قانون کے طالبعلم سے فراڈ کرنے کا معاملہ، سائبر کرائم سرکل کے انسپکٹر عدالت طلب
اشاعت کی تاریخ: 15th, January 2026 GMT
جوڈیشل مجسٹریٹ شرقی نے قانون کے طالبعلم سید صابر علی شاہ سے دھوکہ دہی اور فراڈ سے ساڑھے 3 لاکھ روپے کی رقم ہتھیانے کی انکوائری سے متعلق آئندہ سماعت پر ایف آئی اے سائبر کرائم سرکل کے انسپکٹر کو ذاتی حیثیت میں طلب کرلیا۔
جوڈیشل مجسٹریٹ شرقی کی عدالت کے روبرو قانون کے طالبعلم سید صابر علی شاہ سے دھوکہ دہی اور فراڈ سے ساڑھے 3 لاکھ روپے کی رقم ہتھیانے کی انکوائری سے متعلق درخواست کی سماعت ہوئی۔
درخواست میں موقف اپنایا گیا کہ 27 دسمبر 2025 کو میرے گاؤں کا پڑوسی جو سعودی عرب میں مقیم ہے اس کے نمبر سے واٹس ایپ پر میسج موصول ہوا تھا۔
درخواست گزار نے بتایا پڑوسی نے کہا کہ میں رقم بھیج رہا ہوں جو امانت اپنے پاس رکھ لو اور انوسٹ کرنا چاہو تو کرلو۔ 27 دسمبر 2025 کو میرے واٹس ایپ پر 9 لاکھ سے زائد رقم بھیجنے کی رسید بھیجی۔ کچھ دیر بعد نجی بینک کے نمائندہ سے کال موصول ہوئی کہ آپ کے اکاؤنٹ میں رقم آگئی ہے دو دن بعد کیش ہوگی۔
سید صابر نے بتایا کہ اس کے کچھ دیر بعد میرے پڑوسی کے نمبر سے میسج آتا ہے کہ میں نے اپنے کفیل کو پاکستان میں رقم ادا کرنی ہے۔ اگر کفیل کو رقم ادا نا کی تو میرا ویزہ ایکسپائر ہو جائے گا تم رقم عرفان نامی شخص کو دینے کا کہا۔ عرفان نامی شخص نے رقم اللہ بخش کو دینے کا کہا جس کی ایزی پیسہ اکاؤنٹ میں 50 ہزار روپے منتقل کیئے۔
اس طرح مختلف نمبروں پر 3 لاکھ 64 ہزار سے زائد کی رقم منتقل کی۔ میرے پڑوسی کی بھیجی ہوئی رقم آج تک مجھے نہیں ملی، میرے ساتھ فراڈ اور دھوکہ ہوا ہے میری رقم دلوایا جائے۔
عدالت نے ایف آئی اے سائبر کرائم سرکل کے انسپکٹر کو ذاتی حیثیت میں پیش رفت کے ساتھ طلب کرلیا۔
.
ذریعہ
ذریعہ: Express News
پڑھیں:
برطانیہ؛ 70 ارکانِ کا نئے وزیراعظم کو خط؛ اسرائیل کیخلاف سخت اقدامات کا مطالبہ
برطانیہ کے 70 سے زائد ارکانِ پارلیمنٹ نے نئے وزیراعظم اینڈی برنہم سے مطالبہ کیا ہے کہ وہ غزہ میں اسرائیلی کارروائیوں کے حوالے سے اقوامِ متحدہ کے آزاد تحقیقاتی کمیشن کے نتائج کو باضابطہ طور پر تسلیم کریں اور اسرائیل کے خلاف فوری اور مؤثر اقدامات کریں۔
عالمی خبر رساں ادارے کے مطابق خط میں نشاندہی کی گئی ہے کہ گزشتہ ماہ جاری ہونے والی اقوامِ متحدہ کی آزاد تحقیقاتی رپورٹ میں یہ نتیجہ اخذ کیا گیا تھا کہ غزہ میں اسرائیلی فوج کی کارروائیاں نسل کشی کے زمرے میں آتی ہیں اور رپورٹ میں خاص طور پر اسرائیلی حملوں میں بچوں کو دانستہ طور پر نشانہ بنانے کی تصدیق بھی تھی۔
ارکان پارلیمان نے کھلے خط میں نو منتخب وزیراعظم سے مطالبہ کیا کہ وہ بین الاقوامی عدالتِ انصاف کی جولائی 2024 کی مشاورتی رائے پر بھی عمل درآمد کو یقینی بنانے کے لیے عملی اقدامات کریں۔
برطانوی ارکانِ پارلیمنٹ کے بقول عالمی عدالت نے اسرائیل پر زور دیا تھا کہ وہ فوری طور پر مقبوضہ فلسطینی علاقوں سے اپنی موجودگی ختم کرے، تمام اسرائیلی بستیاں ختم کرے، متاثرہ فلسطینیوں کو معاوضہ ادا کرے اور بے گھر ہونے والے فلسطینیوں کی واپسی میں تعاون کرے۔
عدالت نے اپنی رائے میں یہ بھی کہا تھا کہ دنیا کے تمام ممالک پر ذمہ داری عائد ہوتی ہے کہ وہ ایسے اقدامات سے گریز کریں جو اسرائیلی قبضے کو برقرار رکھنے یا اس میں معاونت کا سبب بنیں۔
خط میں برطانوی حکومت سے مطالبہ کیا گیا ہے کہ اسرائیل پر مکمل اسلحہ پابندی عائد کی جائے، اسرائیلی حکام کے خلاف پابندیاں لگائی جائیں اور ایسی ہر قسم کی تجارت پر پابندی عائد کی جائے جو مقبوضہ فلسطینی علاقوں میں قائم اسرائیلی بستیوں کو فائدہ پہنچاتی ہو۔
ارکانِ پارلیمنٹ کا کہنا ہے کہ برطانیہ کو بین الاقوامی قوانین اور انسانی حقوق سے متعلق اپنی ذمہ داریوں کو پورا کرتے ہوئے واضح اور مؤثر پالیسی اختیار کرنی چاہیے۔
I'm one of 80 MPs & Peers calling on the PM to:
- Recognise the UN’s findings on genocide & implement the ICJ ruling in full
- Impose sanctions including a full arms embargo
- Ban trade that supports Israel’s illegal settlements
End Britain’s complicity in genocide, now. pic.twitter.com/TjtJ0yj2Qq
فلسطین سالیڈیرٹی کمپین کے نائب ڈائریکٹر پیٹر لیری نے ارکانِ پارلیمنٹ کے خط کا خیرمقدم کرتے ہوئے کہا تھا کہ برطانوی حکومت نے طویل عرصے سے نسل کشی کنونشن اور بین الاقوامی عدالتِ انصاف کے مؤقف کو نظر انداز کیا ہے۔
انھوں نے الزام عائد کیا ہے کہ برطانیہ مسلسل ایسی پالیسیاں اپناتا رہا ہے جن سے فلسطینی عوام کے خلاف اسرائیلی کارروائیوں کو عملی یا سفارتی حمایت ملتی رہی۔
خیال رہے کہ اسرائیل غزہ میں نسل کشی کے الزامات کو مسترد کرتا ہے اور مؤقف اختیار کرتا آیا ہے کہ اس کی فوجی کارروائیاں حماس اور دیگر مسلح گروہوں کے خلاف ہیں جبکہ شہری ہلاکتوں سے بچنے کے لیے اقدامات کیے جاتے ہیں۔
واضح رہے کہ اقوامِ متحدہ اور متعدد بین الاقوامی انسانی حقوق کی تنظیمیں اسرائیلی دعوؤں کو مسترد کرتے ہوئے غزہ میں بڑے پیمانے پر شہریوں، خصوصاً خواتین اور بچوں کے جانی نقصان پر مسلسل تشویش کا اظہار کر رہی ہیں۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا