اڈیالہ جیل زمان پارک یا پاکپتن کا پیر خانہ نہیں جہاں ہر ہفتے تماشا لگایا جائے: عظمیٰ بخاری
اشاعت کی تاریخ: 15th, January 2026 GMT
لاہور (نوائے وقت رپورٹ+ نیوز رپورٹر) وزیر اطلاعات و ثقافت پنجاب عظمٰی بخاری نے تحریک انصاف کے حالیہ بیانات پر ردِعمل دیتے ہوئے کہا ہے کہ یہ کوئی اڈیالہ جیل، زمان پارک یا پاکپتن کا پیر خانہ نہیں جہاں ہر ہفتے اہلِ خانہ اور چند کرائے کے لوگوں کے ساتھ تماشا کیا جائے۔ حقیقت یہ ہے کہ اڈیالہ جیل کے باہر پی ٹی آئی کا کوئی ذمہ دار عہدے دار تک موجود نہیں ہوتا، جبکہ خواتین کو دانستہ طور پر ڈھال کے طور پر استعمال کیا جاتا ہے، جو انتہائی افسوسناک عمل ہے۔ عظمٰی بخاری نے واضح کیا کہ پنجاب پولیس ہمیشہ صبر و تحمل اور برداشت کا مظاہرہ کرتی ہے، تاہم جب قانون کی خلاف ورزی کی جاتی ہے تو پولیس قانون کے مطابق کارروائی کرنے پر مجبور ہوتی ہے۔ اپنے ہر گناہ کا الزام وزیر اعلیٰ پنجاب مریم نواز پر ڈالنے کی روایت بند کی جائے۔ اگر کسی کے لیڈر کی خاطر عوام باہر نہیں نکلتے تو اس کا ملبہ مریم نواز پر کیوں ڈالا جاتا ہے۔ جو خود کو کبھی مقبول ترین سمجھتا تھا، آج وہ عوام میں اپنی اہمیت کھو چکا ہے۔ آئین اور قانون کا درس وہ لوگ دے رہے ہیں جو ماضی میں خود مطلق العنان رویوں کے علمبردار رہے۔ عظمٰی بخاری نے کہا کہ آئین کی حکمرانی اور انسانی حقوق کی خلاف ورزیوں کے نام پر سیاسی کارڈ کھیلنا بند کیا جائے۔ وزیر اطلاعات و ثقافت پنجاب عظمیٰ بخاری نے کہا ہے پنجاب حکومت صوبے کے تمام اداروں میں جدید، ڈیجیٹل اور ٹیکنالوجی پر مبنی اصلاحات متعارف کروا رہی ہے تاکہ عوام کو تیز، شفاف اور موثر سہولیات فراہم کی جا سکیں۔ موجودہ دور کے تقاضوں کو مدنظر رکھتے ہوئے پنجاب میں گورننس کے نظام کو جدید خطوط پر استوار کیا جا رہا ہے۔ انہوں نے کہا کہ آج پنجاب تعلیم، صحت اور ٹرانسپورٹ کے شعبوں میں باقی صوبوں سے واضح طور پر آگے جا رہا ہے، جو مریم نواز کے مو ثر طرزِ حکمرانی اور مضبوط انتظامی صلاحیتوں کا ثبوت ہے۔ آج دیگر صوبے بھی پنجاب کے ترقیاتی ماڈل سے سیکھنے کے خواہش مند ہیں۔ انہوں نے مخالفین کو مشورہ دیا کہ وہ سیاسی شعبدہ بازی اور منفی سیاست کے بجائے ترقی اور خوشحالی میں پنجاب کا مقابلہ کریں، کیونکہ انتشار اور منفی سیاست کا عوامی فلاح اور ترقی سے کوئی تعلق نہیں۔
.
ذریعہ
ذریعہ: Nawaiwaqt
پڑھیں:
25 جولائی کو گریٹر اقبال پارک میں پیپلز پارٹی کے جلسہ ؛ بلاول بھٹو ویڈیو لنک سے خطاب کریں گے ؛فیصل میر
سٹی 42: 25 جولائی کو گریٹر اقبال پارک میں پیپلز پارٹی کے جلسے کی تیاریاں آخری مراحل میں داخل ہوگیا ۔
صدر پیپلز پارٹی لاہور فیصل میر دیگر مقامی قائدین اور کارکنان کے ہمراہ گریٹر اقبال پارک پہنچ گئے ۔ مینار پاکستان، صدر پیپلز پارٹی لاہور فیصل میر نے میڈیا سے گفتگو کرتے ہوئے کہا جلسے کی اجازت دینے پر وزیراعلی مریم نواز کے مشکور ہیں۔پرنسپل سیکرٹری نے ہمیں بتایا کہ اجازت دے دی گئی ہے۔جلسے کی تاحال زبانی اجازت دی گئی ہے تحریری اجازت ابھی نہیں دی گئی۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
جلسے کی اجازت دے کر مریم نواز نے جمہوری روایات کو پروان چڑھایا ہے۔آج 23 جولائی کو آئے ہیں ساری رات یہیں ہیں۔جلسے کے دوران صدر آصف علی زرداری کی سالگرہ کا کیک کاٹیں گے۔
25 جولائی کو جلسہ 8 بجے شروع ہو گا۔بلاول بھٹو وڈیو لنک سے خطاب کریں گے۔راجہ پرویز اشرف، حسن مرتضی قمر زمان کائرہ و دیگر قائدین خطاب کریں گے۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی