امریکا کی جانب سے امیگرنٹ ویزا پراسیسنگ کی معطلی، پاکستان کو جلد بحالی کی امید
اشاعت کی تاریخ: 15th, January 2026 GMT
پاکستان نے امید ظاہر کی ہے کہ امریکا جلد ہی امیگرنٹ ویزا پراسیسنگ بحال کر دے گا، جبکہ حالیہ معطلی کو واشنگٹن کی جانب سے امیگریشن پالیسی کے داخلی جائزے کا حصہ قرار دیا ہے۔
دفترِ خارجہ کے ترجمان طاہر حسین اندرابی نے جمعرات کو ایک سوال کے جواب میں کہا کہ پاکستان نے امریکا کی جانب سے امیگرنٹ ویزا پراسیسنگ معطل کرنے سے متعلق رپورٹس دیکھی ہیں۔ ان کے مطابق امریکی اسٹیٹ ڈپارٹمنٹ نے سوشل میڈیا پر ایک مختصر بیان کے ذریعے بتایا ہے کہ امیگرنٹ ویزا پراسیسنگ کے نظام کا اندرونی جائزہ لیا جا رہا ہے۔
یہ بھی پڑھیں:امریکی ویزا منسوخی میں 150 فیصد اضافہ، ٹرمپ انتظامیہ کا ریکارڈ دعویٰ
واضح رہے کہ امریکا نے بدھ کو پاکستان سمیت 74 ممالک کے لیے امیگرنٹ ویزا پراسیسنگ 21 جنوری سے معطل کرنے کا اعلان کیا تھا۔ امریکی اسٹیٹ ڈپارٹمنٹ کے مطابق یہ اقدام ان خدشات کے باعث کیا گیا ہے کہ بعض ممالک سے آنے والے تارکینِ وطن سرکاری فلاحی پروگراموں پر انحصار کرتے ہیں۔ بیان میں کہا گیا کہ یہ پابندی اس وقت تک برقرار رہے گی جب تک یہ یقین نہ ہو جائے کہ نئے مہاجرین امریکی عوام کے وسائل پر بوجھ نہیں بنیں گے۔
ترجمان دفتر خارجہ نے کہا کہ پاکستان اس معاملے پر امریکی حکام سے رابطے میں ہے تاکہ مزید تفصیلات حاصل کی جا سکیں۔ انہوں نے کہا کہ یہ ایک ارتقائی عمل ہے جس پر نظر رکھی جا رہی ہے اور پاکستان کو امید ہے کہ امیگرنٹ ویزا کی معمول کی پراسیسنگ جلد بحال ہو جائے گی۔
امیگرنٹ ویزا پراسیسنگ کی معطلی کے باعث ہر سال امریکا جانے کے خواہش مند ہزاروں پاکستانیوں کے سفر، تعلیم اور ملازمت کے منصوبے متاثر ہونے کا خدشہ ہے۔ توقع ہے کہ امریکا میں پاکستانی قونصل خانے آئندہ دنوں میں متاثرہ درخواست گزاروں کو رہنمائی فراہم کریں گے۔
یہ بھی پڑھیں:امریکا کا ویزا بانڈ پالیسی کا دائرہ مزید وسیع، وینزویلا سمیت 25 نئے ممالک فہرست میں شامل
یہ اقدام امریکا کے پبلک چارج رول سے منسلک بتایا جا رہا ہے، جس کے تحت یہ جانچا جاتا ہے کہ آیا کوئی تارکِ وطن حکومتی امداد پر انحصار کرے گا یا نہیں۔ اگرچہ ماضی میں بھی ویزا سروسز معطل کی جاتی رہی ہیں، تاہم حکام کے مطابق اس بار اس اقدام کا دائرہ غیر معمولی حد تک وسیع ہے۔
امریکی اسٹیٹ ڈپارٹمنٹ نے ویزا سروسز کی بحالی کے لیے کوئی حتمی ٹائم لائن نہیں دی، تاہم کہا ہے کہ جائزہ مکمل ہونے کے بعد متعلقہ ممالک کو آگاہ کر دیا جائے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
.
ذریعہ
ذریعہ: WE News
کلیدی لفظ: امیگرنٹ ویزا پراسیسنگ
پڑھیں:
طوفانی سیلاب سے عوام شدید مشکلات کا شکار ہیں، حکومت فوری اقدامات اٹھائے، کاظم میثم
ممبر گلگت بلتستان اسمبلی نے ایک بیان میں کہا کہ صوبائی اور وفاقی حکومت سے مطالبہ کرتے ہیں مشکل کی اس گھڑی میں عوام کے شانہ بشانہ کھڑے ہوں اور متاثرین سیلاب کو ریلیف دینے اور بحالی کے لیے جامع منصوبہ بندی کے ساتھ اقدامات اٹھائیں۔ اسلام ٹائمز۔ سابق اپوزیشن لیڈر و ممبر گلگت بلتستان اسمبلی کاظم میثم نے اپنے ایک بیان میں کہا ہے کہ پورے گلگت بلتستان میں طوفانی سیلاب اور دریائی کٹاو سے عوام شدید مشکلات کے شکار ہیں، وفاقی اور صوبائی حکومت کو فوری اقدامات اٹھاتے ہوئے ریلیف اور بحالی کے لیے کام تیز کرنے کی ضرورت ہے۔ سکردو میں دریائی کٹاو کے سبب سترانگلونگما کواردو اور حوطو رنگاہ کے عوام شدید مشکلات کے شکار ہیں۔ زرعی اراضی اور درخت دریا برد ہو رہے ہیں لیکن تاحال کوئی ہنگامی بنیادوں پر بحالی کے لیے کوئی کام نہیں ہوا ہے۔ ضلعی انتظامیہ اور جی بی ڈی ایم اے کو کواردو حوطو رنگاہ اور رزسنا رنگاہ کے دریائی کٹاو روکنے کے لیے فوری اقدامات اٹھانا چاہیے۔ گزشتہ مہینے آنے والے شگریخورد میں سیلاب متاثرین کی بحالی کے بھی تاحال اقدامات نہیں اٹھائے گئے ہیں۔ جس کے سبب عوام میں شدید تشویش پائی جاتی ہے۔ کاظم میثم نے مزید کہا کہ طوفانی سیلاب کے سبب تقریبا تمام اضلاع میں تباہ کاریاں ہوئی ہیں اور شاہراہوں کی بندش کے سبب بھی مشکلات کے شکار ہیں۔ صوبائی اور وفاقی حکومت سے مطالبہ کرتے ہیں مشکل کی اس گھڑی میں عوام کے شانہ بشانہ کھڑے ہوں اور متاثرین سیلاب کو ریلیف دینے اور بحالی کے لیے جامع منصوبہ بندی کے ساتھ اقدامات اٹھائیں۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا