سندھ میں کینسر کا مہنگا ترین علاج مفت کیا جارہا ہے: بلاول بھٹو زرداری
اشاعت کی تاریخ: 15th, January 2026 GMT
اسکرین گریب
چیئرمین پیپلز پارٹی بلاول بھٹو زرداری کا کہنا ہے کہ سندھ حکومت ہر شعبے میں بہتری کے لیے کام کر رہی ہے، صحت کے شعبے میں بہتری پر خصوصی توجہ مرکوز ہے، سندھ میں کینسر کا مہنگا ترین علاج مفت کیا جارہا ہے۔
سندھ حکومت کی کارکردگی اور آئندہ کی حکمت عملی کے حوالے سے بلاول بھٹو زرداری نے بریفنگ دیتے ہوئے کہا کہ پورے سندھ میں صحت کے نظام کو مضبوط بنانے کے لیے اقدامات کیے۔
انہوں نے کہا کہ سندھ میں عالمی معیار کی صحت کی سہولتیں مفت دی جا رہی ہیں، سندھ حکومت نے جناح اسپتال کو عالمی معیار کا بنایا این آئی سی وی ڈی میں دل کے امراض کا علاج مفت کیا جارہا ہے۔
چیئرمین پیپلز پارٹی بلاول بھٹو کا کہنا ہے کہ تھرپارکر کی ترقی سندھ کی ترقی کے لیے ضروری ہے۔
بلاول بھٹو زرداری کا کہنا تھا کہ سندھ میں این آئی سی وی ڈی طرز کے 11 اسپتال قائم کیے، ایک سال میں این آئی سی وی ڈی سے 2 اعشاریہ 9 ملین مریض علاج کرا چکے ہیں۔
انہوں نے کہا کہ این آئی سی وی ڈی میں دل کے امراض کا علاج مفت کیا جا رہا ہے، سندھ میں کینسر کا منہگا ترین علاج مفت کیا جارہا ہے، ایک سال میں این آئی سی وی ڈی سے 2.
ان کا کہنا تھا کہ 2008 تک سندھ میں صرف 10 جامعات تھیں، اس وقت 30 جامعات ہیں، 2017 میں گمبٹ میڈیکل کالج قائم کیا، سندھ نے 2022 میں تاریخی سیلاب کا سامنا کیا، سندھ میں تخفیف غربت پروگرام شروع کیا۔
چیئرمین پیپلز پارٹی نے کہا کہ طلبہ کے لیے اسکالر شپ پروگرام شروع کیا، 2022 کے سیلاب سے ہزاروں اسکول متاثر ہوئے، سندھ میں ایک لاکھ اساتذہ کی میرٹ پر بھرتی کی گئی، بینظیر انکم سپورٹ پروگرام بڑا سوشل سیفٹی نیٹ ورک ہے۔
ذریعہ
ذریعہ: Jang News
کلیدی لفظ: بلاول بھٹو زرداری آئی سی وی ڈی کا کہنا کہا کہ کے لیے
پڑھیں:
فرانس: نفسیاتی مریضوں کے علاج کی ذمہ داری گدھوں کے سپرد
فرانس میں قائم ایک نفسیاتی اسپتال نے ذہنی صحت کے علاج کے لیے ایک غیرمعمولی طریقہ اختیار کیا ہے، جہاں مریضوں کے ڈپریشن، اضطراب اور ذہنی دباؤ کو کم کرنے کے لیے گدھوں کی مدد لی جا رہی ہے۔
امریکی خبر رساں ادارے ایسوسی ایٹڈ پریس کے مطابق یہ منصوبہ فرانس میں اپنی نوعیت کا واحد تجربہ سمجھا جاتا ہے۔ دارالحکومت پیرس کے مضافات میں سرسبز و شاداب ماحول اور تاریخی عمارتوں سے گھرا ویل ایورارڈ اسپتال مریضوں کو روایتی طبی علاج کے ساتھ ایک منفرد اور پُرسکون تجربہ بھی فراہم کر رہا ہے۔
اس پروگرام کے تحت مریض گدھوں کے ساتھ وقت گزارتے ہیں، انہیں سیر کرواتے ہیں، ان کی دیکھ بھال کرتے ہیں اور جذباتی تعلق قائم کرتے ہیں۔ حالیہ سیشن کے دوران بھی متعدد مریضوں نے گدھوں کے ساتھ خوشگوار وقت گزارا اور رخصت ہوتے ہوئے انہیں گلے لگا کر محبت کا اظہار کیا۔
60 سالہ مریضہ نیتھلی کے مطابق گدھوں کے ساتھ وقت گزارنے سے انہیں ویسا ہی سکون ملتا ہے جیسا کسی پُرسکون دوا کے استعمال سے حاصل ہوتا ہے۔ ان کا کہنا تھا کہ جانوروں کے ذریعے ہونے والا یہ علاج ذہنی آسودگی فراہم کرتا ہے اور وقتی طور پر تمام پریشانیاں ختم دیتا ہے۔
فرانس کے سرکاری نظامِ صحت کے تحت یہ سیشنز مریضوں کو بغیر کسی معاوضے کے فراہم کیے جاتے ہیں۔ عموماً ہر مریض کو ایک مخصوص گدھے کے ساتھ منسلک کیا جاتا ہے تاکہ وقت کے ساتھ دونوں ایک دوسرے کی عادات اور مزاج سے واقف ہو سکیں۔
اس یونٹ میں خدمات انجام دینے والی نرس آڈرے سیفار کے مطابق نیتھلی کی حالت میں چند ملاقاتوں کے بعد ہی نمایاں بہتری دیکھی گئی۔
انہوں نے بتایا کہ ابتدا میں وہ جسمانی معذوری کے باعث وہیل چیئر سے نکلنے پر آمادہ نہیں تھیں، لیکن گدھے کے ساتھ تعلق نے ان میں اعتماد پیدا کیا اور اب وہ نہ صرف چیئر سے اٹھتی ہیں بلکہ اپنے جانور کے ساتھ کھڑی بھی ہوتی ہیں۔
دوسری جانب 52 سالہ مریض جیروم کا کہنا ہے کہ اس منفرد پروگرام نے ان کے احساسِ تنہائی کو کم کرنے میں اہم کردار ادا کیا ہے۔
وزارت آئی ٹی نے 1.67 ارب روپے سے زاید کے فنڈز طلب کرلیے