ستمبرسےفلورملزکوسبسڈائزڈنرخوں پرگندم کی فراہمی جاری ہے : ڈائریکٹر امجد حفیظ
اشاعت کی تاریخ: 15th, January 2026 GMT
کلیم اختر: پنجاب حکومت نے صوبے بھر میں آٹے کی بلا تعطل فراہمی اور قیمتوں میں استحکام کو یقینی بنانے کے لیے جامع اقدامات کیے ہیں۔
ائریکٹر فوڈ پنجاب امجد حفیظ کا کہنا تھا کہ ستمبر سے فلور ملز کو سبسڈائزڈ نرخوں پر گندم کی فراہمی جاری ہے، جس کے تحت یومیہ ضرورت کا تقریباً 70 فیصد گندم 3 ہزار روپے فی من کے کنٹرولڈ ریٹ پر فراہم کی جا رہی ہے، جس سے سپلائی چین مستحکم اور مارکیٹ متوازن ہے۔
15 جنوری کو انٹر نیٹ سروسز مکمل طور پر فعال رہیں گی : پی ٹی اے
اُن کا کہنا تھا کہ پنجاب بھر میں آٹے کی سپلائی وافر ہے اور مارکیٹ مکمل طور پر مستحکم ہے۔ حکومت کی کنٹرولڈ ریلیز پالیسی کی بدولت آٹے کی قیمتوں میں مؤثر استحکام برقرار ہے۔ گزشتہ روز فلور ملز میں 33 ہزار میٹرک ٹن گندم کی ریکارڈ پسائی کی گئی جبکہ روزانہ 16 ہزار میٹرک ٹن گندم کو 514 فلور ملز کو کنٹرولڈ ریٹ پر فراہم کیا جا رہا ہے۔
14 جنوری کو صوبے بھر میں تقریباً 20 لاکھ آٹے کے تھیلے فراہم کیے گئے اور یومیہ معمول سے زائد سپلائی کی بدولت آٹے کی کسی قسم کی قلت یا بحران کا خدشہ نہیں۔ 10 اور 20 کلو کے 10 لاکھ سے زائد آٹے کے تھیلے مارکیٹ میں دستیاب ہیں، جن کی قیمتیں سرکاری نرخوں کے مطابق 10 کلو آٹا 905 روپے اور 20 کلو آٹا 1810 روپے ہیں۔
اے ایس پیز کو ایک ماہ کی تربیت کیلئے بیجنگ، چین بھیجا جائے گا: محسن نقوی
.
ذریعہ
ذریعہ: City 42
پڑھیں:
حکومت نے پیٹرول اور ڈیزل مزید مہنگا کر دیا، نئی قیمتوں کا نوٹیفکیشن جاری
حکومت نے پیٹرولیم مصنوعات کی قیمتوں میں اضافہ کرتے ہوئے پیٹرول کی قیمت میں 4 روپے 40 پیسے فی لیٹر اور ہائی اسپیڈ ڈیزل کی قیمت میں 3 روپے 62 پیسے فی لیٹر اضافہ کر دیا ہے۔ اس حوالے سے باضابطہ نوٹیفکیشن بھی جاری کر دیا گیا ہے۔
یہ بھی پڑھیں:پیٹرول مہنگا ہو تو موٹرسائیکل سوار متاثر نہیں ہوتے، مشیر خزانہ کے بیان پر شدید ردعمل
نوٹیفکیشن کے مطابق اضافے کے بعد پیٹرول کی نئی قیمت 331 روپے 52 پیسے فی لیٹر مقرر کر دی گئی ہے، جبکہ ہائی اسپیڈ ڈیزل کی قیمت میں بھی 3 روپے 62 پیسے فی لیٹر کا اضافہ کر دیا گیا ہے۔
نئی قیمتیں نافذجاری کردہ نوٹیفکیشن کے مطابق پیٹرولیم مصنوعات کی نئی قیمتوں کا اطلاق فوری طور پر کر دیا گیا ہے، جس کے بعد ملک بھر کے پیٹرول پمپوں پر صارفین کو نئی قیمتوں کے مطابق ادائیگی کرنا ہوگی۔
عوام پر مزید مالی دباؤ کا خدشہمعاشی ماہرین کے مطابق پیٹرول اور ڈیزل کی قیمتوں میں اضافے سے ٹرانسپورٹ کے اخراجات بڑھنے کا امکان ہے، جس کے نتیجے میں اشیائے خورونوش اور دیگر ضروری اشیا کی قیمتوں پر بھی دباؤ آ سکتا ہے۔
مزید پڑھیں:ایران جنگ کے اثرات: پیٹرول مہنگا، یورپ میں الیکٹرک گاڑیوں کی فروخت میں 51 فیصد اضافہ
ڈیزل کی قیمت میں اضافہ خاص طور پر مال بردار ٹرانسپورٹ اور زرعی شعبے کے اخراجات پر اثر انداز ہو سکتا ہے۔
حکومت ہر 15 روز بعد عالمی منڈی میں خام تیل کی قیمتوں، درآمدی لاگت، روپے کی قدر اور ٹیکسوں کی بنیاد پر پیٹرولیم مصنوعات کی قیمتوں کا جائزہ لیتی تھی لیکن اب روزانہ کی بنیاد پر یہ عمل جاری ہے۔
اسی جائزہ عمل کے تحت تازہ نوٹیفکیشن جاری کرتے ہوئے پیٹرول اور ہائی اسپیڈ ڈیزل کی قیمتوں میں اضافہ کیا گیا ہے، جس کے بعد نئی قیمتیں ملک بھر میں نافذ العمل ہو گئی ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پیٹرول پیٹرولیم مصنوعات درآمدی لاگت ڈیزل روپے کی قدر عالمی منڈی مہنگا
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی