اسلام آباد: ڈیڈ لائن میں ایک روز باقی، بغیر ایم ٹیگ گاڑیوں کے خلاف کارروائی کا اعلان
اشاعت کی تاریخ: 15th, January 2026 GMT
اسلام آباد: وفاقی دارالحکومت میں گاڑیوں پر ایم ٹیگ لگانے سے متعلق مہم جاری ہے جبکہ ڈیڈ لائن ختم ہونے میں صرف ایک روز باقی رہ گیا ہے، ضلعی انتظامیہ کے مطابق 15 جنوری کے بعد بغیر ایم ٹیگ گاڑیوں کے خلاف باقاعدہ کارروائیاں شروع کر دی جائیں گی۔
وزیر داخلہ محسن نقوی نے اس سے قبل اعلان کیا تھا کہ بغیر ایم ٹیگ گاڑیاں یکم جنوری سے اسلام آباد میں داخل نہیں ہو سکیں گی، شہریوں کی سہولت کے پیش نظر ایم ٹیگ لگوانے کی مہلت میں 15 جنوری تک توسیع کی گئی تھی۔
ضلعی انتظامیہ کے مطابق اسلام آباد میں قائم 16 ایم ٹیگ سینٹرز پر اب تک ڈیڑھ لاکھ سے زائد گاڑیوں پر ایم ٹیگ لگائے جا چکے ہیں جبکہ گزشتہ 24 گھنٹوں کے دوران 2 ہزار 965 گاڑیوں کو ایم ٹیگ جاری کیے گئے۔
ڈپٹی کمشنر اسلام آباد عرفان میمن کا کہنا ہے کہ ایم ٹیگ لگوانے کی آخری تاریخ کل 15 جنوری ہے، جس کے بعد بغیر ایم ٹیگ گاڑیوں کے خلاف کارروائی عمل میں لائی جائے گی، اسلام آباد کے 12 انٹری پوائنٹس اور ناکہ جات پر بغیر ایم ٹیگ گاڑیوں کی نشاندہی کے لیے خصوصی ریڈرز نصب کر دیے گئے ہیں۔
ڈی سی اسلام آباد نے شہریوں کو ہدایت کی ہے کہ وہ کسی بھی ممکنہ کارروائی سے بچنے کے لیے مقررہ تاریخ سے قبل ہر صورت اپنی گاڑی پر ایم ٹیگ لگوا لیں۔
انتظامیہ کے مطابق ایم ٹیگ نظام کا مقصد شہر میں ٹریفک مینجمنٹ، سیکیورٹی اور ڈیٹا ریکارڈ کو مؤثر بنانا ہے۔
.
ذریعہ
ذریعہ: Al Qamar Online
کلیدی لفظ: پاکستان کھیل بغیر ایم ٹیگ گاڑیوں اسلام آباد
پڑھیں:
بارشوں کے پانی نے لاہور انتظامیہ کی پول کھول دی‘ اقبال ٹاﺅن اور جوہر ٹاﺅن میں مرکزی شاہراﺅں پر شگاف پڑگئے
لاہور(اردوپوائنٹ اخبارتازہ ترین-انٹرنیشنل پریس ایجنسی۔23 جولائی ۔2026 ) صوبائی دارالحکومت لاہور میں علامہ اقبال ٹاﺅن مین بلیوارڈکی سروس روڈپربھیکے وال کے نزدیک 10فٹ گہرا شگاف پڑگیا ہے‘اسی طرح جوہر ٹاﺅن مصروف ترین شاہراہ خیابان فردوسی پر ایک اورگڑھا پڑ گیاہے گزشتہ تین روز کے دوران مذکورہ سڑک پریہ دوسرا گڑھا پڑا. بارش کے بعد مرکزی شاہراہ پر گڑھنے پڑنے سے حادثات کا خدشہ بڑھ گیا حکام کے مطابق سڑک کی مرمت کا کام شروع ہوگیا گڑھا پڑنے سے ٹریفک کی روانی جزوی طور پر متا ثر ہوئی دوسری جانب اقبال ٹاﺅن میں بھیکے والے موڑ جانب فاروق ہسپتال سروس روڈ پر 10 فٹ گہرا شگاف پڑ گیا.(جاری ہے)
سڑک کے درمیان پڑنے والے گہرے شگاف کے باعث ٹریفک کی روانی متاثر ہو رہی ہے شگاف پڑنے سے کوئی جانی نقصان نہیں ہوا، متعلقہ افسران اور واسا کی ٹیمیں موجود ہیں ٹریفک پولیس کا کہنا ہے کہ متعلقہ محکموں نے سروس روڈ پر شگاف پر کرنے کیلئے کام شروع کردیا. واضح رہے کہ 17جولائی کو ہونے والی بارش سے فیروزپور روڈ پرنشتر کالونی کے قریب سروس روڈ کا ایک حصہ بیٹھ گیا تھا جس کے نتیجے میں وہاں کھڑی تین موٹر سائیکلیں گڑھے میں جا گریں تھیں. شہریوں کا کہنا ہے کہ پورے شہر کے اندر یہی حال ہے بارشوں میںمتوسط آبادیوںکے اندر سڑکوں کے بیٹھ جانے کے واقعات زیادہ ہوتے ہیں مگر انہیں کوریج نہیں ملتی‘نجی یونیورسٹی کے لیکچرار معاذالاسلام سول انجینئرنگ پڑھاتے ہیں ان کا کہنا ہے کہ بدقسمتی سے پاکستان میں سب سے زیادہ بدعنوانی اس شعبے میں ہے ناقص میٹریل اور زمین کی کمپریشن عالمی لیول کی نہیں کی جاتی . ان کا کہنا ہے کہ ٹھیکے دار اب کئی دن مٹی کو کمپریس کرنے میں نہیں لگا اور نہ ہی میٹریل ڈالنے کے بعد ٹھیک طریقے سے اسے کمپریس کیا جاتا ہے ‘مٹی نرم ہونے سے اگر پانی راستہ بنالے تو چند ہفتوں میں ہی اس ایریا کے نیچے زمین کھوکھلی ہوجاتی ہے اور بارشوں کے دوران شگاف پڑنے لگتے ہیں. انہوں نے بتایا کہ لاہور فیصل آباد موٹر وے کو جب تجرباتی طور پرچھوٹی گاڑیوں کے لیے کھولا گیا تھا تو لاہور سے فیصل آباد کے سفر کے دوران انہوں نے نوٹ کیا تھا کہ کئی سو ارب کی لاگت سے بنی اس سڑک میں لیول کا بھی خیال نہیں رکھا تھا اور یہ موٹروے مکمل طور پر ناہموار تھا جس پر انہوں نے کچھ دیگر انجینئرز کے ساتھ مل کر ایک تجزیاتی رپورٹ این ایچ اے اور پنجاب حکومت کو ارسال کی تھی تاہم آج تک ہمیں اس پر کوئی جواب نہیں ملا.
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا