ہم امریکی ملکیت قبول نہیں کریں گے، گرین لینڈ کا دوٹوک مؤقف
اشاعت کی تاریخ: 15th, January 2026 GMT
data-id="863a0a8" data-element_type="widget" data-widget_type="theme-post-content.default">
واشنگٹن: امریکی صدر ڈونلڈ ٹرمپ نے ایک بار پھر گرین لینڈ سے متعلق بیان دیتے ہوئے کہا ہے کہ امریکا کو گرین لینڈ کی ضرورت ہے اور اس معاملے پر آگے دیکھیں گے کہ کیا پیش رفت ہوتی ہے۔
ان کا کہنا تھا کہ امریکا اور ڈنمارک کے درمیان تعلقات اچھے ہیں، تاہم گرین لینڈ کے معاملے پر امریکی مفادات کو نظر انداز نہیں کیا جا سکتا۔
ایک بیان میں صدر ٹرمپ نے پینٹاگون کے ایک کنٹریکٹر کی گرفتاری کا بھی ذکر کیا، جنہیں وینزویلا میں آپریشن سے متعلق خفیہ معلومات لیک کرنے کے الزام میں حراست میں لیا گیا ہے۔ امریکی صدر نے کہا کہ قومی سلامتی سے متعلق معاملات پر کسی قسم کی غفلت برداشت نہیں کی جائے گی۔
دوسری جانب گرین لینڈ نے امریکی ملکیت بننے کے امکان کو واضح طور پر مسترد کر دیا ہے۔ گرین لینڈ اور ڈنمارک کے وزرائے خارجہ نے واشنگٹن میں امریکی حکام سے ملاقات کی، جس میں باہمی تعاون اور علاقائی معاملات پر تبادلہ خیال کیا گیا۔
گرین لینڈ کے وزیر خارجہ نے اس موقع پر کہا کہ وہ امریکا کے ساتھ تعاون کو مزید فروغ دینا چاہتے ہیں، تاہم گرین لینڈ کسی صورت امریکی ملکیت بننے پر آمادہ نہیں ہے۔ ان کا کہنا تھا کہ گرین لینڈ ایک خودمختار خطہ ہے اور اس کی حیثیت پر کوئی سمجھوتہ نہیں کیا جائے گا۔
سیاسی مبصرین کے مطابق گرین لینڈ اپنی جغرافیائی اہمیت اور قدرتی وسائل کے باعث عالمی طاقتوں کی توجہ کا مرکز بنا ہوا ہے، تاہم ڈنمارک اور گرین لینڈ کی قیادت امریکا کے کسی بھی ممکنہ دباؤ کے مقابلے میں اپنے مؤقف پر قائم دکھائی دیتی ہے۔
.
ذریعہ
ذریعہ: Jasarat News
کلیدی لفظ: گرین لینڈ
پڑھیں:
خیبر پختونخوا میں بارشوں اور فلش فلڈز کے حادثات میں 22 افراد جاں بحق
صوبائی ڈیزاسٹر مینجمنٹ اتھارٹی کی جانب سے جاری اعلامیے کے مطاق 19 جولائی سے اب تک خیبرپختونخوا کے مختلف علاقوں میں بارشوں اور فلش فلڈز سے مجموعی طور پر 9 مرد، 10 بچے اور تین خواتین جاں بحق ہوئیں۔ اسلام ٹائمز۔ خیبر پختونخوا میں ہونے والی بارشوں اور فلش فلڈز کے حادثات میں 5 روز کے دوران 22 شہری جاں بحق جبکہ 23 زخمی ہوگئے۔ صوبائی ڈیزاسٹر مینجمنٹ اتھارٹی کی جانب سے جاری اعلامیے کے مطاق 19 جولائی سے اب تک خیبرپختونخوا کے مختلف علاقوں میں بارشوں اور فلش فلڈز سے مجموعی طور پر 9 مرد، 10 بچے اور تین خواتین جاں بحق ہوئیں۔ اعلامیے کے مطابق زخمیں میں 11 مرد، 5 خواتین 7 بچے شامل ہیں جبکہ تیز بارشوں اور فلش فلڈ کے باعث مجموعی طور پر 37 گھروں کو نقصان پہنچا جس میں 29 گھروں کو جزوی جبکہ 8 گھر مکمل منہدم ہوگئے۔ پی ڈی ایم اے کے مطابق حادثات پشاور، نوشہرہ، خیبر، مردان , بونیر، باجوڑ، شانگلہ، صوابی، چترال لوئر، دیر لوئر اور اپر، ایبٹ آباد، مانسہرہ،ہری پور، ٹانک، تور غر اور کرم اور شمالی و جنوبی وزیرستان میں پیش آئے۔
اعلامیے میں بتایا گیا ہے کہ پی ڈی ایم اے، ریسکیو 1122، ضلعی انتظامیہ اور متعلقہ اداراے آپس میں رابطے میں اور امدادی سرگرمیاں جاری رکھے ہوئے ہیں جبکہ متاثرہ اضلاع کی انتظامیہ کو ہدایت کی گئی ہے کہ وہ متاثرین میں جلد امدادی سامان تقسیم کردے۔ ڈی جی پی ڈی ایم اے نے ضلعی انتظامیہ کو امدادی سرگرمیاں تیز کرنے اور متاثرین کو فوری معاونت فراہم کرنے کی ہدایت کی اور بتایا کہ صوبہ کے تمام دریاؤں اور ندی نالوں میں پانی کی سطح اور بہاو معمول کے مطابق ہے۔ پی ڈی ایم اے کے مطابق تیز بارشوں کا یہ سلسلہ آج تک وقفے وقفے سے جاری رہنے کا امکان ہے۔ پی ڈی ایم اے نے عوام سے اپیل کی کہ وہ غیر ضروری سفر سے گریز کریں اور حساس سیاحتی مقامات کا رخ نہ کریں جبکہ حکومتی اداروں کی جانب سے الرٹس/ اور ایڈوائزری پر عمل کریں۔
ڈی جی پی ڈی ایم اے کے مطابق ایمرجنسی آپریشن سینٹر مکمل طور پر فعال ہے، عوام کسی بھی نا خوشگوار واقعے کی اطلاع ، موسمی صورتحال سے آگائی اور معلومات کے لیے فری ہیلپ لائن 1700 پر رابطہ کریں۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار