوگا اور انتظامی امور میں شفافیت آئے گی۔کابینہ سے منظور شدہ اس ڈیجیٹل نظام کے پہلے مرحلے میں اساتذہ کو شامل کیا گیا ہے، جس کے بعد اسے محکمہ کے تمام ملازمین تک بڑھایا جائے گا۔ اس وقت محکمہ اسکول ایجوکیشن سندھ میں مجموعی طور پر 1 لاکھ 33 ہزار 547 اساتذہ خدمات انجام دے رہے ہیں، جن میں 1 لاکھ 5 ہزار 258 پرائمری اور 28 ہزار 289 جونیئر ایلیمنٹری اسکول ٹیچرز شامل ہیں۔ حکام کا کہنا ہے کہ جدید ٹیکنالوجی کے استعمال سے وقت کی بچت، اخراجات میں کمی اور غیر ضروری انتظامی رکاوٹوں کا خاتمہ ممکن ہو سکے گا۔
ذریعہ
ذریعہ: Jasarat News
پڑھیں:
پنجاب حکومت کا سرکاری ملازمین اور پنشنرز کو جولائی کی ادائیگیاں قبل از وقت کرنے کا فیصلہ
پنجاب حکومت (Punjab Government)نے یکم اور 2 اگست کو ہفتہ اور اتوار کی سرکاری تعطیلات کے پیش نظر صوبے کے سرکاری ملازمین اور پنشنرز کو جولائی کی تنخواہیں، الاؤنسز اور پنشن مقررہ تاریخ سے قبل ادا کرنے کا فیصلہ کر لیا ہے۔
محکمہ خزانہ پنجاب کے مطابق تمام سرکاری ملازمین کو جولائی کی تنخواہیں اور واجب الاؤنسز 31 جولائی کو ادا کیے جائیں گے، جبکہ صوبے کے تمام پنشنرز کو بھی اسی روز جولائی کی پنشن جاری کر دی جائے گی۔
محکمہ خزانہ نے بتایا کہ اس سلسلے میں گورنر پنجاب (Governor of Punjab) نے 31 جولائی کو تنخواہوں، الاؤنسز اور پنشن کی قبل از وقت ادائیگی کی منظوری دے دی ہے تاکہ تعطیلات کے باعث ادائیگی میں کسی قسم کی تاخیر نہ ہو۔
مزیدپڑھیں:دفتری نظم و ضبط کی پابندی کی ہدایت ،نیاسرکلرجاری
فیصلے پر عملدرآمد کے لیے محکمہ خزانہ نے اکاؤنٹنٹ جنرل پنجاب (Accountant General Punjab)، تمام ضلعی ٹریژری دفاتر اور ڈسٹرکٹ اکاؤنٹس افسران کو باضابطہ ہدایات جاری کر دی ہیں۔ اس کے ساتھ متعلقہ بینکوں کو بھی ہدایت کی گئی ہے کہ وہ 31 جولائی کو سرکاری ملازمین کی تنخواہوں اور پنشنرز کی پنشن کی بروقت ادائیگی کے لیے تمام ضروری انتظامات مکمل کریں۔
حکام کے مطابق یکم اور 2 اگست کو ہفتہ اور اتوار کی تعطیلات کے باعث یہ فیصلہ کیا گیا ہے تاکہ سرکاری ملازمین اور پنشنرز کو بروقت ادائیگی یقینی بنائی جا سکے اور انہیں مالی معاملات میں کسی قسم کی دشواری کا سامنا نہ کرنا پڑے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار