جناح ٹاؤن کے اسکولوں میں مفت کتب کی تقسیم، تعلیمی شعور اجاگر
اشاعت کی تاریخ: 15th, January 2026 GMT
data-id="863a0a8" data-element_type="widget" data-widget_type="theme-post-content.default">
کراچی (اسٹاف رپورٹر) ٹاؤن میونسپل کارپوریشن جناح کے زیرِ اہتمام تعلیمی سرگرمیوں کے فروغ کے لیے مختلف اسکولوں میں طلبہ و طالبات میں کتب تقسیم کی گئیں۔ یہ اقدام چیئرمین جناح ٹاؤن رضوان عبدالسمیع کی خصوصی ہدایات پر عمل میں لایا گیا، جس کا مقصد نئی نسل میں مطالعے کی عادت کو پروان چڑھانا اور تعلیم سے دلچسپی کو مزید مستحکم کرنا ہے۔ کتب کی تقسیم کونسل ممبران سعدیہ اور انا عبدالرشید نے چیئرمین جناح ٹاؤن کی ہدایت پر انجام دی۔ اس موقع پر انہوں نے کہا کہ کتابیں علم کا سب سے مؤثر ذریعہ ہیں اور طلبہ کی فکری، ذہنی اور تخلیقی نشوونما میں اہم کردار ادا کرتی ہیں۔ ان کا کہنا تھا کہ دورِ حاضر میں مطالعے سے وابستگی وقت کی اہم ضرورت بن چکی ہے۔چیئرمین جناح ٹاؤن رضوان عبدالسمیع نے اس موقع پر کہا کہ ٹاؤن انتظامیہ تعلیم کے فروغ کو اپنی اولین ترجیحات میں شامل رکھے ہوئے ہے اور آئندہ بھی ایسے بامقصد تعلیمی اقدامات کا تسلسل جاری رکھا جائے گا۔ انہوں نے کہا کہ بچوں کو مثبت اور تعمیری سرگرمیوں کی جانب راغب کر کے ہی ایک روشن اور باشعور معاشرے کی تشکیل ممکن ہے۔علاقہ مکینوں، اساتذہ اور والدین نے ٹاؤن انتظامیہ کے اس تعلیمی اقدام کو سراہتے ہوئے امید ظاہر کی کہ جناح ٹاؤن میں مستقبل میں بھی اسی نوعیت کے پروگرامز کا انعقاد کیا جاتا رہے گا، جو تعلیمی میدان میں مثبت تبدیلی کا باعث بنیں گے۔
ذریعہ
ذریعہ: Jasarat News
کلیدی لفظ: جناح ٹاو ن
پڑھیں:
اسلام آباد میں گلاسگو 2026 دولتِ مشترکہ کھیلوں کی افتتاحی تقریب
برطانوی ہائی کمیشن نے گلاسگو 2026 دولتِ مشترکہ کھیلوں کے آغاز کی مناسبت سے اسلام آباد میں ایک خصوصی استقبالیہ تقریب کا انعقاد کیا، جس میں کھیل، حکومت، سول سوسائٹی، میڈیا اور دولتِ مشترکہ کے سابق اسکالرز سمیت مختلف شعبہ ہائے زندگی سے تعلق رکھنے والی شخصیات نے شرکت کی۔
گلاسگو میں 23 جولائی سے 2 اگست 2026 تک منعقد ہونے والے دولتِ مشترکہ کھیلوں میں 74 رکن ممالک اور خطوں کے تقریباً 3 ہزار کھلاڑی حصہ لے رہے ہیں۔ مقابلوں میں 10 مختلف کھیل شامل ہیں، جن میں 6 پیرا اسپورٹس بھی شامل ہیں۔
یہ بھی پڑھیں:دولت مشترکہ میں خدمات سرانجام دینے والی بلی کو نئی ذمہ داریاں مل گئیں
تقریب سے خطاب کرتے ہوئے پاکستان میں برطانوی ہائی کمشنر جین میریٹ نے کہا کہ دولتِ مشترکہ کھیل صرف تمغے جیتنے کا مقابلہ نہیں بلکہ یہ مختلف قوموں کو قریب لانے، صلاحیتوں کو اجاگر کرنے اور کھیلوں کے ذریعے معاشروں کو متحد کرنے کا ذریعہ ہیں۔ انہوں نے کہا کہ پاکستان کی کھیلوں کی تاریخ شاندار رہی ہے اور پاکستانی کھلاڑی آج بھی نوجوان نسل کے لیے باعثِ تحریک ہیں۔ انہوں نے برطانیہ، پاکستان اور دولتِ مشترکہ کے درمیان مضبوط تعلقات پر بھی اطمینان کا اظہار کیا۔
تقریب میں دولتِ مشترکہ اسکالرشپس اور فیلوشپس پروگرام کو بھی اجاگر کیا گیا، جس کے ذریعے گزشتہ 60 برس سے مختلف رکن ممالک کے طلبہ کو اعلیٰ تعلیم اور پیشہ ورانہ مہارت کے مواقع فراہم کیے جا رہے ہیں۔
استقبالیے سے قبل برطانوی ہائی کمیشن نے پاکستان سے تعلق رکھنے والے ان نوجوان رہنماؤں کو بھی اعزازات سے نوازا، جنہیں “ملکہ الزبتھ دوم کامن ویلتھ ٹرسٹ 100 ینگ لیڈرز ایوارڈز” کے لیے منتخب کیا گیا تھا۔
اعزاز حاصل کرنے والوں میں پاک جی پی ٹی کی شریک بانی فرح گل رہوجہ شامل ہیں، جو مصنوعی ذہانت کے ذریعے تعلیم، صحت اور موسمیاتی تبدیلی سے متاثرہ محروم طبقات کی مدد کر رہی ہیں۔ امید فاؤنڈیشن کے بانی حسن اشرف کو محنت کش بچوں اور پسماندہ طبقات کے لیے مفت تعلیم کے فروغ پر سراہا گیا، جبکہ گرلز یونائیٹڈ فار ہیومن رائٹس کی بانی ہادیقہ بشیر کو کم عمری کی شادی کے خاتمے، صنفی تشدد کے خلاف جدوجہد اور بچیوں کی تعلیم کے فروغ پر اعزاز دیا گیا۔ اسی طرح آئی ایس وائی ڈی کے بانی جوشوا دلاور کو نوجوانوں کی شمولیت، صحت میں مساوات، صنفی برابری اور سماعت سے محروم نوجوانوں کی تربیت کے شعبے میں خدمات پر ایوارڈ سے نوازا گیا۔
برطانوی ہائی کمیشن کے مطابق گلاسگو 2026، برطانیہ کی جانب سے 2014 میں گلاسگو اور 2022 میں برمنگھم میں کامیاب دولتِ مشترکہ کھیلوں کے انعقاد کی روایت کو آگے بڑھا رہا ہے، جبکہ اس تقریب کا مقصد کھیل، تعلیم اور نوجوان قیادت کے ذریعے دولتِ مشترکہ ممالک کے درمیان دوستی اور تعاون کو مزید مضبوط بنانا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسلام اباد برٹش ہائی کمیشن پاکستان دولت مشترکہ
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم